الموضوع: Jimmy Wales مؤسس Wikipedia

الراجل دا كان ممكن يبقى ملياردير، ثروته على أقل تقدير كانت هتبقى زي ثروة مارك زكر برج (41 مليار دولار، يعني نص تريليون جنيه،) بس هو في الحقيقة ثروته لا تتعدى حتى 1/1000 من ثروة أقل واحد في أغنى الناس في العالم، ولما أتعرض عليه يبقى من ملوك العالم وأغنى الناس رفض وظل يبقى مثالي.

دا Jimmy Wales مؤسس Wikipedia أول ما عملها كان عنده مبدأ إنه عايز يجمع كل المعرفة البشرية ويحطها مجانية لأي حد في العالم للأبد، بدون أي إعلانات ولا دعاية ولا أغراض ولا أرباح تجارية، وحتى بعد ما الموسوعة عملت المعجزات وتخطت الموسوعة البريطانية والإغراء المادي زاد لأقصى الدرجات فضل متمسك بمبادئه ومقوم المشروع على التبرعات ومرضيش أبدًا ياخد ولا دولار واحد من التبرعات عشان ميخليش القراء أو المعرفة تحت رحمة أي شركة أو حد بيعلن عن حاجة. وحتى بعد ما عمل ويكيبديا الأصلية وأفاد البشرية كلها إفادة غير مسبوقة، عمل مؤخرًا مشروع أسمه Wikipedia Zero عشان الناس الفقرا إللي في العالم إللي معندهمش باقات إنترنت ومبيقدروش يتحملوا نفقاتها إنهم يقدروا ياخدوا access مجاني لويكيبديا من شركات الموبايل وحاليًا الموسوعة الجديدة دي بتساعد أكتر من 400 مليون إنسان.


متفق أو مختلف مع طريقة تفكيره، بس هو فعلًا من الناس إللي بتثبت لي إن العالم فيه ناس مثاليين %100 وحتى لو أتعرض عليه يبقى مُلك الدنيا مقابل حاجة مخالفة لمبادءه برضو مش هيرضى.


لما أتسأل عن هل هو غني ولا لأ على موقع Quora كانت إجابته:


"نعم، بأي مقياس عاقل أنا غني، تقريبًا نصف الناس على الكوكب يعيشوا بأقل من 2 دولار يوميًا، أنا أصرف أكتر من دا على فاتورة موبايلي، وحوالي %80 من الناس عايشين بأقل من 10 دولار فياليوم.


ما أقصده هو أن الناس عادة ما بينشغلوا بطريقة تفكير بتخليهم يعتقدوا إن المقياس العاقل لقياس الثراء هو مقارنته بمارك زكربرج أو أصحاب جوجل، إلخ.


ولكن فيه زاوية أخرى للموضوع ولمعنى "الثراء" الناس إللي بتساوي "الثراء" بأي طريقة جادة بكم الأموال إللي تملكها مفتقدين لكثير من الغنى في كيف يقيم الإنسان الأشياء.


أكثر شيء يقدره الناس (أو لابد أن يكون كذلك) هو خبرات وتجارب حياتية مثيرة وغنية، وبهذا المعيار فأنا بالتأكيد غني وغني مقارنة بما ممكن أن تسنتجه من قدراتي المالية المتواضعة (مقارنة بالمليارديرات.) هناك تجار سيارات في مدن عشوائية في الولايات الأمريكية يملكوا أموال أكثر بكثير مما أملك ولكن ليس لديهم أي شيء من جودة حياتي قياسًا بالتجارب المثيرة والمفيدة.


ولذلك، إجابتي النهائية هي "نعم، أنا غني ولكن ليس بالطريقة التي يفكر بيها أغلب الناس كرد على السؤال."