هقولك الخطوات اللي عملتها واحده ست فاضله وهقولك وصلت لأيه..
الاخت الفاضله دي كانت بتشتغل فشركه اجنبيه بتستورد خامه معينه.. الشركه دي صفت شغلها ومشيت.. قامت اختنا الفاضله مسكت النت وهات يا ايميلات لكل المصانع اللي في العالم بتطلب منهم انها تبقي وكيله لهم..
3سنين 3سنين وهي بتبعت ايميلات وتتواصل.. وبعدها مصنع وافق انها تبقي وكيله له.. فرحت فرحه مابعدها فرحه..
بقت تعمل ايه؟
هي دلوقتي عندها منتج المصنع بجميع مقاساته واحجامه..
بقت تفتح الجرايد الصبح وتشوف المناقصات والمزايدات وتاخد المناقصه وتترجمها وتبعتها للشركه الاجنبيه.. والشركه ترد بالاسعار والمواصفات.. ولما العطاء بيرسي عليها بيبقي ليها نسبه..
الاخت الفاضله دي دلوقتي بسم الله ماشاء الله شركه من اكبر الشركات وموظفين وعالم تاني.. وطبعا اخدت توكيلات تانيه .. لمصانع تانيه وكل اللي بتعمله متابعه العروض وارسالها..
طبعا الموضوع اتطور عن ما بدأت.. لان اول ما بدأت مكنش فيه غير الجرايد فقط علشان تجيب عروض.. دلوقتي العروض موجوده في اكثر من مكان والموضوع دلوقتي اسهل بكتييير من الاول..
اسهلها لكم ...
ابدأ بموقع زي علي بابا ادخل شوف المطلوب هتلاقي مثلا واحد من مصر طالب سمك موسي.. روح للعارضين وشوف احسن سعر لسمك موسي سواء في نفس الموقع او مواقع تانيه .. واعرف منهم المواصفات كلها.. وقول لهم لوتقبلوا اكون وسيط ولي نسبه.. اذا وافقوا وكلهم بيوافقوا
كلم الراجل اللي طالب وقوله الاسعار والمواصفات .. وافق وصله بيهم.
الكلام دا عايز حد بيعرف انجليزي كويس
حد عايز يشتغل بجد ويبقي معاه ملايين
حد متفائل وبيحب المغامره وبيحب التجاره.
هتحصل علي اكتر ما تتخيل سواء من اموال او خبره.