احنا جمعنالكم اول 10 قواعد واكيد هتفيدكم اوووى


اولا القاعدة الآولى
ضربة البداية لحضرتك وانك لازم تتحرك وتشتغل افضل من قاعدة البيت
ضربة البداية
يعني أية الكلام دة
معني الكلام يا أساتذة أن فية ناس كتير بتخرج وبتفضل فترة مش شغالة لأن في الكلية ناس كتير بتعتقد أن الحياة وردية وهوا السوبر مان أللي جاي ينقذ الشركة
وبعد ماتخلص الكلية بتنصدم بسوق العمل وبتطلع الحجج الفارغة
الدنيا واقفة مافيش شغل
البلد ماشية بالواسطة
أنا بدور علي فرصة علشان أهج من البلد دي
وكذا وكذا
طيب أنت بتقولي الكلام دة علشان اموت نفسي وأنتحر
لأ ياسيدي أنا بقولك كدة علشان نلاقي حل أنا وأنت
المهم ياباشا أنك تبدأ أحسن من قوعادك في البيت أو علي القهوة
حتروح أنت ترد عليا وتقولي ياعني أموت نفسي يأعني
أنا هقولك أن فية أكثر من مجال ذي خدمة العملاء والمبيعات
أكثر حاجتيت بتعلم منهم وبيساعدوك توصل للوظيفة اللي أنت عاوز
خدمة العملاء بتعلمك تبقي واحد بتاع شغل وبتشتغل تحت ضغط ودة بيخلي أللي قدامك عاوز يخطفك تشتغل معاه لسبب بسيط أوي خدمة العملاء هيا الشغلانة الوحيدة اللي بتشتغل فيها ال 8 ساعات بالكامل تقريبا مش بتريح تقريبا كل ثانية مكالمة
ولازم كل مكالمة تبقي أول مكالمة أبتسامة للعميل ودايما تحسسة أنك في خدمتة شوف بقى كمية الضغط اللى بتتعرض له وكمان شوف المهارات اللى انت بتتعلمها من هندلة العميل وانك بتخلى العميل راضى من خلال تأدية الخدمة على أفضل وجه
أما المبيعات حدث ولا حرج مهارات تفاوض وأتصال وأقناع وشخصية تأكل أللي قدامها ومايتخافشي علية
بتبقى زى مابيقولو مدردح لو اطحتيت فى الصحراء هتعيش فى الغابة مع الاسود برضو هتعيش
أنت بس تحط رجلك علي أول سلمة وربنا هيبقي معاك
أنما أحنا مستنين
وظيفة الحكومة علشان أمان
بص ياسيدى الحكومة لابتعين حد ولا بتوظف حد
وتخصصي علشان وجاهتي الأجتماعية
هتعملك اية وااجهتك الآجتماعية لو انت قاعد مستنيها وقاعد عاطل فى البيت
شوف الآحصائية دى
70% من الامريكان بيشتغلوا في وظائف لا ترتبط بالتعليم بتاعة
يعنى ماتتحججش
وابدأ أحسن من القاعدة فى البيت وابدا نمى نفسك فى اللغة والكمبيوتر وعلاقتك مع الناس وابدأ أعمل واسطة بشطارتك من خلال تعرفك على الناس وعلاقتك الكويسة بيهم
مش واسطة بابا وماما
أبدأ وربنا معاك


القاعدة الثانية
ازاى تربط كلامك بشغلك
والفرق مابيت انك تشتغل بتعب وانك تشتغل بذكاء
أقرن القول بالعمل
يعنى اية الكلام دة بص ياباشا حاول تخلى الكلام بتاعك بيوضح شغلك
ماتكونشى قدام الناس برس فى الكلام وعمال تنفخ نفسك وتقول انا وانا وتنفخ فى نفسك
وتيجى نشوف شغلك على ارض الواقع نلاقيك زى البلونة منفوخة على الفاضى
واخد حجم ومساحة اكبر من شغلك وامكانياتك
لازم تشتغل وتشتغل بأحتراف كويس اوووى
واشتغل على النتائج واهتم انك تطلع نتائج وفايدة من شغلك
واهم حاجة لازم تميز بين smart work و hard work
Hard work
معناه انك عمال تشتغل وتتعب فى نفسك ومموت نفسك فى انك تطلع نتائج وتعرق وتتعب الناس معاك
Smart work
هوا انك تعرف هدفك وتعرف ازاى توصلة وانك تاخد الطرق السهلة والبسيطة فى تحقيقها باقل التكاليف

يعنى من الاخر لازم تعرف لو اشتغلت على لياقة القميص يبقى مالكشى مكان لان كل الدول المتقدمة مأهتمتشى بليقاقة القميس لانك مش فواعلى شغال بايدك
طلع نتائج وخليك ولد بتاع شغل
والاهم من كل دة انك تعمل لنفسك كيان فى المكان اللى أنت فية وتخلق لنفسك وظيفة محدش اشتغلها قبلك ومن الصعب انم يلاقول حد زيك بعدك
علشان كدة بجد من غير اى كلام تانى لازم تكون بجد انت شخص برنس وماهر فى مجالك وقت مايقعوا فى اى مشكلة محدش هيحلها غيرك
طور نفسك واهتم بتعليم نفسك
التعليم بقى ببلاش دلوقتى على النت ومواقع كتييير بتعمل كورسات مجانية وكمان بيبقى فيها شهادات
اتعلم لغة لانها هيا المفتاح بجد انك تتعلم
الحاجة الثانية انك تشتغل فى صمت ماتقعدشى انك فى كل حاجة تعملها تبقى عامل زى البغبغان تقعد تنشغل وتضيع وقت كبير فى انك تتكلم وتقول للناس انك عملت كذا وكذا
ملخص القاعدة الثانية
اربط شغلك بكلامك
خلى شغلك متميزا اى حد يشوفة يقول انة بتاع فلان
اشتغل بذكاء ودور على اقل الجهد لتحقيق اكبر نتائج
اهتم بنفسك وبتعليم نفسك والتعليم دلوقتى بقى سهل ومجانا
اشتغل فى صمت ومش كل حاجها تقولها


القاعدة الثالثة
أزاى تشتغل وتطلع نتائج فى صمت وتفاجىء الناس دى بالنتائج
وازاى تفرق بين انك تكون فرخة وانك تكون سمكة
طلع نتائج فى صمت
معنى اية الكلام دة ياحضرات الكلام دة سهل وبسبط جدا وهوا انك تشتغل وتركز فى شغلك وتفكك من الكلام الكتير اللى بتقولة وبتسمعة حوليك
اتعلم تكون سمكة وانسى انك تكون فرخة
اية الالغاز اللى بتقولها دى
بص ياباشا كدة بالصلاه هلى النبى
ابعد خالص انك تكون عامل زى الفرخة بتبكبك كتير على حاجة مالهاش لازمة
الفرخة ممكن تقلب البيت كلة وتعملك صداع علشان تبيض بيضة مش بتساوى جنية
تفضل تعمل علها حركات
أنما السمك سبحان الله بيبيض كافيار ولاحد سامع حسها
شوف بقى الكافيار بكام
علشان كدة انهى الاغلى السمك ولا الفراخ وانهى الافيد
ركز فى شغلك وطلع نتائج وزى ماقولنا فى القاعدة الثانية خلى شغلك هوا اللى يتكلم عنك
هتلاقى بجد شغلك ظاهر وموجود واكثر من واحد بيطلبة
بالظبط زى الكافيار والبيض
البيضة فيه منها كتير وتلاقى سعرها بسيط وكل الناس تقدر تشتريها
انما الكافيار علشان سعرة غالى وحاجة متميزة ماتلقهاش عند كل الناس ومش كل الناس تقدر تشرية
أعمل لنفسك قيمة وسعر
واعرف ان المنافسة صعبة وكل ماهتتكلم وتقول حاجة هيطلع غيرك يقول حاجتين
أشتغل فى صمت وفاجئ الناس بنتائجك


القاعدة الرابعة
ماتكتفيش باللى انت علية
المفروض انك تطور من نفسك ووظيفتك وكمان لازم يكون عندك مشروعك الخاص
لا تكتف بما انت علية
الكلام سهل بس مضمونة كبير اووووى
معنى الكلام دة اية ياحضرات
بصوا بقى ياباشا انت وهوا
ماتخليش كل طموحك حاجات صغيرة وماتستسلمشى للحال اللى انت فية
يعنى لاقدر الله لو انت مش شغال لازم تتحرك وتشبط فى حاجة احسن من القاعدة
وبعد ماربنا يرزقك بالوظيفة ماتخليش كل طموحك الوظيفة
ماتقولشى لنفسك انا كدة اشتغلت يبقى خلاص
وظيفة مضمونة ومرتب اخر الشهر وتامينات وراحة بال
لأ
حاول انك تفكر تعمل اية
تترقى ازاى وتزود دخلك ازاى وتكبر طموحك لحد ماتبقى صاحب مسؤلية فى ادارة وطموحك يكبر لحد ماتكون رقم واحد فى المكان
الاحسن من كل دة ان يكون ليك مشروعك الخاص بيك
مثل بسمعة من زمان وهو
الشغل عند الناس مؤرف
خليكى واشتغل فى حاجة بتاعتك كبرها وقلبك هيكون عليها
الرسول صلى الله وعلية وسلم قال تسعة اعشار الرزق فى التجارة
وعلى اد المخاطرة بيكون الربح
على تحقق كل اللى انت عاوزة وتستمر فى طموحك لازم تكون شخصيتك مهيئة للتغيرات دى وتكون هيا الدافع ان تطور نفسك
اهتم بالتنمية البشرية وتاهيل الشخصيات
اللغة ثم اللغة ثم اللغة
التعليم دلوقتى ببلاش على النت بس محتاج لغة
كبر طموح هتلاقى مستقبلك بيكبر اتوماتك
طموح الكبير دة هتلاقى ناس مش عاجبها وهتقعد تتريق بس خليهم يتريقوا
لما ربنا يوفقك وتكبر هتكون فى مكانة هيحسدوك عليها اللى كانوا عليك بيتريقوا
كبر نفسك
وماتقفشى مكتف ايدك


القاعدة الخامسة
أرسم ابتسامتك دائما وانك لية لازم تبتسم وازاى الابتسامة دى بتفرق
معاك فى شغلك وفى حياتك كلها
لا تكتف بما انت علية
الكلام سهل بس مضمونة كبير اووووى
معنى الكلام دة اية ياحضرات
بصوا بقى ياباشا انت وهوا
ماتخليش كل طموحك حاجات صغيرة وماتستسلمشى للحال اللى انت فية
يعنى لاقدر الله لو انت مش شغال لازم تتحرك وتشبط فى حاجة احسن من القاعدة
وبعد ماربنا يرزقك بالوظيفة ماتخليش كل طموحك الوظيفة
ماتقولشى لنفسك انا كدة اشتغلت يبقى خلاص
وظيفة مضمونة ومرتب اخر الشهر وتامينات وراحة بال
لأ
حاول انك تفكر تعمل اية
تترقى ازاى وتزود دخلك ازاى وتكبر طموحك لحد ماتبقى صاحب مسؤلية فى ادارة وطموحك يكبر لحد ماتكون رقم واحد فى المكان
الاحسن من كل دة ان يكون ليك مشروعك الخاص بيك
مثل بسمعة من زمان وهو
الشغل عند الناس مؤرف
خليكى واشتغل فى حاجة بتاعتك كبرها وقلبك هيكون عليها
الرسول صلى الله وعلية وسلم قال تسعة اعشار الرزق فى التجارة
وعلى اد المخاطرة بيكون الربح
على تحقق كل اللى انت عاوزة وتستمر فى طموحك لازم تكون شخصيتك مهيئة للتغيرات دى وتكون هيا الدافع ان تطور نفسك
اهتم بالتنمية البشرية وتاهيل الشخصيات
اللغة ثم اللغة ثم اللغة
التعليم دلوقتى ببلاش على النت بس محتاج لغة
كبر طموح هتلاقى مستقبلك بيكبر اتوماتك
طموح الكبير دة هتلاقى ناس مش عاجبها وهتقعد تتريق بس خليهم يتريقوا
لما ربنا يوفقك وتكبر هتكون فى مكانة هيحسدوك عليها اللى كانوا عليك بيتريقوا
كبر نفسك
وماتقفشى مكتف ايدك


القاعدة السادسة
ملخص القاعدة انك لازم تتحدث بشكل جيد
وازاى يكون الكلام بتاعك هو عنوانك
تحدث بشكل جيد
قاعدة سهلة ومهمة جدا وهوا انك تختار اسلوب كويس ومتميز عن زملائك فى التحدث مع كل فرد من اعضاء شركتك او المكان اللى انت فية بيتك تطوعك دراستك وهكذا
كلا على قدر مستواه التعليمى
حط القواعد دى وانت بتتكلم
لازم يكون كلامك
جذابا _ يشد الناس وانت بتتكلم علشان ينتبهوا ليك ويركزوا معاك
واضحا _ لازم يكون مفهوم للجميع الكيير والصغير المدير والغفير والكل يوصلة نفس الريالة اللى انت قصدها من كلامك
سلسا _ يعنى سهل وبسيط والكل يفهمة اختار الالفاظ البسيطة
السهلة ومتختارشى الالفاظ المعقدة الصعبة حتى فى النطق
بسيط _ مش معقد علشان يوصل لكل الناس بنفس المضمون اللى انت عاوزة
فية قاعدة اسمها
غير كلامك غير عالمك
كلماتك هيا اللى بترسم مستقبلك
كلامك هوا اللى بيحدد مصيرك
ممكن كل شوية تقول لنفسك انا ناجح ومتميز عقلك الباطن بيقتنع بكدة وبيسعى فعلا انه يختار الوسائل والطرق علشان تحقق نجاحك بيها والعكس لو اتكلمت سلبى
سيدنا على ابن ابى طالب لما كان بيحب يعرف الشخصية اللى قدامة كان بيقول للى قدامة تكلم حتى اراك
سالوا عالم وطلبوا منة انة لو نزع منة جميع مهراتة وخبراتة وسيتركوا له مهاره واحدة فقط فماذا سيختار
رد العالم انة سيختار فن الالقاء
لانة من خلال فن الالقاء استطيع ان اسحر الجميع واستعيد كل مهاراتى
كلامك عنوانك
هوا اللى بيخلينا نحكم عليك
ركز فى كلامك وماتبقاش مدب
بيقول اى كلام فى اى وقت
انت اللى هتخسر وهتندم
لسانك اتحكم فية وطلع الكلمة السليمة فى الموقف السليم والوقت السليم


القاعدة رقم 7
ازاى تكون حسن الملبس وازاى تلبس كويس
وازاى لبسك بيفرق معاك
أهتم بأن تكون حسن الملبس
الحكاية مش محتاجة شرح كل الحكاية أنك تكون سفير كويس لبيتك في شغلك من خلال لبسك الكويس وأنك تكون سفير لشغلك قدام العملاء وأصحابك شوف زمايلك في الشغل بيلبسوا أية وألبس زيهم وأحسن منهم كمان
ركز علي لبس مديرك شوف زوقة وتهيأ نفسك أنك اللي هتكون مكانة
المظاهر كتير خداعة حاول تخلي الحاجة دي في صاحك
البس فورمال هتحس أنهم بيعملوك كأنك مدير أو أعلي منهم وظيفيا
في المنحة اللي أنا كنت فيها كانوا بيعلمونا أنا نلبس فورمال وأزاي يكون عندنا ذوق في اللبس أزاي تختار حتي الشراب والجزمة والحزام بتاع البنطلون
أزاي في عز الحر تبقي لابس بدلة كاملة والقميص كل الزراير مقفلة أزاي تربط الجرافتة لحد ماهتخنق نفسك بيها
أزاي تسرح شعرك
علمونا علي الحاجات الصعبة ولما بدأنا نشتغل ماحسناش بالصدمة وبقينا نروح الشغل وأحنا لابسين أحسن من زمايلنا
بس أوعي أهتمامك باللبس يكون علي حساب شغلك
ماتبقاش زي المثل اللي بيتقال من برة هالله هاللة ومن جوة يعلم الله
ألبس كويس دي قاعدة من القواعد سهلة أنك تنفذها وتربح من وراها وسهل انك تهملها وتفضل قاعد في نفس الشركة بنفس الكرسي اللي أنت قاعد علية بنفس المرتب
حرام تظلم نفسك في حاجة زي دي
ألبس كويس هتفتح معاك باب للترقية وباب العروسة كمان


القاعدة رقم 8
ازاى تتطوع بحذر وازاى ماتقبلشى اى حاجة
تطوع بحذر
معنى الكلام دة ياساتذة انك تطوع بحرص مش كل حاجة مدخل نفسك فيها وعامل فيها ابو العريف و7 رجالة فى بعض
عاوز تبين لمديرك ولزمايلك انك البرنس بتاع المكان
مدخل نفسك فى اللى ليك فية واللى مالكشى فية
بتلاقيك اول واحد راشق نفسك فى كل حاجة تخصك او ماتخصكشى
ماتبقاش عامل زى العبيط مكان مايودوك تروح ومكان مايؤمروك تنفذ
قبل ماتتطوع وتعمل الحاجة اسال نفسك
لية بيطلبوا متطوعين
ازاى التطوع دة هيفيدنى
لو تطوعت شكلى قدام الادارة هيكون اية
شكلى وسط زمايلى اية
هل المهمة المكلف بها قذرة رفضها الاخرين علشان كدة اتعرضت عليا
هل مديرك فعلا عندة مشاكل ومحاج حد مساعد
اتطوع فى الحتة اللى تعرفها وتتقنها علشان النتائج تكون مبهرة تعجب الجميع بما فيهم الادارة
اسال نفسك قدراتى تستطيع عمل المهمة حتى لا افشل امام من كلفنى بها
مش شرط انك تطوعك بحذر فى الشغل فقط
دة فى مجال فى حياتك كلها
أتعلم انك ماتعملشى حاجة قبل ماتعرفها كويس
مطلوبة لية
ولمين
وعلشان اية
واشمعنى انا
والطلبة اللى بيطوعوا فى الانشطة الطلابية
مش مهم بتطوع فين المهم بتستفاد اية من التطوع
ممكن تكون متطوع فى اكبر مكان فى مصر بس مش بتستفاد منة حاجة
ومكن تكون متطوع فى مكان صغير بس الاستفادة عالية
مايغركشى الاسامى الا اذا فى حالة انة بتدور على الاسم
قاعدة مهمة حاولت الخصها علشان الناس تفهما
الرسول صلى الله وعلية وسلم قال
المؤمن كيس فطن
ارسى كدة فى قرارك وماتستعجلشى علشان ماتندمش


القاعدة رقم 9
قل خيرا او اصمت وازاى الكلمة بتفرق معاك
قول خيرا او أصمت
معنى القاعدة دى ياحضرات انك ماتبقاش مدب
يعنى اية مدب ؟
معنى مدب انك مش بتفرق بين الصح والغلط كل الكلام عندك واحد يتقال فى اى وقت وفى اى موقف
مابتفرقشى بين الكلام اللى يتقال والكلام اللى ممنوع يتقال
ممكن بدون قصد او تعمد
نتيجة دة انك توقع الموظفين ببعض
والادارات برضو ببعض
اختار كلامك واختار الفاظك
لكل مقام مقال ولكل وقت حديث
اختار الكلام اللى يبنى مش يهدم
خليك محل ثقة بين الناس مش محل جزم
اذا ذكرت ذكر الخير والثقة
قل الكلام اللى يجمع وممنوع الكلام الهدام اللى يفرق
والرسول صلى الله وعلية وسلم ذكر الامر دة فى احاديث كثيرة
زى احاديث فيما معناها
فليقل خيرا او ليصمت
لا تكن بين الناس نمام
امس عليك لسانك
صدقت يارسول الله
من الاخر كدة وعلى راى المثل
لسانك حصانك ان صنتة صانك وان هنتة هانك
احفظ كرامتك وماتقولشى غير الخير
واياك ان تحدث الوقيعة بين الاخرين لمصلحة شخصية لك او لغيرك
خليهم يفتكروك بالخير


القاعدة رقم 10
ماتقدمشى وعود والتزامات على الفاضى
ماتقدمشى وعود وألتزامات على الفاضى
القاعدة شارحة نفسها فمش محتاجة كلام كتير
المفروض يافندم انك ماتقدمشى التزامات ووعود على الفاضى سواء كنت محتاج تقدم الالتزام ده فيتقدم بس فحدود ضيقة
حاول ماتربطشى شغلك بالتزام انت مش قده
بمعنى يافندم انك لو قدمت التزام على شغلك وانت ماكنتش قدة بيبقى شكلك وحش اولا قدام نفسك ثانيا قدام الاخريم
يعنى لو شغلك محتاج مثلا اسبوع علشان يخلص
ماتبقاش انت عامل فيها ابو العريف وشمشون وتروح مدى التزام على نفسك ان الشغل ده هياخد يوم او اثنين
اوعى توعد الناس وتخلف وعدك
ممكن تظبط معاك فى مرة او اثنين بس مش هتظبط معاك هلى طول وهتلاقى نفسك شغال تحت ضغط مستمر
موتر نفسك وموتر الناس اللى شغالة معاك
بتحاول تنجز فى الشغل علشان تقدمة فى الميعاد اللى التزمت بية ودة بيكون على حساب جودة الشغل
يعنى فى الاخر بعد الكلام اللى اتكلمنا فية دة
حافظ على وعدك ولا تطلق وعود والتزامات على الفاضى
ادى نفسك وقت وماتظلمشى نفسك علشان شغلك يطلع مظبوط
مش معنى انك تدى نفسك ولشغلك وقت انك تركن وتنام فى الخط
وعلى رأى المثل
الرجالة بتتعرف من لسانها
يعنى بتدى الوعد والالتزام بتحافظ علية
وحكاية انك تقدم وعود وماتنفذهاش بتقع فى مكانة المنافق
قال الرسول صلى الله وعلية وسلم
اية المنافق ثلاث منها اذا وعد اخلف
صدقت يارسول الله
على فكرة انا اهلاوى وبحب فتحى مبروك
بس انا حطيت صورتة علشان هوا واللاعبين وعدوا ب 3 بطولات
خسرنا اثنين والدور على الثالثة
من الاخر ماتوعدشى الناس بالتزام وانت مش قده او متجاهل قوة الاخرين

بقلم: محمود خليفة