النتائج 1 إلى 3 من 3

الموضوع: مصيبه اداريه

#1
الصورة الرمزية mid115
mid115 غير متواجد حالياً مبادر
نبذه عن الكاتب
 
البلد
مصر
مجال العمل
موارد بشرية
المشاركات
17

مصيبه اداريه

انا بدات العمل فى شركه فى القاهره ليا 4 فروع فى مصر فى البدايه اشتغلت فى المقر الرئيسى شهر كامل بعدها انتقلت لاحد الفروع فى جنوب شرق مصر اشتغلت فيه مده 3 شهور فى الفتره دى انا شوفت العجب من اخصائى الموارد البشريه على حد قوله ومسمى نفسه hr بالرغم من ان تربطنى بيه علاقه قويه جدا
ولك ان تتخيل ماذا وجدت : _
1/ ابلكيشن التوظيف مينفعش حد غيرى يملاه علشان الخط يكون حلو ومدير الفرع يعرف يقراه .
2/ محدش ليه صلاحيه يعرف مرتبات الناس اللى بتشتغل غير محاسب ومدير الفرع .
3/ لازم علشان حد يشتغل لازم يكون من طرف حد تانى ميكونش جاى كدا من نفسه حتى لو معاه خبره حتى لو هيفيد المكان هوا مرفوض واللى جاى من طرف حد لو مش بيعرف يقراء عادى موافقين عليه .
4/ كاداره موارد بشريه مليش صلاحيات نهائى كل حاجه لازم ارجع لمدير الفرع لو حد نزل اجازه لازم مدير الفرع .
5/ كم احباط وكم تقطيم في مواهبك وشخصك لحد ما تحس انك متستحقش اللى بتاخده ودا اصلا كتير عليك واحمد ربنا .
6/ اداره مش بتهتم لمشاكل موظفينها لو حد عنده مشكله لازم مجبر انه يكتمها وميتكلمش عنها نهائى علشان الدنيا تبان حلوه وزى الفل .
7/ كمدير فرع من وجه نظرى شخصيه محترمه جدا لكن كشغل فاشل ومجرد انك تحاول تتكلم معاه وتنبهه لمشكله معينه يا ويلك وسواد ليلك .
8/ دايما مش بيحب المشاكل توصله علشان دايما يحس ان الدنيا حلوه ويوصل الصوره للمقر الرئيسى بكدا .
للاسف انا مرتحتش للوضع دا لانه بيخالف مبادئ اللى اتربيت عليها واللى درستها واللى اشتغلت بيها قبل كدا .
اتمنى تقولولى رايك وهل انا موهوم والوضع دا صح وانا اللى غلط ولا استمر فى محاربه الواقع دا ولا استسلم واعيش واكل عيش ؟؟؟؟

#2
الصورة الرمزية MR taher ali
MR taher ali غير متواجد حالياً أقدمية
نبذه عن الكاتب
 
البلد
السودان
مجال العمل
موارد بشرية
المشاركات
29

رد: مصيبه اداريه

انا هقولك راي بصراحه
1/ ابلكيشن التوظيف مينفعش حد غيرى يملاه علشان الخط يكون حلو ومدير الفرع يعرف يقراه . الموضوع عادي يرجع لرؤيه المدير

2/ محدش ليه صلاحيه يعرف مرتبات الناس اللى بتشتغل غير محاسب ومدير الفرع . المرتبات لازم تكون سرية في اضيق الحدود وده صح
3/ لازم علشان حد يشتغل لازم يكون من طرف حد تانى ميكونش جاى كدا من نفسه حتى لو معاه خبره حتى لو هيفيد المكان هوا مرفوض واللى جاى من طرف حد لو مش بيعرف يقراء عادى موافقين عليه . هو كمبدأ خطأ لانه لازم يكون المعيار الكفاءة في الاختيار وليس المحاباه .
4/ كاداره موارد بشريه مليش صلاحيات نهائى كل حاجه لازم ارجع لمدير الفرع لو حد نزل اجازه لازم مدير الفرع . بالفعل لازم مدير الفرع / مدير الادارة يوافق علي نزول الموظف اجازته علشان الشغل مش يتأثر وينسق مع البديل . ويقتصير دور الاتش ار علي متابعة نزول الموظف الاجازة وانهاء الاجراءات .
5/ كم احباط وكم تقطيم في مواهبك وشخصك لحد ما تحس انك متستحقش اللى بتاخده ودا اصلا كتير عليك واحمد ربنا .
هذا السبب ليس مهني ولكنه هناك بعض المديرين لا يرغبون في مدح الموظفين لديهم حتي لا يطلبون زياده او مكافأة لكن ثق بنفسك واشتغل والله المستعان
6/ اداره مش بتهتم لمشاكل موظفينها لو حد عنده مشكله لازم مجبر انه يكتمها وميتكلمش عنها نهائى علشان الدنيا تبان حلوه وزى الفل .
دور الاتش ار الرئيسي ( خاصة شئون الموظفين ) هو الاستماع لمشاكل الموظفين وحلها حتي مع مديري الادارات . واعطاء الموظف حقه كاملا سواء كان الخصم الشركة او المدير او موظف عادي .
7/ كمدير فرع من وجه نظرى شخصيه محترمه جدا لكن كشغل فاشل ومجرد انك تحاول تتكلم معاه وتنبهه لمشكله معينه يا ويلك وسواد ليلك .
توجيه مدير فرع بالعمل خطأ كبير لكن الملاحظات تكون في ضوء ما ينتج عن شكاوي متكرره من الموظفين وكذلك اخطاء تعوق الاتش ار عن مواصله عمله فقط اما عن طريقه اداءه فهذا متروك لمديره المباشر .
8/ دايما مش بيحب المشاكل توصله علشان دايما يحس ان الدنيا حلوه ويوصل الصوره للمقر الرئيسى بكدا .
دور اي مدير دور فني ودور اداري ولابد من المشاكل ان يعلمها وتخطره بها عن طريق الايميل حتي تكون قد اخليت مسؤليتك .
للاسف انا مرتحتش للوضع دا لانه بيخالف مبادئ اللى اتربيت عليها واللى درستها واللى اشتغلت بيها قبل كدا .
اي مكان هتلاقي عوائق لان الاتش ار دائما دوره انه يصحح الاخطاء خاصه ان اغلب المدراء لا يحبون الاتش ار لانهم يعتبرونهم ضدهم لان الاتش ار يفرض النظام وهم لا يحبون ذلك فاصبر وحاول واكيد هتستفاد من التجربه اشياء كثيرة
مع تمنياتي لك بالتوفيق ان شاء الله .



#3
الصورة الرمزية هشام سليم
هشام سليم غير متواجد حالياً محترف
نبذه عن الكاتب
 
البلد
مصر
مجال العمل
شئون العاملين
المشاركات
79

رد: مصيبه اداريه

النظام دة موجود في اغلب الاماكن العملية الخاصة في مصر ... وطبعا اقصد شركات الافراد وذات رأس المال الفردي البسيط او غير الضخم..الشركات الكبرى ومتعددة الجنسيات تحترم موظف الموارد البشرية وتعطيه صلاحياته لانه اولا واخيرا مسءول عن تحديد نظم ولواءح وتطبيقها لضمان استمرارية العمل ونجاحه..لكن الشركات البسيطة او صاحبة رأس المال الفردي غالبا بيكون اصحابها عايزين ربح او مديريها بيكونوا عايزين مصالحهم تمشي ويديروا كل مهمه بنفسهم او بناءا على توجيهاتهم وفكرهم وبالتالي بيحصل تقصير في احدالمجالات اللي مش بيفهموا فيها ... موظف الموارد البشرية محاصر بين انه يرضي الادارة وصاحب المال وانه لايضغط او يجحف في حق الموظف وانه يسير عملية تنظيم علاقات العمل بشكل يجعل العمل مستمر دون تعطيل .
وهذا قدر موظف الموارد البشرية غالبا في واقعنا العملي ..عكس المتواجد في بلاد ابتدعت نظام الموارد البشرية بشكل هام وحيوي لضمان استمرارية النجاح والتفوق..كاليابان والمانيا وامريكا.
وفقك الله وزادك علي صبرك صبرا

إقرأ أيضا...
ابحث عن كتاب محاسبه اداريه

االسلام عليكم ابحث عن مرجع للمحاسبه الاداريه ونظم معلومات اداريه وادارة تسويق. فهل هناك روابط او اسماء للمراجع ؟؟ مشكورين علي ردودكم واهتمامكم (مشاركات: 1)


دورة (سكرتاريه اداريه)

تقدم شركة الوقف التنموي دورة ( اسكرتاريه اداريه) مع الاستاذه/ هناء الرفاعي رسوم الدورة 700 ريال تحصل كل متدربه علي شهاده من البورد الامريكي وشهاده من شركة الوقف التنمويه للتسجيل / 0546199912 (مشاركات: 0)


شاب حاصل على بكالوريوس نظم معلومات اداريه

شاب حاصل على بكالوريس نظم معلومات اداريه بالاضافه لعده دورات وشكرا للتواصل : 00962788812311 (مشاركات: 0)


نصائح اداريه هامه

"يارب لا تدعني أصاب بالغرور إذا نجحت و لا أصاب باليأس إذا فشلت ". لا تعتمد علي الصديق فهو نادر , و لا تعتمد علي الحبيب فهو غادر , و لكن أعتمد علي الله فهو قادر , و إن كانت الدنيا بحر من الهموم... (مشاركات: 0)


دورات تدريبية نرشحها لك

كورس الإدارة المالية لغير الماليين

برنامج تدريبي موجه لغير الماليين لمساعدتهم على فهم الادارة المالية وتطبيقها في شركاتهم واعمالهم يهدف البرنامج الى اكساب المتدربين القدرة على فهم البيانات المالية والتحليل المالي وادارة رأس المال العامل وتحضير الميزانية التشغيلية وقرارات الميزانية الرأسمالية واتخاذ القرارات المالية


دورة المبادئ الأساسية لنظام سلامة الأغذية - BRC

برنامج تدريبي توعوي يتناول شرح المبادئ الاساسية لنظام سلامة الغذاء BRC الاصدار الثامن ويشرح مخاطر سلامة الغذاء ومبادئ الهاسب HACCP وتحديد نقاط التحكم الحرجة CCPs وبرامج المتطلبات الاولية PRPs والممارسات التصنيعية الجيدة GMP والممارسات الصحية الجيدة GHP واقسام المعيار نظام سلامة الغذاء BRC


دبلوم مراقبة تكاليف الاغذية والمشروبات في المطاعم والفنادق

صمم هذا البرنامج التدريبي ليؤهل المشاركين لفهم كيفية مراقبة تكاليف الاغذية والمشروبات في المطاعم والفنادق ويزود المشاركين بالادوات اللازمة لتخطيط التكاليف وخفضها ومراقبتها بصورة عملية واحترافية. يتعرف المتدرب من خلال البرنامج على العناصر المؤثرة في حساب تكلفة الاغذية والمشروبات وكيف يمكن حساب تكلفة كل منتج من المنتجات وحساب تكلفة كل عميل من عملاء المطعم أو الفندق.


دبلومة حوكمة مجالس الإدارات ونظم الإدارة في الشركات السعودية

برنامج تدريبي متخصص في حوكمة الشركات السعودية وفقاً للأنظمة السعودية. يتناول حوكمة نظم العمل الرئيسية وتوزيع الصلاحيات والمسئوليات والسياسات والاجراءات التشغيلية. وذلك لحماية حقوق المساهمين وأصحاب المصالح وضمان الشفافية والحوكمة الرشيدة وجذب المستثمرين وتقليل المخاطر القانونية والمالية التي يمكن ان تتعرض لها الشركة.


برنامج مهارات إعداد خطط التسويق الفعالة

صمم هذا البرنامج خصيصا لتأهيل رجال التسويق وتمكينهم من اعداد خطة التسويق الناجحة التي تحقق أهداف الشركة. ويستهدف هذا البرنامج موظفي التسويق ومشرفي التسويق ومديري ادارات التسويق وكذلك الافراد الراغبين في الالتحاق بإحدى هذه الوظائف.


أحدث الملفات والنماذج