النتائج 1 إلى 1 من 1

الموضوع: التيشرت الرمادي الذي غير العالم

#1
نبذه عن الكاتب
 
البلد
الصومال
مجال العمل
أعمال ادارية
المشاركات
4,822

التيشرت الرمادي الذي غير العالم

ستيڤ چوبز خلف بنته الوحيدة من زميلته اللي حبها جداً بدون جواز .. لكن حبه لشغله وصراعاته مع مُلاك شركة Apple خلاه يرفض الاعتراف ببنته، لما بنته كان عندها سنتين طلع ستيف جوبز في حديث صحفي وقال إنه عقيم ومبيخلفش وإن صديقته بتدعي أنه أبو البنت عشان نجاحه في الشغل وعشان تاخد منه فلوس .. ستيف فضل ينكر بنته طول عمره ومع كل إخفاقاته في شغله كانت البنت بدأت تكبر وبدأ كل ما يشوفها يحس إنها فيا حاجة تشبهه .. الحاجات البسيطة اللي مبنركزش معاها ونكتشف إنها كان بيعملها أهلنا وهما صغيرين .. الحاجات البسيطة التافهة اللي بتكون مزروعة فينا في الچينات بس عمرنا ما هناخد بالنا منها .. مثلا زي إنك تكون بتحب تطبق الورق اللي قدامك وتفرده وأبوك لما يشوفك يبتسم ويقولك أنا كنت بعمل كده وأنا صغير..





ستيف لما بدأ يلاحظ دا حس إن البنت قريبه منه جدا .. وبالرغم إنه كان بدأ يقتنع بشكل شخصي انه فعلا عقيم من كتر انكاره للبنت إلا إنه بدأ يقرب منها .. بدأ يقرب منها في الفترة اللي كان كل حاجة حواليه بتنهار .. كل حاجة بمعنى الكلمة .. شركته بتقفل ، الصراعات بتزيد ، في تكتلات ضده ، بقى عليه ديون ، صديقته بتلاحقه عشان يعمل تحليل إثبات نسب ! الاعلام بيضغطه .. الجهاز الجديد اللي اخترعه فشل فشل ذريع في الاسواق ومحققش حتى نُص المبيعات المتوقعه .. كل حاجة بتنهار فعلياً في الفترة دي بدأ ستيف جوبز يسأل بنته بتحب تتعلم رسم ازاي .. بدأ يركز معاها .. كان كل لبسه بدل وهدوم كلاسيك ورسمي وشعره طويل .. سافر الهند قعد فترة تأمل ورجع حالق شعره .. مبقاش يلبس الهدوم المعتاده تاني واعتمد على تيشيرت رمادي غامق أقرب للاسود وبنطلون جينز عادي جداً .. اشتري من نفس التيشيرت ١٠٠ تيشيرت و١٠٠ بنطلون .. بنفس اللون ونفس المقاس .. بيلبس منهم كل يوم .. تقريباً على مدار ٢٢ سنه بعدها ستيف جوبز هيظهر في كل المؤتمرات وكل اللقاءات لابس التيشيرت والبنطلون دول .. لأنه مبقاش عنده وقت للاهتمام بالتفاصيل اللي بتضيع الوقت .. في أهم يوم في حياة ستيف جوبز .. بعد ما رجع شركة “أبل” بسنين ومع إنتاج أحدث جهاز Macentosh اللي هيغير شكل التكنولوجيا في العالم لحد يومنا دا في أغلب الصناعات، ستيف هيقابل بنته وهي عندها ١٨ سنه وهيكون مبسوط جدا إنها هتشوفه في اليوم دا وهو معترف بيها تماماً .. لكن للاسف في الوقت الغلط .. بنته هتكون مش مستنيه اعترافه لأنها بحثت عنه عالانترنت وقرأت الحوار اللي أنكرها فيه وهي عندها سنتين .. هتكون غضبانة جداً هتسيبه وتجري ولما يحاول يكلمها هتحط سماعات ال walkman في ودانها عشان متسمعوش وتسمع مزيكا .. ستيف هيحاول يصالحها وهيوعدها انه هيخترعلها حاجة بتحبها وهيخلي المزيكا في متناول ايديها .. هتكون دي بداية اختراع الـ Ipod اللي هيجي بعده الــ Iphone والــ Ipad .. ستيف هيغير شكل العالم عشان يصالح بنته … وعشان يصلح موقف أنكر فيه أعز حاجة لقلبه وهو مش واخد باله!
….


مارك زوكربج دخل في علاقة مع بنت وخسرها ، ولما حاول يرجعلها بكل طريقة معرفش يرجع ومكانش قادر يوصل لأي معلومة عنها ولا يشوفها ، فاخترع فكرة موقع الــ Facebook اللي اتطورت أكتر من مرة واتغيرت، عشان البنت دي تعمل حساب على الموقع فيقدر يشوف صورتها ويتابع هي بتعمل ايه .. ولما وصل لأكتر مراحل نجاح في حياته والفيس بوك بقى موقع بيجمع العالم كله، كان مارك بيحاول يصلح قصته القديمة لكن للأسف منجحش الفيس بوك في انه يجمعه بيها تاني .. ركز في شغله بكل طاقته وبدأ يستحوذ على أي موقع منافس أو ممكن ينافس وأي برنامج ممكن يأثر وبقت مجموعة فيس بوك عمليا بتجمع الكوكب ببعضه .. مارك اشتري What’s App و Instgram ومستمر يشتري اي حاجة ممكن تظهر قدامه .. لكن انغماسه في الشغل بالشكل دا خلاه ينتهج نفس نهج ستيف جوبز .. تي شيرت رمادي بس المرة دي أفتح .. وبنطلون جينز بس المرة دي أفتح شوية برضو .. مارك هيظهر في كل المؤتمرات الرسمية بالتيشيرت والبنطلون الجينز وهيصرح إنه معندوش وقت للاختيار بين الهدوم المختلفة .. مارك اللي جمع العالم كله عشان واحدة بيحبها أدرك إن الوقت أهم من المظهر ومن كل حاجة تانية تقريباً..



الناس اللي غيرت العالم أفكارها دايماً بتدور في دايرة اهتمام مختلفة تماماً عن الدوائر اللي احنا عايشين فيها .. لو ركزنا شوية هنلاقي إن في حاجة جمعت الاتنين رغم إن كل واحد فيهم في زمن وعمر مختلف .. الحاجة دي كانت فكرة ملهمة نابعة من احتياج عاطفي حقيقي .. واحد فيهم حب يصلح علاقته ببنته وواحد فيهم حب يعرف أخبار البنت اللي بيحبها .. مشاعر بسيطة لكنها كانت صادقة جداً كانت ملهمة بشكل خلى ناس زينا في مصر وناس في الهند وناس في جنوب أفريقيا وناس في البرازيل تتغير شكل حياتهم بس عشان واحد كان عاوز بنته متزعلش منه والتاني عشان يعرف مزاج حبيبته رايق ولا لأ!


….


من قريب حسيت إني عديت بكل التجارب الملهمة والمشاعر اللي تخليني أغير العالم بقى التيشرت الرمادي الذي غير العالم لكن للأسف مقدرتش حتى أغير البلد اللي أنا عايش فيها، على مستوى تاني عرفت أتفاهم مع شوية لخبطة كتيرة حواليا ، وأتصالح مع أفكار كانت بتخليني أسرح كتير أو معرفش أنام .. مقدرش أقول إني عندي الامكانيات اللي تخليني أغير العالم المحيط عشان قصة حب ملهمة أو محاولة لدفع تمن غلط قديم .. لكن على الأقل أصبح عندي القابلية والقدرة إني أفكر في الموضوع بالطريقة دي .. أفكر في إن إعتراف بالخطأ، أو محاولة تعويض جرح مشاعر صديق، أو إني أدي أولوية أكبر للعيلة ، أو إني أتغلب على اليأس .. محاولة إخلاص في علاقة بتتهاوى، إعتراف بالفضل والجميل لحد عاتب عليك .. كل المشاعر البسيطة اللي تبان صغيرة أوي ممكن تكون نواة تغيير العالم أو على الأقل عالمي الشخصي المحيط…
..
حالياً حاولت أتبع سياسة الشعر القصير والتيشيرت الرمادي .. كتير سألت نفسي ليه اختاروا تيشيرت رمادي تحديداً .. ليه اللون الحيادي دا اللي مفيهوش أي بهجة .. لما جربته لقيت إنه فعلاً بيخلي الواحد مش شاغل باله بإيه ممكن يليق على ايه وإيه يتلبس عليه ايه .. مقدرتش اوصل لمرحلة إن كل التيشرتات تبقى رمادي .. بس وصلت لمرحلة التيشرتات السادة الــ Baisc .. بأكتر من لون وبعض الالوان مكررة .. كل فترة بجيب منهم تاني مؤقتاً .. لحد ما أقدر أوصل لمرحلة التيشرتات الرمادي موحدة اللون والبنطلون الواحد .. وأتمنى إنها تتزامن مع التجربة الملهمة اللي تخليني أغير العالم.
التعديل الأخير تم بواسطة أبو عبد العزيز ; 23/7/2016 الساعة 19:29

إقرأ أيضا...
رئيس أكبر شركة فى العالم ضد رئيس أقوى دولة فى العالم

القصة بإختصار.. هجوم ارهابي فى كاليفورنيا راح ضحيته 14 شخص فى منطقة اسمها سان برناردينو، احد الارهابيين لقوا معاه أيفون محمي بباسورد ومحمي بخاصية المسح التلقائي للبيانات فى حالة ادخال الباسورد غلط... (مشاركات: 0)


أديسون .. فتى لا يعرف اليأس .. الرجل الذي أضاء العالم

" ان امى هى التى صنعتنى ...لأنها كانت تحترمنى وتثق فى .... اشعرتنى انى اهم شخص فى الوجود .... فأصبح وجودى ضروريا من اجلها وعاهدت نفسى ألا اخذلها كما لم تخلنى قط " وقفت امام صورة لطفل فى الرابعة... (مشاركات: 1)


حصرياً البرنامج الوحيد الذي يجمع بين الكاشير والحسابات والمخازن و بسعر منافس على مستوى العالم العربي!

فقط 400 ج وامتلك النسخة الأصلية من أقوى برنامج حسابات متكامل لإدارةالمحلات والشركات التجارية والصيدليات ومحال البقالة والسوبر ماركت وجميع الأنشطة التجارية مخازن – عملاء – موردين – مبيعات- كاشير –... (مشاركات: 0)


سر الحمار الذي باعته قطر لتفوز بتنظيم كأس العالم 2022

قطر هذه الدولة الصغيرة استطاعت ان تهزم اليابان وأمريكا ..ومن هى اليابان وماأدراك ماهى امريكا حدث ولا حرج ..أمريكا زعيمة العالم السياسى ..واليابان زعيمة العالم التكنولوجى لقد وضعت قطر خطة تنظيم... (مشاركات: 2)


الذي سأل أين الله

الذي سأل أين الله ؟ ‏قال الملحدون لأبي حنيفة : في أي سنة وجد ربك ؟ قال : الله موجود قبل التاريخ والأزمنة لا أول لوجوده .. قالوا : نريد منك إعطاءنا أمثلة من الواقع ! قال لهم : ماذا قبل... (مشاركات: 9)


دورات تدريبية نرشحها لك

برنامج الأدوات الحديثة لخفض التكلفة

برنامج يتناول مقدمة عن التكاليف و تبويب التكاليف و التقرير عن التكاليف (وفقا لمنهج النظرية الإجمالية - وفقا للعلاقة مع حجم الإنتاج - وفقا للعلاقة مع القرارات المتخذة - اتخاذ القرارات) والتكاليف واتخاذ القرارات ومقارنة بين النظم التقليدية والحديثة لتقدير التكاليف


كورس استقطاب المواهب - Talent Acquisition

برنامج تدريبي متخصص يتناول التخطيط الاستراتيجي للموارد البشرية وتخطيط القوة العاملة و تخطيط اكتساب المواهب وعلاقته بالعلاقات العامة والعلامة التجارية لصاحب العمل


برنامج تقنيات الذكاء الاصطناعي باستخدام ChatGPT

برنامج تدريبي يشرح نموذج ChatGPT وكيف يعمل وكيف يتم تدريب النموذج على المهام المختلفة ويشرح تصميم واجهة المستخدم وتطبيقات ChatGPT في مجموعة متنوعة من المجالات وفي نهاية البرنامج يقوم المتدربون بإنشاء مشروع عملي باستخدام ChatGPT


الدبلوم المتقدم في إدارة متاجر التجزئة متعددة الفروع (الهايبر ماركت)

أول برنامج تدريبي عربي متخصص في تدريب المشاركين على ادارة متاجر التجزئة متعددة الفروع حيث يشرح الطبيعة الخاصة لمجال البيع بالتجزئة وتكوين وادارة فرق العمل بالمتجر وادارة المخزون الخاص بالمتجر وادارة المبيعات وتحسين العرض البصري وخدمة العملاء وادارة التسويق والادارة المالية وادارة السلامة والصحة المهنية .


دورة تأهيل مدير المنتج - Product Manager

برنامج تدريبي يؤهلك لجميع المهام الوظيفية المنوطة لوظيفة مدير المنتج، حيث يتم شرح متطلبات وظيفة مدير المنتج وعملية تحليل البيانات وتطوير المنتجات وتسعير المنتجات وادارة مصادر التوريد


أحدث الملفات والنماذج