خلال فترة شغلي إتعاملت مع أكتر من شخص بجنسيات ولهجات مختلفة، لكن يظل "السعوي" أو الخليجي بشكل عام هو أكتر الناس اللي بتعامل معاهم رغم إني مصري وعمري م سافرت أي مكان برا مصر، لكن شغلي عرفني على ناس كتير


لو حبيت أنصح حد من خلال خبرتي اللي مُدتها 5 سنين في مجال الديجتال ماركتنج وبالأخص السيو وكتابة المحتوى لازم يتوفر فيك 3 حجات لا غنى عنهم عشان تقدر تنجح ( كـ فري لانسر ) أو شخص حُر مش متقيد بوظيفة ثابتة


الإحترافية والإلتزام


إنت لازم تكون فعلا شخص محترف وعارف إنت بتعمل إيه بالظبط، يعني عشان تقدر تطلب مبلغ محترم بقلب جامد لازم فعلا تستحق المبلغ ده، والتزم بالوقت المُحدد والشغل اللي اتفقتوا عليه.


اعمل عقد مكتوب وخد دُفعة مُقدم




لازم يكون فيه عقد مكتوب بينك وبين العميل قبل الشغل توضح فيه اللي هتعمله بالظبط، فيه كُل التفاصيل التافهة قبل المهمة، ونصيحة خُد فلوس مُقدم ومش لازم المبلغ كله بس خد فلوس، أنا مثلا عشان أقولك النصيحة دي انضحك عليا في أكتر من 2000 دولار خلال شغلي.


طور من نفسك


لو انت فاكر عشان بقيت محترف وشغال في أكتر من مكان ومع أكتر من واحد إنك كده خلاص عديت فإنت غلطان، إنت لازم كُل يوم تتعلم حاجة جديدة، لو عدى يوم من غير م تضيف لنفسك جديد فاعرف إنك جاهل جدًا وفايتك كتير


الخُلاصة: إنت لازم تاخد خطوة وترمي نفسك جوا السوق والحياة العملية متستناش، ولما تشتغل اتعامل كاحترافي وعيش، ومتنساش تطور من نفسك كُل يوم.