النتائج 1 إلى 2 من 2

الموضوع: تجربة شخصية لتأسيس شركة في سلوفاكيا

  1. #1
    نبذه عن الكاتب
     
    البلد
    الصومال
    مجال العمل
    أعمال ادارية
    المشاركات
    4,421

    تجربة شخصية لتأسيس شركة في سلوفاكيا

    موضوع خاص عن تأسيس شركة في سلوفاكيا للأجانب .. انقله هنا للفائدة

    كتب صاحب الموضوع:
    انا باحاول في موضوع السفر من اكتر من 5 سنين الحمد لله مهنتي كانت مطلوبة في كندا و استراليا لكن المشكلة ان الموضوع كان مطلوب فيه مبالغ كتير وورق كتير و للاسف القبول مش مضمون للهجرة.
    و فعلا في موضوع استراليا دفعنا حوالي 4000 دولار و بعد كدة وقفت
    المهم في الاخر احنا قررنا نحاول ندور على هجرة البيزنس لغاية الحمد لله لقينا فرصة في سلوفاكيا و كان مبلغ تاسيس الشركة قليل مقارنة بغيرها
    بتأسس شركة و بتاخد عليها اقامة و الميزة اللي كانت عندهم انك ممكن تدخل اكتر من شريك عشان تقلل التكاليف و احنا فعلا دخلنا 4 شركاء مع بعض البلد هنا طبعا صغيرة بس بتفتحلك الحركة و الدراسة بالتحاد الاوروبي كله و بتقدر تبدأ فعلا مشروع بمبلغ صغير لان العمالة رخيصة جدا
    مبلغ تأسيس الشركة 6000 يورو و دة بتدفعه لمكتب محاماة هنا ( بياخدهم المحامي مصاريف واتعاب فتح الشركة ) و بيتقسم على الشركا وبتفتح اي نشاط انت بتختاره
    و بعد كدة بتحط بحساب الشركة 20000 يورو بس دول مش رايحين دول بتوعك تقدر تسحبهم بعد ما تطلع الاقامة الميزة هنا انك مش لازم تاجر مكتب بس تقدر تاخد صندوق بريد و مش مطلوب منك تعين موظفين من اهل البلد
    لكن طبعا وقت ما بتعمل اقامة لازم يكون لك عنوان سكن و الاقامة بيكون لها تكلفة تانية طبعا 3000 يورو لكل واحد من الشركاء بعد كدا كل شريك يقدر يجيب عيلته بيتكلف الواحد اقامة 150 يورو تقريباً
    مهم رأس المال يكون كامل وكل شريك بيطلع الاقامة بتاعته عشان اقرار البنك للاقامة لازم يوضح قيمة راس المال كاملة في الاول
    السكن ممكن لاربع افراد في حدود 500 يورو لو بره العاصمة نص ساعة من العاصمة يعني
    بتاخد في البداية اقامة مؤقتة بتتجدد كل سنة او سنتين بعد 5 سنين بتاخد اقامة دايمة بعد سنتين من الاقامة الدايمة من حقك تقدم على الجنسية
    اول سنة بيكون لك اعفاء ضريبي بعد كدة بتدفع 3500 يورو تقريبا كحد ادنى المهم ان شركتك تحقق كل سنة 16000 مكسب و دي طبعا في اول سنة ممكن ماتلحقش تعملها بس بتتظبط محاسبيا عشان تدفع عنهم الحد الادنى للضرايب
    مافيش حاجة بيكون لها شروط صعبة غير بعض المهن زي المعماريين مثلا زيي باحتاج تصريح من مؤسسة هنا
    الميزة في اي مشروع انك ممكن تشتغل علي اوروبا كلها
    بالنسبة للغة هنا الماني وإنجليزي وطبعاً سلوفاكي الالماني هنا منتشر اكتر من الانجليزي و حتقدر تتعامل مع النمسا و المانيا بسهولة وفي خلال ست شهور بقينا نقدر نتصرف لوحدنا
    الناس متعاونة جداً وعلي عكس ما ناس خوفوني الناس لطاف
    وبالنسبة للاكل الحلال موجود كتير ورخيص في فيينا وتبعد نص ساعة
    المدارس الحكومية ببلاش وبيساعدوا الولاد يتعلموا سلوفاكي علشان اللغة بتبقي سلوفاكي طبعاً
    والاطفال لهم اولوية هنا في كل حاجة
    واي حد محتاج محامي كويس ومتجرب نقدر نساعده علي التواصل مع المحامي
    حاجة اخيرة المواصلات سهلة جداً وشبكة كبيرة وكمان العربيات رخيصة يعني عربية 1200 سي سي ب 6000 يورو
    تعداد السكان تقريباً 5 مليون نسمة

  2. #2
    نبذه عن الكاتب
     
    البلد
    المملكة المغربية
    مجال العمل
    كمبيوتر/تقنية معلومات
    المشاركات
    1

    رد: تجربة شخصية لتأسيس شركة في سلوفاكيا

    السلام عليكم , ممكن بيانات المحامي للتعامل معه؟ متشكر جدا

موضوعات ذات علاقة
أهم الخطوات لتأسيس شركة أو مشروع تجاري جديد
كيف تقوم بتأسيس شركة وتسجلها وتبدأ العمل بها ؟ تأسيس شركة هو حلم يراود الكثيرون وهو حلم للذين يرغبون بتأسيس استقلالية في حياتهم، فللصادقين والراغبين... (مشاركات: 0)

نموذج طلب موافقة مبدئية لتأسيس شركة استقدام
للمستثمريين السعوديين، والى كل من يرغب في تأسيس شركة استقدام بالسعودية، اليكم النموذج الاساسي لطلب موافقة مبدئية لتأسيس شركة استقدام في السعودية. النموذج... (مشاركات: 0)

تطوير العلامة التجارية : تجربة شركة "إل جي" في الأسواق الأمريكية
تطوير العلامة التجارية : تجربة شركة "إل جي" في الأسواق الأمريكية استغرق إطلاق العلامة التجارية لشركة "إل جي" في السوق الأمريكية ثلاثة محاولات خلال... (مشاركات: 0)

اداراة مراكز التدريب العامة والخاصة - تجربة شخصية
بداية لابد من تأكيد حقيقة هي بالتأكيد ليست غائبة عن اذهان الجميع ، وهي ان الادارة هي الادارة سواء كانت ادارة دولة او شركة كبيرة او مشروعاً صغيراً، ووظائف... (مشاركات: 2)

أحدث المرفقات