الموضوع: اجراءات تأسيس شركة برمجيات فى مصر
اجراءات تأسيس شركة برمجيات فى مصر
اجراءات تأسيس شركة برمجيات أو شركة تصميم مواقع انترنت
فـــي مصـــر
التكاليف : أقل من 200 جنية تقريباً
رأس المال المسجل: 100 الف جنية
وقت التأسيس : 5 أيام عمل = أسبوع تقريباً
نوع الشركة : منشأة فردية (شركة الشخص الواحد) = شركة فردية
مكان تقديم الخدمة أو التأسيس: مبني الشباك الواحد (الهيئة العامة للاستثمار)
ملحوظة : (لا تذهب إلي محــام للاعتماد عليه .. لأن الخطوات التالية بيعملها المحامي بمبلغ تكاليف عالفاضي.. أعملها بنفسك لأنك منشأة فردية .. لاحاجة لمحامي اصلاً)
الخطوات التي ستتبعها لتأسيس شركة برمجيات في مصر:
أولاً : هتروح بعقد إيجار المكتب إلي الشهر العقارى في منطقتك عشان تعمل (إثبات تاريخ) وتكلفته +15جنية.
ثانياً : الذهاب إلي مقر التأسيس لإكمال باقي الخطوات من مكان واحــــد فقط. وهو المكان اللي هتعمل فيه التالي: - السجل التجارى - والبطاقة الضريبية (الزامي ومطلوبين فقط) - مزاوالة المهنة (اختيارى) - والتأمينات (اختيارى)
مكان تقديم الخدمة أو التأسيس: مبني الشباك الواحد (الهيئة العامة للاستثمار) (صلاح سالم - بجوار معرض الكتاب)
1- مباشــرة لو فى القاهرة الكبرى - هتروح وزارة الصناعة والتجارة اللى فى اول صلاح سالم (بجوار المعرض) ويمكنك أن تركب مترو الخط الثالث وتنزل محطة المعرض مباشرة عندها !
ومعاك صورة البطاقة الشخصية + صورة العقد اللى انت عملت عليه إثبات تاريخ (لازم تعمله قبل ماتروح من الشهر العقارى التابع لمنطقة المكتب طبعا)
2- ولما بتروح بتطلع اول دور عند قاعة التأسيس (مبني الشباك الواحد).
عايز اعمل منشئة فردية بيديك استمارة ورقم تملئ الاستمارة منشئة فردية الحد الأدنى لرأس المال 100 الف جنية (مائة الف جنية مصرى) وهذا كلام علي الورق فقــط.
3- وبعد لما يجى رقمك بتدخل للموظف (هو محامي) بيقوم بعمل كل الاجراءات بس مافيش تصميم مواقع ( اسمها برمجيات ) وهو الراجل بيديك ورقة تختار منها اى نشاط انت فى البرمجيات إلي جانب إضافة نشاط إضافي مثل (التسويق)
4- بعدين بيقولك انزل اعمل ايداع فى فرع مخصص تبع البنك (في الدور الأرضي )با 109 جنية وبعدين بتطلع للموظف تانى بتديلو الوصل بتاع الدفع
5- وبعد كدة بتستنى حوالى ساعة كدة وتستلم السجل التجارى (لهم شباك آخر في نفس الدور).
6- وتمشى وانت هناك بردة تقوم داخل على الضرائب وتقولهم عايز اعمل بطاقة ضريبة بردة بتملئ استمارة كدة وتيجى تستلم البطاقة (تانى يوم)
(نقطة هامة) المهم انك لازم تقدم عقد ايجار المكتب اللى هتبقى فى الشركة فى خلال سنة من اصدار السجل والا بعد سنة بيسقط السجل اوتوماتيك .
<<<<<<< بعد ما تستلم السجل والبطاقة تروح الغرفة التجارية اللى مقر النشاط تابع ليها تتطلع شهادة مزاولة مهنة (شركة برمجيات) ولها اجراءات أخري (وهي غير هامة لمن يمارس العمل بشكل فردي).
ثالثاً : تسجيل الدومين الرسمي (اختيارى)
وذلك عشان تكسب ثقة العملاء وتثبت للناس انك شركة رسمية من خلال موقعك.
خطوات تسجيل اسم موقعك الرسمي: للحجز من موقع (لينك داتا سنتر ) https://www.linkdatacenter.net
التكلفة: 240 جنية (سنوياً)
المطلوب: تقديم ورق السجل التجاري للشركة المسجلة لاسم موقعك وسوف يتواصل معك احد ممثلي خدمة العملاء من الشركة لارسال الملفات كلها والدفع اون لاين عبر الموقع الالكتروني أو من مقر الشركة بالمعادي- القاهرة.
مثال لو اسم الشركة (هوست) هيطلع الدومين بالشكل دة (name.com.eg)
فاخد بالك وانت بتأسس الشركة انه يكون على اسم الدومين.
وأخيــراً: بعد تسجيل الشركة أخواني الكرام، عليكم بالتسجيل في مواقع رسمية وهي كالآتي:
1- دليل جوجل للأعمال Google Business (هام للغاية) www.google.com/business
وذلك من أجل وضع اسم وبيانات شركتك في محركات البحث عند البحث عنك.
2- دليل مصر للاعمال (هام) egyptbusinessguide.com
وهو دليل الغرفة التجارية للأعمال في مصر.
3- دليل الشركات المصرية (هام) www.tpegypt.gov.eg
وهو دليل لنقطة التجارة الدولية المصرية التابع لوزارة الصناعة والتجارة في مصر.
4- أدلة الأعمال المختلفة www.yellowpages.com.eg
www.egypt-business.com
www.dalili.com.eg
www.momtaz-map.com
______________
الحصول علي التمويل والدعم التقني:
1- مايكروسوفت مركز دعم الشركات الناشئة Microsoft BizSpark
www.microsoft.com/bizspark
سوف تعطيك مايكروسوفت مصر (منحة للشركات الناشئة بقيمة 120 الف دولار في صورة برمجيات مايكروسوفت لمدة 3 سنوات بشرط أن لاتكون شركتك عدي عليها 5 سنوات في التأسيس "جديدة").
2- تكنولوجيا المعلومات (ايتديا)
www.itida.gov.eg
ممكن تعطيك كورسات أو ورقة توصية للحصول علي قروض لشركتك كما انك ممكن تستفاد من برامج دعم الابداع (لوعندك اختراع أو برنامج عاوز دعم ليه بشرط طبعا انه يكون مفيد للحكومة لأنها جهه حكومية)
الشروط: وجود السجل التجاري والبطاقة الضريبية والبطاقة وملئ البيانات من خلال الموقع ثم سيتواصل معك مسئول متخصص علي التليفون وهيرسلوا شخص للتأكد من وجود المكتب والتحقق منك.
تاسيس فروع الشركات الاجنبية فى مصر
المستندات المطلوبة لتأسيس فروع للشركات الأجنبية في مصر :
المستندات المطلوبة للفروع الشركات الأجنبية الغير خاضعة لقانون أحكام الاستثمار (مشاركات: 0)
اجراءات تأسيس شركه فى الهيئه العامه الاستثمار والمستندات المطلوبه
________________________________________
لتأسيس شركة طبقا لقانون الاستثمار تتبع الخطوات الآتية
المستندات المطلوبة
1. طلب... (مشاركات: 3)
فرصة عمل بشركة برمجة كبرى بالدقى تطلب موظفين فى جميع المجالات الدعم الفنى المبيعات بمرتبات مجزية جدااا على ان يكون المتقدم من الاماكن الاتية سكنة برجاء ارسال ال c.v على
القاهرة قنا اسيوط ... (مشاركات: 0)
اجراءات التعديل على عقد ( شركة تضامن ) وعقد شركة التوصية البسيطة والوثائق المطلوبة
1- الموافقه على التغيرات من قبل لجنة الاستثمار على عقد الايجار .
2- تعبئة بيان التغيرات والعقد المعدل على عقد... (مشاركات: 0)
السلام عليكم ورحمة الله وبركاته
نتقدم نحن شركة فكرة للانترنت وتكنولوجيا المعلومات بطلب توظيف عاجل للغاية
للباحثين عن فرصة عمل جادة ( موظف مبيعات محترف )
الشروط :-
يكون من أهل السنة... (مشاركات: 4)
برنامج تدريبي متخصص في شرح المحاسبة في شركات المقاولات والاستثمار العقاري ويوضح المعالجة الحسابية لكل نشاط بالتطبيق على شركة حقيقية.
كورس تدريبي مكثف يستهدف المحاسبين الراغبين للعمل في المؤسسات الطبية كالمستشفيات والمراكز الطبية وأي مؤسسة يرتبط عملها بالمجال الطبي، حيث يهدف هذا البرنامج التدريبي الأونلاين الى إكساب المشاركين الخبرات العملية في مجال محاسبة المستشفيات والوحدات العلاجية
برنامج تدريبي متخصص في التخطيط لتنفيذ برنامج الحوكمة في المؤسسات الحكومية ويتناول المراحل الثلاث (مرحلة الاعداد –مرحلة التنفيذ – مرحلة التمكين) يعتمد على الورش التدريبية والتطبيقات العملية في كل مرحلة من مراحل التدريب
برنامج تدريبي يهدف الى تأهيل المشاركين للعمل كمراجعين معتمدين لمراجعة انظمة ادارة البيئة، واكسابهم المهارات اللازمة وتقنيات مراجعة انظمة ادارة البيئة طبقا لشهادة ISO14001 - 2015
دبلوم تدريبي متكامل وفقا لاحدث المعايير التدريبية في العالم، يهدف هذا البرنامج التدريبي لتأهيلك كي تصبح محاضرا او مدربا محترفا وناجحا