جوجل _ Google


جوجل شركة عائدها السنوي يبلغ 89,46 مليار دولار لعام (2017) , تكلفة شعارها 0$ لأن تم تصميمه بواسطة مؤسسي الشركة (Larry Page & Sergey Brin)
حصل بعض التغيرات البسيطة زي تغيير الالوان او ازالة علامة التعجب .


شعار جوجل اعتدنا نشوفة كل يوم متغيرش بشكل جذري ولكن كان بيتم تحسينه , فجوجل واحد من الامثلة الرائعة والملهمة

شعارات لبراندات قيمتها السوقية تساوي اقتصاد دول


كوكاكولا _ Coca Cola


صمم الشعار Frank M.Robinson مجانا !
دايما كان بيتم تحديث الشعار ولكن ال concept ثابت .
حاجات كتير اتغيرت في ال logo من اول مرة ظهرت فيها كوكاكولا في السوق من اول الالوان لحد الخطوط بس كان المهم دايما الحرفين " C " اللي دايما بيفكرونا بال logo .


الشعار كان باللون الاسود في الاول ده لان الشركة كانت بتعلن عن نفسها في الصحف ومع الوقت ضافوا اللون الاحمر لاسم الشركة .
في 2016 كانت عائدات كوكاكولا 41,38 مليار دولار .

شعارات لبراندات قيمتها السوقية تساوي اقتصاد دول





مايكروسوفت _ Microsoft


شركة مايكروسوفت العملاقة اللي عائدها في 2016 كان اكتر من 85 مليار دولار , ممكن تتخيل ان اللوجو بتاعها كلفها ملايين , لكن انت مش صح لان مايكرسوفت شعارها الاول كلفها 0$ .


لكن الجميل هنا والمختلف عن البراندات التانية ان الشركة معينتش مصمم جرافيك , ولكن عملوا مسابقة بين موظفيهم عشان يوصلوا لافضل شعار وبالفعل شعار ميكروسوفت كل العالم بيعرفة .


وبتمشي علي نفس المبدأ ده منصات كتير لمصمين الجرافيك المستقلين من اهمهم designontestest.com , اللي من خلالهم تقدر تصمم logo مميز لشركتك بكل بساطة هتعمل مسابقة للمصممين المستقلين في جميع انحاء العالم . هتمدهم بمعلومات عن اللي انت محتاجة في شعارك وتحددلهم الاجر , وهيكون قدامك اختيارات كتير تفاضل ما بينها

شعارات لبراندات قيمتها السوقية تساوي اقتصاد دول


تويتر _ Twitter


تويتر واحدة من اكبر واشهر مواقع التواصل الاجتماعي في العالم شعارها كللفها 15$ .
اشتري الموقع شعارة المميز ( الطائر الازرق ) من موقع istockphoto .
والمصمم الاصلي للشعار Simon Oxley اخد من المبلغ ده 6 $
ولكنه ماخدش حقه كمصمم مشهور .. لو انت مكانة تعمل ايه ؟

شعارات لبراندات قيمتها السوقية تساوي اقتصاد دول