نسبة عدم حضور الناس للانترفيوهات بتاعتها بقت مرعبة.. عشان كده تلاقي يا عينى ال recruiters بيعمل مكالمات كتير عشان عارف ان معظمهم مش بيجي...


عاوز اقولكم ان نسبة كبيرة من المشكلة بتكون بسبب عدم التعامل باحترافية مع المرشحين للوظائف بتاعتك ... تعالوا نشوف ممكن نحل المشكلة دى او نقللها ع الاقل ازاى ؟؟


1- خلي عندك قاعدة وهى ان شركتك دى سلعه بتكلم حد عشان يشتريها فلازم تحليها ف عنية


2- مكالمتك وطريقة عرضك للوظيفة بتمثل اهمية كبيرة اوى عشان يجى الانترفيو .. يعني عندك بروتوكل واتيكيت المكالمة زى مثلا الترحيب بالشخص وذكر اسمة وانت مين وشغال ايه وشركتة مين وهل الوقت مناسب للمكالمة ولا لا..وخلافة وبلاش سماجة او تناكة الله يكرمك، لان الrecruiters عنوان الشركة فلازم تحسس الشخص انك محترف ف مهنتك..


3- المهام الوظيفية يا جماعه لازم تكون عارفها كويس ك recruiters عشان اما تكلم الشخص تعرف تشرحلة ..مافيش حاجة اسمها اما تيجي هتعرف ... انت مش شغال ف المفاعل


4- تنسيق الميعاد ..مافيش حاجة اسمها تيجى النهارده او بكرة وتقولة يا بكرة يا مش هينفع .. اكيد لازم تديلة مساحة يظبط وقته


5-لو سئلك ع الراتب مش عيب ولا حرام انك تقولة الرانج بتاع المرتب فى الوظيفة دى ..يمكن يقولك ان دا مش مناسبنى ..وبلاش جملة اما تيجي هتعرف... لان هنا بياخد انطباع حاجة من اتنين ، يا اما المرتب تعبان عشان كده مش عاوز تقولة ، يا اما الموضوع هيكون في فهلوة يعنى عاوز يسمع منك الاول يمكن تقول مرتب اقل من اللى الشركة حطاه