لو عاوز تعرف انت هتنجح ف حياتك ولا لا .. شوف كام نقطة من دول موجودين فيك


1- بتعترف بغلطك ...مش بتقعد تجادل ع الفاضي لمجرد انك مش عاوز تطلع غلطان... الاعتراف بالغلط بدايه اى نجاح


2- بتسمع لغيرك... مش قافل عقلك وودانك و شايف انك فاهم ف كل حاجه....اللى بيعمل كده عمرة ما بيتقدم وبيفشل


3- بتستشير اصحاب الخبرات...فى اى حياه سواء الشخصيه او العمليه...اكبر غلط انك ما تسئلش اللى مر بالتجربة دى قبليك


4- مؤمن بهدفك... ودا اعلي من اللي عنده هدف..لان الايمان هو الثقه واليقين معنى كده انك واثق من الوصول لهدفك


5- معندكش شماعات...بلاش ترمى كل حاجه بتحصلك ع شماعه من الشماعات زى الظروف او الامكانيات وخلافه...


6- بتحول السلبي لايجابي... بلاش اما يحصلك مشكله تقعد تسودها ف وشك الف سنه قدام ..الشطارة انك تحول السلبيات والمشاكل لتحديات وايجابيات جديدة ( اتفرج ع المدير التنفيذى لشركة هواوى قال ايه بعد مشكلة مع امريكا وترامب )


7- عندك قدوة ... جميل انك يكون عندك قدوة تتمنى توصل لما هو وصل اليه ...بيديلك دافع قوى ..لانك ببساطة شايف حد وصل يبقي ليه انت لا


8- وجود حاقدين .. وجود الناس وتقبلها دى اكبر دليل ع نجاحك لانك من الاخر لو مش شاطر او متفوق محدش هيفكر فيك اصلا