نجاح الموظف في أي عمل مش متوقف على مهاراته المهنية، لكن راجع لطبيعة شخصيتهم، اللي مش بيقدروا بيها ينسجموا مع بيئة العمل، وطبعا لما توظف ناس من هذه الفئة كل شوية يسيبوا الشركة وتبدأ تدور على غيرهم، فده بيمثل عبئ نفسي ومادي على شركتك.


لكن المشكلة اللي بتواجه معظم المديرين هي إنهم مش بيقدروا يحددوا الطباع الشخصية للمرشح خلال المقابلة الشخصية، وطبعا الشركات الناشئة أكتر حد بيعاني لأنها ماعندهاش قدرة تحمل الخسارة الناتجة عن سرعة دوران العمالة.


إنت محتاج شخص يتأقلم مع فريق العمل، ويتعامل بشكل كويس مع العملاء ,وكل دورك تكتشف طبيعة شخصية المرشح ,وده تعمله باتباع الآتي:


*لازم تدور على أسئلة تخلي المرشح يتكلم عن نفسه، علشان تحدد شخصيته.


*اطرح أسئلة مفتوحة تخلي المرشح يوصف الحاجات اللي بيستمتع بيها وحاول تخلي فرص الكلام متاحة للمرشح.


*إنت مش محتاج تناقش المرشح في مؤهلاته، إنت محتاج من مرشحك يكشف شخصيته الحقيقية.


*إجراء المقابلة الشخصية فن وغريزة، مش علم وليه قواعد ثابتة بتحكمه.


*ماتتوقعش إن المرشح الأول هو المثالي.


*قيم كل مرشح على مقياس مكون من 10 درجات.


*خليك متواضع خلي المقابلات الشخصية ممتعة، بس خد بالك برضه إن ديه مهمة حقيقية لازم تنجزها بنجاح