الكام نقطة اللي جايين دول، تقدر تعتبرهم كبسولة الشغل في corporate، أو حتى أي مكان في ناس وأقسام كتير، شركات، بنوك، مكاتب أي business:


١-ال corporate life بتحتاج صبر فاتقل عشان تاخد حاجة نضيفة.


٢-ال excel هو العصاية السحرية للوقت الحالي، الحاجة هتاخد منك نص وقتها لو اتعملت على البرنامج العظيم ده.


٣-الشغل كمان فيه موهبة، متفتكرش ان أي حد بايدين ورجلين يقدر ياخد مكانك.


٤-في حاجة انت بس اللي بتعرف تعملها، الحاجة دي بالذات متتعملش ببلاش.


٥-النقطة اللي فاتت متشجعكش تتعامل على انك irreplaceable ، ممكن بدالك يتجاب أربعة يعملوا اللي انت بتعمله لوحدك، وقت وفلوس أكتر بس في الآخر الشغل هيمشي.


٦-مفيش حاجة اسمها فلان اداني فرصة، الفرص لا تُهدى بل تُنتزع.


٧-لا تؤجل عمل اليوم الى الغد، وحب ال deadlines هترتاح.


٨-انت ترس في مكنة كبيرة اه، بس افتكر ان الترس اللي بيلمع غصب عن الكل بيخطف العين.


٩-هيطلعلك في كل نجاح بتحققه حد يحسسك انه أولى منك، متصدقش انت الأولى.


١٠-خلي علاقتك بكل الناس حلوة، ال corporate life قلابة، واللي النهاردة متطيقش وشه، بكرة تحتاج لقفاه، او لapproval منه، وده أسوأ.


١١-متحكمش على حد، عشان لما تتحط مكانه بس هتفهم.


١٢-أبو قردان صديق الفلاح، وال archive صديقك انت، اياك ومسح الإيميلات.


من أهمية النصيحتين دول مقدرتش أحطهم وسط النقط اللي فاتت، لازم تتعلم"ازاي تقول لأ" و " امتى تقول لأ"