دور على كل مصطلح terminology فى البوست ده، هاتتعلم حاجات كتير فى الادارة management والتخطيط الاستراتيجي strategic planning والموارد البشرية human resources.


س١).. ايه العلاقة بين ال competency models وال processes بتاعة أي إدارة؟ ده من ناحية..
#إجابة_1
-).. بص ياسيدي.. أنت فى الاساس بتنفذ execute او بتراجع review او مسئول responsible او بيتم استشارتك consulted او اخطارك informed (من خلال الـ CC بتاعة الايميل) بكل اجراء procedure داخل كل عملية process عشان تحقق الـ DTRs أو (duties, tasks and responsibilities) بتاعتك اللي موجودة وموثقة فى الـ job description.
-).. أما بقى الـ competency models فاهي مجموعة السلوكيات اللى أسسها الاستشاري او مدير عام الموارد البشرية (ودى جاية من قيم الشركة ومجموعة المهارات والكفاءات اللى اتعملت واتجابت من نموذج استقصاء التحليل الوظيفي job analysis questionnaire) واللي من خلالها بنحددلك السلوكيات behaviors اللى لازم تسلكها او تظهرها زى (الشفافية / النزاهة / التركيز ع العميل / حل المشكلات / التواصل الفعال / العلاقات الشخصية / التفاوض / القيادة / التحفيز.. الخ).. لكل job family اعلى من اللى قبلها..
(الـ job family أو العائلة الوظيفة = "كل مجموعة وظائف فوق وتحت بعض بنجمعم فى مستوى واحد اسمه عائلة او مجموعة")، زى:
- عائلة أو مجموعة الاخصائيين
- عائلة او مجموعة المشرفين
- عائلة أو مجموعة المديرين.. الخ.
فأنا هنا كمسئول موارد بشرية فى الشركة بحتاج انك تنفذ الـ DTRs بشكل صحيح، من خلال تحقيق المؤشرات السلوكية behaviors indicators اللى موجودة جوه الـ proficiency level او مستوى عائلتك الوظيفية جوه الـ competency models بتاعتك.
وده طبعا بيؤدى الى انك بتحقق واجباتك، ومسئولياتك، ومهامك #بكفاءة.
ا-----------------------ا
س٢)-.. كنا برضه بنسأل ايه هى علاقة اجابة السؤال اللي فات ده بال action plan و/أو ال objectives بتاعة الإدارة دي، والتأثير الناتج عن كله ده على ال business او ال strategic plan بتاعة الشركة؟
إجابة_2
انا لما تقوم انت وكل واحد من زمايلك الموظفين بالادارة بتاعتك بتنفيذ العمليات processes الخاصة بالادارة، من خلال tasks و procedures محددة جوه الـ process بالكفاءة competency المطلوبة والمحددة والموثقة فى الـ competency models بتاعتك انت وزمايك.. فاده_هايؤدي بالضرورة الى تحقيق الـ KPIs اللى بتاعة خطة عمل action plan ادراتك’، وبالتالي ادارتك نفسها هاتحقق اهدافها objectives..
وده_معناه ان لو كل ادارة فى الشركة عملت زى ادارتك كده، يبقى #بالضرورة هايتم تحقيق كل بنود ومتطلبات ومراحل خطة تشغيل business plan وخطة شركتك الاستراتيجية strategic plan، وبالتالى هاتحقق أهدافها الاستراتيجية strategic goals/objectives..
وده مع الوقت (سنة واتنين وتلاتة) هاتلاقى ان شركتك حققت رؤيتها vision ورسالتها message بالقيم values والاستراتيجيات strategies اللى اتبعتها عشان تحقق ده كله,
ا-----------------------ا
س٣)-.. وايه هي المؤشرات indicators اللي بستخدمها عشان أشوف أثر نتيجة الاجابة على السؤال السابق في ال vision, message, values بتوع الشركة؟؟
إجابة_3
هى مؤشرات واحدة مفيش غيرها واسمها مؤشرات الاداء المؤسسي firm performance indicators (واللى شرحناها فى 2015 لمجموعة جعية رسالة) واللى بنقول فيها ان اى شركة ليها مؤشرات انتاجية productivity وربحية profitability وجودة quality ورضا عملاء customer satisfaction... الخ، ودى بتكون عبارة عن مؤشرات محدداها الشركة فى اول السنة بنسب وقيم وارقام محددة، لما انت وزمايلك فى الادارة تعملوا كل اللى فوق ده، وكل ادارة تعمل نفس الكلام.. اذا الشركة هاتحقق الـ FPIs او مؤشرات الاداء المؤسسي بتاعتها.