اكذوبة الاستقرار الوظيفي !


———————————


خلينا نتفق ان مفيش حاجة اسمها انا مبسوط في شغلي ومش بدور على شغل دلوقتي .. لازم دايما تبقى في حالة بحث مستمر عن الأفضل مهما كنت مستقر وناجح في شغلك أكيد في أحسن ..الفرصة مش هتستناك .. فعلشان تقرر وتاخذ ال Risk لازم تحدد نقاط وتعمل وزن ( Weight ) لكل نقطة ..


المرتب = 20%


هل المكان بيطورك = 15%


مستقبلك فى المكان = 10%


المعاملة مع من حولك = 10%


حالتك النفسية تجاه العمل = 10%


مدى اكتسابك خبرات جديدة = 10%


موقع شركتك فى السوق (كبيرة ولا صغيرة) = 15%


مستقبل شركتك خلال ال 10 سنين الجاية = 5%


مشاكل الشغل وسرعة أو بطىء حلها = 5%


الأهم من كل النسب دي انك تبقي عارف سقف وضعك ايه في المكان دا وأقصي حاجة ممكن توصلها سواء من منصب او مرتب او خبرة ..


اعمل لوظيفتك تقيم طبقا للنسب اللى فوق .. لو لقيت المجموع الكلى 80% فأكتر يبقى ماتفكرش تسيب شغلك حتى لو جالك ضعف مرتبك .. ولو لقيت المجموع الكلى من 60% الى 80% يبقى من حقك تفكر فى انك تدور علي عرض وتقارن مابينهم بنفس المعاير دى .. أما لو لقيت ان المجموع الكلى اقل من 50% فسيب المكان بكل هدوء لانك هتكون بتضيع وقتك وعمرك فى مكان خطأ .. وطبعا كل دا لا يغني عن الاستخارة ..