ده شرح مبسط لل
Cover letter
للشباب الي كان بيسالني عليه
لينك نموذج للكوفو ليتر في اول كومنت..
ايه هو ال
Cover Letter
ومدي اهميته مع السيره الذاتيه وبيتكون من ايه وهل بيبقي نموذج ثابت مع كل الوظائف الي بنقدم عليها ولا لا


طيب ..مبدايا ال
Cover Letter
هو خطاب بيكون مع السيره الذاتيه وبنكتب فيه بايجاز ليه انت مقدم علي الوظيفه وتشرح فيه ازاي مهاراتك وخبراتك بتتوافق مع متطلبات الوظيفه.
معني كده ان ماينفعش تكتب
Cover Letter
ثابت لكل وظيفه بتقدم عليها.. لان مش كل الوظائف بتطلب نفس المهارات والخبرات حتي لو كانت نفس المسمي الوظيفي.


طيب بيتكون من ايه ونقدر نكتبه ازاي ..


1- تاريخ ارسال الخطاب في يمين الصفحه
2- تكتب الوظيفه المقدم عليها
3- اسم المسئول الي هايستقبل الخطاب او اسم المسمي الوظيفي الخاص به (Dear Mr. Ahmed / Dear Recruitment Specialist).
4- تبدا تعرف نفسك باختصار للقارئ.
5- تبدا تذكر مهاراتك وخبراتك وازاي هي بتتوافق مع الوظيفه (اهم خطوه).
6- تنهي الخطاب بطلب عمل مقابله
7- تكتب اسمك ورقم تليفونك وايميلك


ملاحظات مهمه:
* ركز علي خبراتك ومهاراتك وبلاش تتكلم عن ارائك ومعتقداتك وقلل من استخدام (i believe, i think ...)
* بلاش تنسخ من السيره الذاتيه
* طبعا كله باللغه الانجليزيه
* حاول يكون مختصر وبلاش اطاله