الموضوع: اساسيات العمل في ال HR
اساسيات العمل في ال HR
1- قسم التوظيف Recruitment section.
2- قسم شئون العاملين Personnel section.
3- قسم الاجور (المزايا والمنافع) Payroll/or/ Com and Ben, section
4- قسم تقييم الاداء Performance appraisal section.
5- قسم التدريب والتطوير Training and development section.
6- قسم التطوير التنظيمى Organization Development section
دور كل قسم فيهم يقي :
1- قسم التوظيف.
وده اهم قسم فى ادارة الموارد البشرية واللى بيكون من اهم اسباب وجوده هو استقطاب العمالة والموظفين اللى الشركة عايزاهم وعمل اختبارات لهم على مهام وواجبات ومسئوليات العمل المطلوبة منهم، بالاضافة الى اجراء الاختبارات الاخرى الخاصة بقياس مدى تمتع العمالة دى بالمهارات المطلوبة لاداء اعمالهم.
طيب.. هى ايه واجبات ومسئوليات ومهام القسم دة؟
اقولك ، القسم ده بيقوم بالواجبات والمهام والمسئوليات التالية (دى مش كل الواجبات بل اهمها):
- مساعدة مدير الادارة فى اعداد خطة التعيينات سنوياً "ودى خطة بتتعمل كل سنة عشان مدير الموارد البشرية يتنبأ بعدد العمالة المطلوبة لكل الشركة للعمل بها خلال السنة الجاية".
- مساعدة مدير الادارة فى اعداد موازنة التوظيف والتعيينات "طيبعى ان عملية التوظيف واختيار العمالة اللىه هاتيجى الشركة دى لازم يكون فى مبالغ مخصصة كـ "مرتبات اخصائيين توظيف، الاشتراك فى الجوب فيرز او ندوات التوظيف، اتعاب مكاتب التوظيف اللى بتجيب عمالة للشركة، مصاريف تليفونات وورق وخلافه".
- تعديل بطاقة التوصيف الوظيفي او الـ job description الخاصة بكل موظف هايتم تعيينه قبل مايجى الشركة طبقاً لواجبات ومسئوليات ومهام الوظيفة اللى هايتعين عليها حد جديد.
- تعديل نموذج الكفاءات او الـ competency model الخاص بكل موظف هايتم تعيينه قبل مايجى الشركة طبقاً للمهارات المطلوبة من صاحب الوظيفة اللى هاييجى ده.
- استلام طلبات التوظيف اللى بتيجى من ادارات الشركة ومقارنتها بخطة التعيينات المعتمدة للتأكد من ان الوظيفة دى مطلوبة فعلا ثم اعداد الاعلانات الوظيفية وعرضها على مدير الموارد البشرية للاعتماد.
- نشر الاعلانات الوظيفية واستلام السير الذاتية اللى هاتيجى من الناس اللى هاتقدم ع الوظيفة ومراجعتها وفرزها للتأكد من انها مطابقة للـ job description والـ competency model بتاع الوظيفة دى.
- الاتصال بالمرشحين للوظائف المطلوبة وتحديد مواعيد عقد المقابلات معهم ثم اجراء الاختبارات اللازمة طبقاً للمنهجيات ونظم العمل المعتمدة بالادارة.
- اجراء عمليات التقييم اللازمة على العاملين المتقدمين لشغل الوظائف ورفع تقارير بها الى مدير ادارة الموارد البشرية والمديرين المعنيين لتحديد القرار النهائي بخصوص التعيينات المطلوبة.
- تقديم خطابات اعتذار لمن تقدموا للوظيفة ولم يتخطوا الاختبارات المطلوبة وادخال السير الذاتية الخاصة بهم فى بنك السير الذاتية الخاص بالقسم.
- اعداد العروض الوظيفية للمقبولين وتقديمهم لقسم شئون العاملين لفتح ملفاتهم.
*) طيب فى بعض الاسئلة معلش وعاوزين اجابتها منك.
*) اتفضل
1- ايه هى العمليات الخاصة بقسم التوظيف؟
2- ايه هى المنهجبات اللى بنستخدمها فى قسم التوظيف؟
3- ايه هى النماذج اللى بنستخدمها فى قسم التوظيف؟
4- ايه هى اسماء الوظائف اللى بتكون موجودة فى قسم التوظيف؟
1- العمليات اللى بتحصل فى قسم التوظيف هى عمليتين اساسيتين كالتالى:
- عملية الاستقطاب recruitment process.. ودى بتبدأ من اول ما يجي لاخصائى التوظيف طلب الوظيفة من الادارة اللى
عاوزة موظف جديد لحد ما نفس الاخصائى ده يتصل باللى قدموا السير الذاتية وطلعت مطابقة لشغل الوظيفة.
- عملية الاختيار selection process ودى العملية اللى بتبدأ من استقبال المرشح للوظيفة لما يجى الشركة لحد ما يتم قبوله او رفضه.
2- اما بقى المنهجبات اللى بيتم استخدامها فى القسم فاهى على سبيل المثال لا الحصر:
- منهجية اختيار او اجراء المقابلة مع لعمالة بالطرق العادية face to face, panel, phone, group interview, etc. "ودى طرق انواع الانترفيو"
- فى منهجية اختيار العاملين طبقاً للكفاءات المطلوبة منهم Competency based interview CBI ودى بيتم اختيار العاملين فيها طبقاً لمؤشرات سلوكية موجودة فى الـ competency model بتاع الموظف اللى هايعمل الاختبار والمقابلة.
- فى منهجية اسمها Value based interview VBI ودى منهجية بيتم فيها اختبار او عقد مقابلات مع الموظفين للتأكد من انهم هايحققوا القيم المحورية core values بتاعة الشركة من عدمه.
- وفى طرق كتير طبعا بس انت اقرا فى دول بس.
3- اما بالنسبة النماذج اللى بيتم استخدامها فى قسم التوظيف فاهى على سبيل المثال لا الحصر برضه كالتالى:
- نموذج طلب تعيين Hiring request.
- نموذج خطة التعيينات Hiring plan.
- نموذج التقدم للوظيفة Application Form.
- نموذج الاختبار السلوكى behavioral test form
- نموذج الاختبار المهنى Technical test form
- نماذج الـ IPAR, STAR, CAR approaches اللى موجودة فى منهجية الـ CBI
- نموذج الـ Result فى منهجية الـ CBI
- نموذج تقييم المرشحين Candidates assessment.
- نموذج العرض الوظيفى job offers
4- بالنسبة لاسماء الوظائف اللى بتكون موجودة فى القسم ده فاهى كالتالى:
- مدير / رئيس قسم التوظيف Recruitment Manager, Section head
- مشرف التوظيف Recruitment Supervisor
- أخصائى توظيف Recruitment Specialist
- منسق توظيف Recruitment coordinator.
بقلم: مريم ممدوح
السلام عليكم ورحمة الله وبركاته
تحيه طيبة وبعد،،،،،،،،،،،،
يعلن مركز جيان للتدريب والاستشارات عن بدء دورة تدريبية فى(اساسيات العمل المصرفى)والتى ستنعقد فى العراق وتركيا عاصمة اسطنبول بتاريخ... (مشاركات: 0)
برنامج يتناول موضوع لين ستة سيجما يتناول موضوع الجودة وتاريخ تطورها وتاريخ تطور ستة سيجما وإدارة الجودة الشاملة وأبعادها وأهمية ستة سيجما وشرح البعد الفلسفى - البعد الإحصائى - البعد العملياتى والفرق بين ستة سيجما و لين ستة سيجما وجلسة عصف ذهني لتحديد الفوائد المالية-المؤسسية- التشغيلية ومناقشة أهمية لين ستة سيجما فى ظل التزام الإدارة ومفهوم العملية والبيانات والمعلومات والمعرفة ومستويات 'ستة سيجما (الحزام الأصفر، الأخضر، الأسود، الماستر الأسود) والقيادة و بناء فريق التحسين وأدوات ضبط الجودة غير الإحصائية وأدوات الضبط الإحصائية ومنهجية "الستة سيجما" (DMAIC)
برنامج متخصص يؤهلك للإلمام بموضوعات ادارة الجودة الشاملة TQM وتطبيقاتها في المستشفيات والوحدات الصحية ومعايير اعتماد المستشفيات ويساعدك في دمج معايير الجودة في الممارسات اليومية للمستشفيات والمجمعات الطبية الخارجية
تعلم تقييم حالات السمنة والنحافة وطرق علاجهما وكيفية تخطيط النظام الغذائي الصحي لكل حالة والتخفيف من الأعراض الجانبية للسمنة والنحافة وإدارة وتنظيم وجبة غذائية متوازنة تلبي احتياجات الطاقة والأيض وكيفية رفع معدل الأيض وحرق الدهون و أساسيات الصيام المتقطع والداش دايت.
دورة الاوشا هي برنامج تدريبي متخصص يهدف الى تعريف المشاركين على تشريعات السلامة والصحة المهنية، والتعرف على مهمات السلامة للوقاية الشخصية، ويتم تسليط الضوء على الحرائق وكيفية اطفائها، وكيفية التعامل مع السوائل الملتهبة والسوائل القابلة للاشتعال، وكذلك بنود سلامة الاوناش، ووسائل الحماية من السقوط، وغيرها من بنود السلامة والصحة المهنية في المؤسسات، وتشمل محاور هذا البرنامج التدريبي عرض قوانين الاوشا - OSHA في الصناعات العامة، وقوانين الاوشا في الصناعات الانشائية بشكل خاص.
دبلوم مهني مبتكر يهدف الى تدريب المشاركين على اكتساب المهارات اللازمة للعمل في مجال الصحافة والاعلام، وتوفير المعرفة والمهارات اللازمة للمشاركين وتدريبهم على كيفية اعداد التقارير الصحفية وأيضا تصوير التقارير الاخبارية واعداد محتوى البرامج التليفزيونية.