1- لازم تكون تنك .. إيوه أوعى تتعامل مع الموظفين والمتقدمين بتواضع وبشكل ودي كده لايفتكروك مش إتش ار ولا حاجه .


2- لازم تكون غامض .. أوعى تنزل إعلان وظيفة وتوضح فيه تفاصيل .. إنت عايز الناس تقول عليك سهل وواضح ولا أيه ؟!


3- لما تختار مابين المتقدمين على الوظائف اختار على اساس شكلهم و نوعهم ومدى ارتياح قلبك وقبول عقلك ليهم .. اكيد متختارهم بناء على المهارات والخبرات .. هنخيب ولا أيه ؟ ال مهارات ال .


4- اختارت الشخص بناء على مزاجك .. كلمه بتفس القاعده رقم 1 بكل تناكه .. ايوه عشان تعرفه إن انتوا شركة كبيره وإنه لازم يعمل لولولوي فرح عشان كلمتوه .


5- لما يسألك على التفاصيل - اللي انت مش موضحها زي ما اتفقنا في رقم 2 - قوله ف الانترفيو وزعق فيها هيخاف منك ومش هيسأل تاني .


6- لما يجيلك الانترفيو في ميعاده .. الطعه بتاع ساعه كده .. ده مش عدم احترافيه منك لا سمح الله .. ده اختبار لقوة صبره وتحمله .


7- لطعته .. خدوه بقى على غرفة التحقيق .. اقصد المقابلات .. طبعاً جو إنك ترحب بيه وتدردش معاه ده بتاع العيال التوتو .. ابدأ التحقيق اقصد الانترفيو ع طول .


8- ف الانترفيو مش هوصيك بقى اسأله اسئله في المنطق وعلم النفس والتاريخ والجغرافيا وعلوم الفضاء والفللك واي حاجه وكل حاجه تيجي ف بالك .. امال هو فاكر هنسأله في اللي ليه علاقه بشغله والشركة بس ؟؟


9- في اخر الانترفيو بقه .. قوله تمام هنكلمك خلال 15 سنه ، وتكلمه ف السنه ال 16 لحسن يفتكر إنكوا هتموتوا عليه ولا ياخد ف نفسه مقلب .. أيوه خليك تقيل .


10- طبعا لو مارتحتلوش ومعجبش معاليك .. ولا كأنه جه .. ولا تبعتله ميل ولا رساله ولا أي حاجه .. وقتك أغلى من إنك تضيعه مع واحد مش هيشتغل وتولع سمعة الشركة وتتحرق المهنية أكتر مهي محروقة .