اداره الموارد البشريه هي إدارة القوى العاملة للمنظمات أو الموارد البشرية. وتختص بجذب الموظفين، والاختيار، التدريب، التقييم ومكافئة الموظفين، وأيضاً متابعة قيادة المنظمة والثقافة التنظيمية والتأكد من الإمتثال بقوانين العمل. في حالات يكون الموظفون راغبين في إجراء مفاوضات جماعية، إدارة الموارد البشرية يكون دورها التواصل المبدئي مع ممثلي الموظفين (في العادة إتحادات العمال)
والموارد البشرية مجموع الأفراد المشكلين للقوى العاملة بمنظمة ما، أو قطاع أعمال أو اقتصاد ما. ويستخدم البعض مصطلح رأس المال البشري بشكل مترادف مع الموارد البشرية، على الرغم من رأس المال البشري عادة ما يشير إلى وجهة نظر أضيق ، هناك مصطلحات أخرى تستخدم أحيانا تشمل «القوى العاملة» أو المواهب أو «العمل» أو مجرد «الأفراد». ووجدت الموارد البشرية كمنتج لحركة العلاقات البشرية في بدايات القرن العشرين، عندما بدأ الباحثون يوثقون طرق لخلق قيم للأعمال عن طريق الإدارة الإستراتيجية للقوى العاملة. الموارد البشرية كانت مهيمنة بالعمل الاجرائي اليومي، مثل الرواتب وإدارة المنافع، لكن بسبب العولمة، دمج المنظمات، والتقدم التقني، وأبحاث متقدمة، الموارد البشرية الآن تركز على المبادرات الإستراتيجية مثل الإندماج والإستحواذ، إدارة المواهب، خطط التعاقب، العلاقات الصناعية أو العمالية، والتنوع والشمول
ايه الحسابات اللى المفروض تكون عندي عشان اقدر اوجه قيد الاجور بشكل سليم محاسبيا؟.

ايه هو التوجيه المحاسبي السليم لعنصر الاجور او ايه هو قيد الاجور المحاسبي لاثبات مصروف الاجور؟ايه المعالجه المحاسبيه لجزاءات العاملين؟ وهل غياب الموظف لمدة يوم واحد هايأثر بشكل او باخر على القوائم الماليه .؟امتى نقول ان ايجار سكن العاملين يعد مصروف اجور وان فاتورة التليفون المحمول تعد اجور وتدخل فى قيد الاجور؟قبل مانتكلم عن مصروف الاجور ومكوناته وقيد الاجور السليم لازم نعرف ايه هى الحسابات اللى المفروض تكون موجوده فىدليل الحسابات سواء كنت شغال مانويل او على برنامج محاسبه ودا عشان اعرف اوجه قيد الاجور بشكل سليم.
1- حساب مصروف الاجور والرواتب

ودا بيكون ضمن المصروفات سواء الاداريه والعموميه لو كانت الاجور دى ضمن اجور الاداره او مصروفات التشغيل، بتخص الانتاج وممكن كمان تسويقيه مافيش مشكله.وفى مديرين بيفضلوا فتح اكتر من حساب لمصروف الاجور على حسب الادارت" اجور الاداره الماله، اجور ادارة الجوده وهكذا" ودى كلها اساليب بفصح من خلالها عن مصروف الاجور فى قيد الاجور.ولازم نعرف ان بند مصروف الاجور مابيقتصرش فقط على الفلوس اللى بيستلمها الموظف كل شهر، ولكن مصروف الاجور لازم يتضمن بنود المزايا العينيه "زى فواتير المحمول وسكن العاملين "وكمان حصة الشركة فى التأمينات الاجتماعيه يعنى لو بقول انى انفقت 100000ج اجور كدا استنتج ان البند ده عباره عن اجور نقديه ومزايا عينيه وحصة الشركه فى التاميات، وفى راى بيفضل ان البنود دى نفصح عنها فى القيد بشكل مستقل يعنى اقول مثلا 800000 اجور.10000 مزايا عينيه.10000 حصة الشركة فى التامينات.وافتح حساب مستقل لكل بند من دول.
2- حساب المكافات

ودا الحساب اللى برمى عليه اى مكافات للعاملين بتوعى وبيكون ضمن المصروفات وبيظهر كمدين فى قيد الاجور.
3- حساب السلف

ودا حساب بنفتحه فى الاصول المتداوله فى بند ارصده مدينه اخرى ودا الحساب اللى برمى عليه كل فلوس السلف اللى بطلعها للموظفين وبيتقل اخر الشهر مع قيد المرتبات الشهرى.ولما تطلع سلفه لموظف هانثبتها بالشكل ده من ح سلفالى ح الكاش
قيد سلف الموظف بعد اعتمادها فى برنامج ادارة الموارد البشرية

4- حساب جارى التأمينات الاجتماعيه
ودا من ضمن بنود الالزامات المتداوله "حسابات دائنه اخرى" وكل شهر مع قيد المرتبات بثبت استحقاق مبلغ معين للتامينات والمبلغ ده عباره عن حصة الشركه وحصة الموظف فى التأمينات.
5- حساب جارى مصلحة الضرائب

ودا زى التامينات ضمن حسابات الالتزامات المتداوله وكل شهر بثب استحقاق مبلغ معين لضرائب كسب العمل عباره عن الضرايب اللى المفروض بستقطعها من مرتب الموظف وبوردها لمصلحة الضرايب.
6- حساب الجزاءات

ودا اللى حساب اللى من خلاله بستقطع من الموظف مبلغ معين من مرتبه نظير غياب او مخالفتة للوائح، وقانونا المفروض يكون فى حساب اسمه صندوق جزاءات العاملين"التزام" وبرمى عليه كل قيودالجزاءات اللى بحملها على الموظفين وبرودها لمكتب العمل بنسبه معيه .ولكن فى راى اننا نعتبرها ضمن بنود الايرادات الاخرى فى حالة عدم توريدها لمكتب العمل.
قيد الاجور

المرحله الاولىهى انك بتثبت استحقاق الاجور والرواتب بالصافى بعد مابتخصم منها الاستقطاعات المختلفه من خلال قيد شبهه دا كدامن ح الاجور "اجور نقديه+ مزايا عينيه +حصة المنشأه فى التأمينات الاجتماعيه"من حساب مكافات العاملينالى مذكورين:ح جارى مصلحه الضرايب"بمقدار ضريبة المرتبات اللى بتستقطعها من الموظف"ح جارى التأمينات الاجتماعيه"بمقدار حصة الموظف من التأمينات الاجتماعيه"ح سلف العاملين لو واخدين سلفح الجزاءات ومن ضمنهم الجزاءات اللى هاطبقها عليه فى حالة غيابه بدون اذنح الاجور المستحقه بالصافى.قيد الاجور لاثبات استحقاقه بعد اعتمادها فى برنامج ادارة الموارد البشرية
المرحله الثانيه

هى انك تثبت سداد الاجور"بالصافى بعد الاستقطاعات" دى للموظفين وسداد الضرايب والتامينات بتاعتهم وكمان تثبت الجزاءات اللى أخدتها منهممن مذكروينجارى مصلحه الضرايبجارى هيئة التأمينات والمعاشاتالى ح الكاش
قيد اثبات سداد التامينات والضرائب بعد اثبات الاستحقاق فىبرنامج ادارة الموارد البشريه.

وبثبت سداد الراتب للموظفين بالشكل ده
وبثبت كمان الجزاءات بالشكل ده فى حالة انى بعتبرها ايردات اخرىمن ح جزاءات العاملينالى ح ايرادات اخرىعلى اعتبار ان الموظف كان مستحقله مبلغ معين وانا اديتله مبلغ اقل نظرا لغيابه ومن هنا التوفير اللى حصل ده بعتبره بمثابة فلوس جديده دخلت الشركه وبرميها على حساب ايرادات اخرى وطبعا من خلال برنامج ادارة الموارد البشريه اقدر اتحكم فى توجيهات قيد الاجور بكافة اطرافه.معلومه هامه
عرفتوا تأثير غياب يوم واحد لموظف مع تطبيق الجزاء اذاي بيأثر على القوائم الماليه

هانلاقيه انه سمع فى قائمه الدخل الincome statement فى حساب ايرادات اخرى وبالتالى هاينعكس فى النهايه على الnet profit بتاع الشركهوبكدا هانلاقى ان غياب الموظف ليوم واحد من وجهه نظر الاتش ار انه بمثابة تعطيل لمصالح الشركه فى حين ان المدير المالى بيشوف انه هايحقق ربح على اعتبار ان الوفر فى الانفاق يعد بمثابة ربح محقق

المصادر:
ويكيبيديا
اكفليكس
موضوع