ايه هو دور الاتش ار في الوقت الي احنا فيه؟


دور مدير الموارد البشرية في اي مؤسسة هو دور متعدد و متشعب و اهم و اصعب جزء فيه هو الجزء الخاص بتنظيم عملية ال communication بين الموظفين... بطريقة تحفظ حقوقهم و حقوق الشركة و تعلي الأداء الخاص بالموظفين و الشركة لأعلى مستوى.


في وقت الأزمات بتزيد مسئوليته... و بيبتدي يشتغل Crisis Management بجانب بقية أدواره، و في وقت زي الي احنا فيه العالم كله حاليا بيمر بظروف صعبة أثرت على الاقتصاد و التعليم و الصحة و كل نواحي الحياة.. فأصبح لازم ياخد إجراءات احترازية لتقليل الخسائر الي بتحصل او ممكن تحصل للموظفين الي هما رأس مال الشركة الأول...


أولا.. الغاء البصمة


البصمة مصدر كبير للعدوى.. و بلاش نستبدلها بالتوقيع في دفتر الحضور و الانصراف... لان العدوى هتتنقل من القلم عادي جدا زي البصمة.. فنخلي برد واحد زي الأمن مثلا هو الي يسجل الحضور و الانصراف.


ثانيا...توفير جل معقم


و إلزام الموظفين باستخدامه و يكون متواجد في اقرب أماكن فيها استعمال... عند أبواب الحمامات، عند باب الشركة، عند الآن التصوير و الطباعة....


ثالثا... وضع خطة لكل وظيفة للعمل من المنزل ان امكن


ماحدش عارف ايه الي هيحصل الفترة الجاية.. الشركات ممكن تتقفل و النزول من البيت ممكن يصبح للضرورة القصوى و لو مفيش خطة تنظيمية لإدارة الأزمة ده الشركة ممكن حرفيا تقفل فيها.. لكن لو في خطة بديلة بمساعدة مديرين الإدارات نقدر نقلل الخسائر و نحافظ على وجود الشركة و الناس ما تخسرش وظائفها.


رابعا... توفير كمامات في الشركة


لأي حد محتاج يلبسها او لو في حد اضطر انه ييجي و هو عنده برد او لو حد بدأت عنده أعراض البرد و هو في الشغل.


خامسا... منع استخدام ألأكواب الزجاجية


استبدال الأكواب الزجاجية بالورقية، و المعالق بالمعالق البلاستيك لاستخدام المرة الواحدة فقط.


سادسا... توفير قفازات لعمال البوفيه و النظافة


سابعا و ده من أهم الخطوات...


اسمحو للموظفين انهم ياخدو اجازة مدفوعة أول ما يحسوا بأعراض البرد مع احضار شهادة بالتشخيص.. عارفة هتقولو إن في بعض الموظفين ممكن يعتبروها حجة للغياب... و لكن دورنا نحاول نسيطر على الوضع.


By: Sarha samy