في جريمه اسمها هزيمة روح الموظف نفسيا فيتحول لموظف نمطي روتيني بعد ما كان عنده روح وفكر ..


فمطلوب منك متكنش سبب في أن حد يفقد ثقته في نفسه بسبب كلمه انت قلوتهاله وهو بيقولك حلمه .. أو بيعرض عليك مشروع أو حتي عمل شغله وانت كنت بتقيمه بس مكنش بالصوره اللي انت تخيلتها ..


مفيش حاجه تستحق أن ممكن حد يوصل لمرحلة فقدان الثقه في قدراته بسببك


للاسف ناس هتقولي .. ما برده مينفعش حد يفقد الثقه في شغله ونفسه بسبب كلام غيره .. هقولك مش كلنا زي بعض وفي ناس ممكن تكون في مرحلة أنها نفسها حد يقولها كلمه كويسه أو يزود ثقتها بنفسها ..


اغلب الناس لو جربنا بس نديلها ثقتها بنفسها ومش شرط نمدح عملها لو مكنش كويس .. احنا ممكن نقولها احنا بنقدر مجهودكم الموضوع هيكون مختلف معاهم .. متخليش حد يفقد ثقته في نفسه بسببك ويتهز .. لان في ناس بتقرر متشتغلش تاني ولا تقول فكره ولا تتكلم عن اي حاجه جديده وتعيش نمطيه بسبب رد فعل كان عليها قبل كدا .. فتتحول من موظف او شخص مجتهد بيفكر وبيحاول وبيشنغب لشخص نمطي عادي .. وما بالك بنفسيته اللي بتعاني وبيبقي بينتقد نفسه في كل تصرف لانك ساعدته في دا ..


مش بقولك اكذب علي حد وقوله شغلك عبقري .. بس اشكر مجهوده وشجعه .. والايام دول .