الموضوع: ليه مشروع Tindio.com فشل؟
ليه مشروع Tindio.com فشل؟
الحياة تجارب و خبرات و خوازيق بنلبسها بإستمرار. أهم حاجه بس لما تلبس في حاجه توعي غيرك علشان يتعلم منك...٤ سنين أخدنا فيهم خبرة عظيمة جداً في مجال الـ Marketplace هحاول ألخصهم هنا. (البوست ممكن يبقي طويل شويه..آسف مقدماً!)
٢٠١٦ تحديداً شهر ٤ بدأنا tindio.com و كانت المشكلة اللى موجودة وقتها و بنحاول نحلها إن فيه ناس كتييير في مصر بتصنع و بتبيع منتجات عظيمة جداً لكن محدش يعرف عنهم حاجه. كل واحد فيهم بيبيع في مكان مختلف (فيسبوك, محلات٬ انستجرام أو موقع خاص بيه) و لو انت شخص٬ سواء جوا مصر أو برا مصر و عايز منتج معين مكنتش هتلاقيه بسهولة...بالتالي فكرة إننا نصدر منتجات مصرية للـ End-users بره مصر مكنتش هتبقي ممكنة من غير ما نحل المشكلة دي و نجمع الناس دي في مكان واحد.
الحل أو الحلم أننا نعمل Open Platform بيخلي أي حد يعمل ستور و يرفع منتجاته في أقل وقت ممكن٬ كنا طرف تالت و حلقة الوصل بين المتاجر و العملاء. كنا أحنا اللى بنشحن المنتجات من المتجر و نبعتها للعميل و بناخد الفلوس نبعتها للمتجر تاني مقابل 15% نسبة ربح على بيع المنتجات.
المشكلة الأولي - User behaviour
هلخصلكوا دي في شوية سيناريوهات بتحصل بشكل مستمر عندنا في الأوبريشن.
١. بنعمل ماركتنج كامبين على ستور معين و بنجيب أكتر من ٣٠ اوردر على الأستور ده. النتيجة ان الـ ٣٠ اوردر بيتلغوا علشان الأستور عنده حالة وفاة.
٢. العميل بيطلب منتج لمناسبة معينه و الأستور بيأكد انه هيسلم المنتج قبل المناسبة. النتيجة ان الأستور بيختفي و مش بيرد على التليفون و الأوردر بيتلغي بعد ما بنتهزأ من العميل.
٣. أوردر مدفوع بيتعمل من خارج مصر على منتج تمنه ٣٥٠ جنيه. بنكلم الأستور علشان ينفذ المنتج. بيرد أن المنتج تمنه بقا ٧٠٠ جنيه و أنه نسي يعمل ابديت للأسعار.
٤. عميل بيطلب محفظة جلد طبيعي مطبوع عليها أسمه أو صورته. الأستور بينفذ المنتج و بيطبع عليها اسمه. العميل بيختفي و مش بيستلم الأوردر. النتيجة اننا مينفعش نقول للأستور اتحمل انت الخسارة دي و للأسف بنتحملها احنا و بنعوض الأستور و المحفظة مينفعش نستعملها تاني لأنها Custom made
٥. عادتاً بنسلم الفلوس لاصحاب المتاجر بعد اسبوعين من طلب الأوردر علشان نتأكد ان العميل مش هيشتكي من مشكلة معينه في الأوردر. النتيجة ان الأستور بيبعت الأوردر مع شركة الشحن و بيكلمنا تاني يوم علطول يسألنا عن الفلوس بتاعته و بيتهمنا اننا سرقناه و موضحنالهوش اننا هنبعتله الفلوس كمان اسبوعين و بينزل يعمل فينا محضر.
٦. بنخصم ١٥٪ هامش ربح من أوردر معين. الأستور بيكلمنا يقولنا ان ١٥٪ كتيير و اننا مجرد موقع أو فيسبوك بيج و انه عايز يقفل الأستور بتاعه متجاهلاً اننا دفعنا أضعاف الفلوس دي في الماركتنج و الأوبريشن و الكاستومر سابورت.
ده أقل من ٥٪ من المشاكل اللي بنقابلها بشكل يومي..مش هتكلم عن اننا غيرنا أكتر من ٢٥ شركة شحن ولا المندوبين اللى كانوا بيضيعوا المنتجات أو يسرقوها...و كمية التعويضات اللى عوضناها للعملاء و المتاجر.
---------------------------------
المشكلة الثانية - Cost of Order
بشكل يومي بنحاول Approaches كتيرة علشان نجيب اوردرات للأستورز اللى موجودة عندنا. سواء
Social media ads
Search Engines Ads
Promoting the products on other websites.
و طبعا لازم ندفع فلوس في اي طريقة بنجربها. معدل هامش ربح كل أوردر تقريبا ٣٠ جنيه. تكلفة انك توصل للأوردر ده تقريبا ٢٥-٣٥ جنيه٬ ده غير تكلفة الأوبريشن و خدمة العملاء. بكل ثقة أقدر أقولك اننا بنخسر حتي لما حاولنا نقلل تكلفة كل اوردر على قد ما نقدر. مقدرناش نوصل للمعادلة اللى تقولنا ان تكلفة الأوردر أقل من هامش الربح...
---------------------------------
المشكلة الثالثه - Easy come easy go
كنا فاكرين إننا لما نخلي المصممين أو البائعين يفتحوا متجر عندنا بسهولة في دقايق من غير عقود أو إمضاءات أو ورق رايح وورق جاي أو اننا نشترط ان المنتجات تكون عندنا في المخزن٬ دي هتكون ميزة...سهولة إنشاء ستور في الموقع عندنا خلت البائع ميحسش بقيمة المتجر...و بالتالي ناس كتير كانت بتجرب...تفتح متجر...ترفع منتجين أو ٣ و تختفي....و ده كان السبب ان فيه متاجر كتير عندنا مش Active و ملهاش لازمه الحقيقه
---------------------------------
المشكلة الرابعة - Quality Control
ازاي يبقي عندك موقع فيه أكتر من ٧٠٠ متجر و ٨٠٠٠ منتج و تتأكد من جودة كل منتج من المنتجات دي. خصوصاً إن دي منتجات بتتعمل بالطلب..مش قدامك علشان تقيمها.. و في نفس الوقت انت Open Platform معندكش مخازن تخزن فيها المنتجات دي...أكتر من ٦٠ في الميه من المنتجات اللى عندنا كانت بتوصل للعميل و العميل بيكلمنا و بيقولنا ان الاوردر فيه مشكله. المحفظة فيها خدش...السلسة مش زي الصور...التي شيرت الكواليتي بتاعته مش زي الصور...الشنطة الجلد الطبيعي ريحتها وحشه....في الحالة دي بنعمل مرتجع من العميل للأستور و بنخسر احنا فلوس الشحن اللى هي أكتر من هامش ربحنا اساسا. الكلاينت بيبقي عنده Bad Impression عن الموقع أو البراند بتاعنا . حاولنا كتير نقنع الناس إننا مجرد وسيط مش بائع لكن الناس ديما شايفاك انت الواجهه...انت الموقع اللى هوا اشتري منه...صعب تقنعهم بأي حاجه تاني.
---------------------------------
المشكلة الخامسة - Comfort Zone
لما تعمل موقع أو موبايل أب و تطلب من الأستورز يدخلو منتجاتهم عن طريق الموقع بتاعك في مقابل انك هتقدملهم خدمات زي الشحن٬ الدعم الفني أو تبيعلهم أكتر. هل تتوقع ان ال Stores هيستخدموا السيستم او الموقع بتاعك؟ الإجابه طبعاً لأ. معظم الأستورز مش بتحب تخرج من الـ Comfort zone بتاعتها اللى هي الفيسبوك أو انستجرام..حتي بعد ما عملنا UX Improvements كبيره علشان نتأكد ان الداشبورد سهلة و مفيهاش أي مشاكل. كانو ديما مش عايزين يتعاملو مع أي سيستم هم مش متعودين عليه. هتلاقي منتجات كتير Out of stock منتجات كتير اسعارها قديمه بسبب أننا مقدرناش نقنع اليوزر انهم يخرجوا برا الComfort Zone
---------------------------------
المشكلة السادسة - Technology First or Business First
أكبر غلطة إننا كا مؤسسين كنا فاكرين ان اي حاجه نقدر نحلها بالتكنولوجي. و إننا لما بدأنا Tindio.com ركزنا على التكنولوجي أكتر و إن يبقي عندنا موقع كويس٬ user interface سهلة٬ موبايل ابلكيشن كويس. و قضينا تقريبا ٧ شهور أو اكتر علشان نبني مشروع من غير ما نجربه أو من غير ما نعمل MVP
أكتشفنا ان التكنولوجي مش كل حاجه٬ بالعكس هي أقل مشكلة. و إننا كان ممكن نجرب بموقع يتعمل في ٥ دقايق و ان الـ Operations & Business Model اهم بكتيير جداً. مكنش عندنا شريك فاهم في البزنس و ده للأسف خسرنا كتير. متبدأش اي مشروع غير لو انت فاهم كويس البزنس, متأكد ان عندك اوبريشن قوي و أخيرا فكر في التكنولوجي اللى هتساعدك توصل للي أنت عايزه.
---------------------------------
ملخص - Conclusion
1. الـ eCommerce مجال كويس جداً لو المنتج بتاعك وواثق في جودته و واثق انك تقدر توصله بسرعه بدون اي مشاكل.
2. الـ Marketplace مش أنجح موديل لو انت بتدور على ربح على المدي القريب. متسوقش أو تبيع منتج غيرك إلا لو هامش الربح يغطي التكلفة و ده صعب جداً يتحقق.
3. مجال الـ Handmade & Custom products في مصر محبط جداً بالرغم من ان فيه ناس عظيمة جداً. منصحش انك تشتغل فيه غير لو انت الشخص اللى بيصنع المنتجات دي.
4. أهتم بالمشكلة و البزنس و الأوبريشن قبل ما تهتم بالتكنولوجي
5. لو مش هتكسب من مشروعك كويس من Day 1 مش هتقدر تغطي مصاريفك و بالتالي مش هتكمل فيه. في الأول تجاهلنا ان هامش ربحنا قليل و كان عندنا أمل ان لما عدد الاوردرات تكبر الربح هيزيد... و كانت النهاية حتمية
و أخيراً احب اقول اني لو كنت شوفت بوست شبه ده من ٤ سنين لحد بينقل خبرته اكيد كنت هتعلم منه و يمكن كنت وفرت وقت و مجهود و فلوس في فكرة تانيه More promising. لو عندك خبرة في مجال معين...متبخلش علينا الله يخليك!
و أخيراً...مش بخلي مسئوليتي عن ما حدث. انا عرضت جزء من المشاكل اللى قابلتنا بس ده ميمنعش أبدأ ان في يوم من الأيام ممكن شخص ينجح فيما فشلنا فيه...
خطة العمل:وهى أهم خطوات بداية أى مشروع ناجح .. ميكننا أن نقسم محتوى خطة العمل إلى أربعة أقسام رئيسيــة:
وصــف المشروع
خطـــةالتسويق
الخطــةالإداريــة
الخطــةالماليــة
من خلال هذا... (مشاركات: 0)
تحتل المشروعات الصغيرة بأنواعها المختلفة أهمية بالغة في اقتصاديات المجتمعات كافة, بغض النظر عن درجة تطورها واختلاف أنظمتها ومفاهيمها الاقتصادية, وتباين مراحل تحولاتها الاجتماعية.
وعادة ما تناط... (مشاركات: 0)
اخوانى
محتاج مشروع دراسة جدوى مشروع انشاء مصنع مستلزمات طبية
بارك الله فيكم (مشاركات: 0)
انا شاب لدي مشروع تخرج
ادرس ادارة اعمال
تخصصي الادارة
المشروع
هو عبارة عن العمل في احدى الشركات (مشاركات: 0)
برنامج تدريبي يتناول موضوع طرق السداد المستخدمة في الاستيراد والتصدير والاعتمادات المستندية والقواعد الحاكمة وأطراف الاعتماد المستندي وخطوات عمل الاعتمادات المستندية و المستندات التجارية ومستندات الشحن و أنواع الإعتمادات المستندية و العقود التجارية الدولية INCTERMS 2020
برنامج متخصص في ادارة المخاطر في المؤسسات الرياضية يغطي الموضوعات الهامة التي تهم العاملين في هذا المجال وكذلك الراغبين في العمل في مجال ادارة المخاطر في المؤسسات الرياضية مثل المفاهيم العامة ادارة المخاطر بالمؤسسات الرياضية وأنواع ومجالات المخاطر بالمؤسسات الرياضية وخطة ادارة المخاطر بالمؤسسات الرياضية وادارة المخاطر بالمشاريع الاستثمارية بالمؤسسات الرياضية والتأمين على الرياضيين بالمؤسسات الرياضية من المخاطر الرياضية وادارة المخاطر المالية بالمؤسسات الرياضية وادارة المخاطر الانشائية والسلامة المهنية بالمؤسسات الرياضية وأليات ادارة وتنفيذ المخاطر المؤسسية بالمؤسسات الرياضية وتطبيقات وممارسات عملية فى مشاريع معدة للمؤسسات الرياضية
برنامج تدريبي يهدف الى تأهيلك للتعرف على أهم مبادئ وطرق تحصيل المستحقات المالية والديون المتأخرة وأهمية دور التحصيل فى ضمان تدفق الايرادات بصورة منتظمة وبتوقيتات محسوبة والذى من خلاله نستطيع ضمان استمرارية ونمو رأس المال والنشاط التجارى وبالتالى الربحية وتقليل أى مخاطر مالية محتملة وبتكلفة أقل.
اذا كنت مهتم بالمواصفة الدولية للايزو 45001، أو اذا كنت تعمل في مجال ادارة الجودة ومعني بتطبيق مواصفة الايزو 45001، والى كل مديري ومشرفي ادارة السلامة والصحة المهنية والمسئولين عن تطبيق نظام السلامة في الشركات والمؤسسات، نقدم لكم هذا البرنامج التدريبي المتميز يؤهلك لفهم واستيعاب نظم ادارة السلامة والصحة المهنية الايزو 45001:2018
دورة تدريبية مكثفة تهدف الى تعريف المشاركين بموضوع ادارة المخاطر، والاشكال الثلاثة للمخاطر، وكيفية تحديد اهداف ادارة المخاطر، وتحليل تلك المخاطر، وكذلك تقسيم وتصنيف المناطق الخطره، ومعرفة خطوات عملية ادارة المخاطر، كذلك القاء الضوء على آلية التمييز بين الطرق الثلاث الشائعة للتعرف على المخاطر وكيفية مواجهتها، وأخيرا يتعلم المشارك كيفية وضع خطة للتعامل مع المخاطر بشكل احترافي.