نظرا للمنافسة الشديدة الى بين كل الشركات فأصبح مدير كل شركة متطلباته كتير ف الشخص الى هيشغله ومن هنا بنقول...
ان متطلبات سوق العمل اصبحت كتيرة وبتتغير من فترة لفترة والحياة بعد التخرج مبتبقاش سهلة أوي زي ما معظمكم معتقد ، فأنت محتاج كل فترة تشوف ايه ال Updates الموجودة وتشتغل عليها بحيث تبقى مواكب متطلبات سوق العمل


ودى بعض النقاط المهمة الى لازم تشتغل عليها من دلوقتى...


١- مفيش حاجه دلوقتي اسمها انا مؤهلي كذا وعايز اي شغل الكلام دا انتهي ومات


٢- حضرتك لازم تتعب شويه وتدرس سوق العمل وتشوف ايه الوظيفه اللي هتحبها وتتناسب مع ميولك ودراستك وتاخد قرار انك هتشتغل فيها هي بس...يعمى لازم تحدد المجال الى انت هتكمل فيه ...مش تقول اى وظيفة هتجيلى هقبل بيها وخلاص.
وانا ياسيدى هساعدك انك تختار المجال المناسب ليك حتى لو انت طالب :]


٣- طبعا كل الشركات طالبه خبره وحضرتك بدون خبره . دا المبرر الشهير هقولك
اولا في شركات بتطلب متدربين بدون خبره احيانا وممكن كمان تدرس في التخصص اللي اختارته كورسات عشان تقوي موقفك فيه حتي اليوتيوب مليان فيديوهات مجانيه في كل التخصصات بس انت دور شويه.
وانا ياسيدى هساعدك انك تكسب خبرة فى المجال المناسب ليك حتى لو انت لسه طالب :]


٤- متبعتش cv بدون ما تذكر المسمي الوظيفي في عنوان الايميل ابدا لان محدش هيدور جوا ال cv عشان يعرف وظيفتك ايه ومتبعتش...يعنى بالبلدى متبعتش c.v وانت مش محدد فيه الوظيفة الى انت طالبها...هى مش خدونى ف المكان الفاضى وخلاص ????
وطبعا لو حليت مشكلتك الى ف النقطة رقم 2 فمش هيكون عندك مشكلة هنا :]


٥- نقول تانى... متبعتش cv الا اذا كان مذكور فيه المسمي الوظيفي واضح وبخط كبير تحت الاسم.


٦- راعي ان ال HR الي بيروحله ال c.v بتاعك بني ادم عادي وممكن يكون مضغوط او مش فاضي فأنت سهل عليه الامور لمصلحتك وخلى ال c.v بتاعك بسيط وواضح
وانا ياسيدى هساعدك انك تعمل الc.v البسيط الواضح :]