السؤال الدارج حول ادارة الموارد البشرية، وهو سؤال بديهي جدا وطبيعي، ازاي اشتغل في مجال الاتش ار؟ بمعنى اخر كيف اعمل في مجال ادارة الموارد البشرية؟، وهو سؤال منطقي لكل من يرغب في الالتحاق بهذا المجال الهام .. واجابته كالتالي:ببساطة وبإختصار، من خلال ٣ مراحل كالتالى:المرحلة الأولى:
أولا لازم تكون متأكد إنك أصلا عايز تشتغل فى ال HR؟ وتعرف ليه عايز تشتغل فى ال HR؟ وليه حابه؟ .. وإجابة الأسئلة المهمة دية بيتم من خلال مجموعة أختبارات معتمدة ومجربة عن الشخصية وقيم العمل والمهارات المحفزة و الإهتمامات ورسالة الحياة
المرحلة الثانية:
ثم تبتدى تشوف متطلبات الوظيفة وتجمع معلومات عنها .. وطرق جمع المعلومات:
- ممكن القراية من النت ومقالات من مواقع عن ال HR ويفضل طبعاالقراءة تكون بالإنجليزى علشان نقوى اللغة وعلشان نتعرف على المصطلحات بلغتها المظبوطة
- فيديوهات من اليوتيوب
- الكورسات التعريفية سواء أون لاين أو بالحضور المباشر مع حد خبرة و فى مكان موثوق فيه
- سؤال أهل الخبرة من اللى بيشتغلوا فى المجال ويا ريت يكونوا ناس إيجابيين وناجحين .. بلاش تسمع لأى حد سلبى!
- كمان ممكن أشوف الوظايف اللى بتنزل على مواقع الشركات ومواقع التوظيف المختلفة علشان أعرف هم بيطلبوا إيه وإيه هى المواصفات والمهام المطلوبة
- أو كمان ممكن تشتغل مع كاريير كوتش يساعدك توصل إزاى للقرار والمعلومات بأحسن الطرق المناسبة ليك
المرحلة الثالثة:
بعد ما أظبط CV كويسة وأتدرب وأستعد للمقابلة الشخصية، أخيرا لازم تبتدى تجرب وتطبق اللى جمعته من معرفة ومعلومات و تحاول تشتغل أى شغلانة فى ال HR حتى لو كانت صغيرة وبسيطة أو تلاقي تدريب فى أى شركة كويسة علشان تكتسب منها الخبرة العملية وخبرة الوظيفة والحياة الواقعية بشكل عام