اسباب هتخليك تترفض في اي مقابلة..


كلعادة لما بنزل اعلان بكتب فيه كل التفاصيل ومنهم الراتب و طبيعة الشغل و ده تقليلا ان حد يقدم والوظيفة مش مناسبة ليه ماديا او معنويا وللتأكيد بعد مرحلة تقييم ال CV ببعت Email تاني فيه كل التفاصيل و اسم الشركة كامل عشان اللي مقدم يبحث عنها وفي اخره بطلب من الشخص يحدد ميعاد عشان نعمل مقابلة


في اول المقابلة كالعادة سألت قريت ال email و عملت بحث عن الشركة هل كل حاجة مناسبة معاك و لا في حاجة عايز تفهمها اكتر او تعلق عليها واللي حصل كالتالي


حقيقي انا مقرأتش ال email هقراه و انا معاكي اهه...طيب مبدأيا انا بقبض 15000 جنية في الشهر الراتب ده اكيد مش هيناسبني و عايز اعرف منك ايه نشاط الشركة بتشتغلو في ايه شرحتله حاجات بسيطة بتعملها الشركة و في الاخر قلتله اسم الشركة في ال email ممكن تعمل بحث عليه بردو
فالرد كان انتو معاكو عملاء كتير لا انا مبشتغلش غير لعميل واحد لان العملاء الكتير دي وجع دماغ ممكن اشتغلكو freelance


ببساطة قلتله تمام بالتوفيق ان شاء الله في وظيفة مناسبة لامكنياتك اكتر


الفكرة انك رايح مقابلة عشان تعرف اللي قدامك انت مين بكل اخلاق ومهنية هو ميعرفش انت مين وبتقبض كام ولازم تكون قاري تفاصيل الوظيفة وعارف الشركة دي مجالها ايه حتي لو انت خبرة سنين احترم الفرصة اللي جاتلك وحتي لو هتعتذر عن الوظيفة سيب انطباع كويس متعرفش رزقك ربنا هيخلي مين من البشر سبب فيه