للاسف معظم الانترفيوهات في مصر مبتخدش منها فيدباك تفيدك فانك تطور نفسك .. حاجة محزنة جدا لما القي جينيورز كتير شاطرة اترفضت كتير ولسه متعرفش السبب .. في منهما ناس اترفضت مش عشان مش مناسبة لكن عشان الفرصة اتقفلت او في حد اتقبل او اي سبب تاني.


كلامي هنا لل seniors او ال tech leads او اي حد بيعمل انترفيوهات:


من فضلك كلم ال HR وابعت الاسباب لكل واحد رفضته حتي لو السبب مش انه مش مناسب .. صدقني هيفرح جدا وهيعرف انه تمام مناسب لكن مش وقتها .. لكن انك تسيبه في المطلق كده .. هتخليه يشك في نفسه وهتخليه يسال .. طب انا محتاج اعدل ايه؟ هو السؤال دا انا جاوبته صح ولا هو السبب اني اترفض .. انت بتصعب الدنيا عليه اوي.


انا كنت في شركة وقبلت اتنين .. لكن بعدها بفترة الشركة قفلت الفرصة دي .. انا اضايقت اني مبعتش للناس اللي جات كلها هما اترفضوا ليه .. لكن كلمني منهم حوالي ٤ اشخاص .. كل واحد قولتله مشكلته او حتي انه اتقبل لكن الفرصة مبقيتش موجودة وبقوا اصحابي عادي ولسه بنتكلم .. هما عندي هنا وهيشوفوا البوست دا.


انا كمان كنت بطنش لما اخلص الانترفيوهات مع الناس .. لكن خلينا ناخد عهد علي نفسنا من دلوقتي .. ان اي حد تعمل معاه انترفيو .. تكتب بعد الانترفيو او في نص الانترفيو الاسباب اللي خليتك تستبعده وتبعت لل HR عشان تبعت للناس دي .. الناس دي هتفتكرنا بالخير ديما .. علي الاقل تديله امل وتعرفه انه ماشي صح او ماشي غلط ويكمل ازاي .. الله اعلم وارد جد ا يكون موقفك دا سبب في شغله في شركة تانية .. عهد يا شباب متنسوش.