النتائج 1 إلى 5 من 5

الموضوع: قصيدة جحا للشاعر هشام الجخ

#1
نبذه عن الكاتب
 
البلد
مصر
مجال العمل
هندسة
المشاركات
3,066

قصيدة جحا للشاعر هشام الجخ

قصيدة جحا للشاعر هشام الجخ


-----------------

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
أَسأل اللهَ عز وجل أن يهدي بهذه التبصرةِ خلقاً كثيراً من عباده، وأن يجعل فيها عوناً لعباده الصالحين المشتاقين، وأن يُثقل بفضله ورحمته بها يوم الحساب ميزاني، وأن يجعلها من الأعمال التي لا ينقطع عني نفعها بعد أن أدرج في أكفاني، وأنا سائلٌ أخاً/أختاً انتفع بشيء مما فيها أن يدعو لي ولوالدي وللمسلمين أجمعين، وعلى رب العالمين اعتمادي وإليه تفويضي واستنادي.



"وحسبي الله ونعم الوكيل ولا حول ولا قوة إلاِّ بالله العزيز الحكيم"

#2
نبذه عن الكاتب
 
البلد
مصر
مجال العمل
مدير تطقيم بشركة ملاحية
المشاركات
569

رد: قصيدة جحا للشاعر هشام الجخ

جميلة اقوووووووووووووووووى القصيدة دى أنا سمعتها قبل كده فى برنامج العاشرة مساء لشاب صعيدى كان بيقولها وكنت مبسوط بيه قوى.. بس كنت فاكرها من تأليفه..
شكراً لك..

#3
نبذه عن الكاتب
 
البلد
مصر
مجال العمل
موارد بشرية
المشاركات
312

رد: قصيدة جحا للشاعر هشام الجخ

جميلة فعلا القصيدة بس توجع القلب لانها بتعبر عن الحال تعبير واقعى و قوى جدا ، شكرا .

#4
الصورة الرمزية dragon79
dragon79 غير متواجد حالياً مستشار
نبذه عن الكاتب
 
البلد
الإمارات العربية المتحدة
مجال العمل
منسق العلاقات الحكوميه
المشاركات
534

رد: قصيدة جحا للشاعر هشام الجخ

شكراً أخي الكريم علي هذه القصيده الرائعه

#5
الصورة الرمزية محمد أحمد إسماعيل
محمد أحمد إسماعيل غير متواجد حالياً المشرف العام
نبذه عن الكاتب
 
البلد
مصر
مجال العمل
أعمال ادارية
المشاركات
7,346

رد: قصيدة جحا للشاعر هشام الجخ

هي فعلا من تأليفه فهذا الشاب الذي استضافه العاشرة مساءا هو الشاعر شام الجخ
وهو من اروع شعراء العامية حاليا
ويمكنك زيارة صفحته على الفيس بوك لمزيد من القراءة

قصيدة جحا للشاعر هشام الجخ المشاركة الأصلية كتبت بواسطة محمد على منصور قصيدة جحا للشاعر هشام الجخ
جميلة اقوووووووووووووووووى القصيدة دى أنا سمعتها قبل كده فى برنامج العاشرة مساء لشاب صعيدى كان بيقولها وكنت مبسوط بيه قوى.. بس كنت فاكرها من تأليفه..
شكراً لك..
استشارات :
- الهياكل التنظيمية
- الوصف الوظيفي
- اللوائح الداخلية للموارد البشرية
https://www.facebook.com/hrdiscussion
https://twitter.com/hrdiscussion

إقرأ أيضا...
مسامير جحا

ملكة بريطانيا لغت حفل عيد ميلادها مراعاة لشعور شعبها اللي بيعاني من أزمة أقتصادية.. أكيد دي لو في مصر كانت زمانها انتحرت يبدو ان إقالة إبراهيم عيسى هي اولى الخطوات على طريق الاستجابة لمطالب... (مشاركات: 3)


شكر خاص للأخ هشام ريان

أود أن أتقد بالشكر للأخ هشام ريان على إقتباسة توقيعى الخاص وجعله توقيعاً له وهذا شيئ أسعدنى كثيراً وأعتبره بداية لصداقة بيننا ولكن لى تعلق بسيط وهو أنى أخشى إن تُرك هذا التوقيع كما هو أن يلتبس... (مشاركات: 7)


قصيدة عن الأم

اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي يواسيني وانا الميت وحالي يجبر الدمعات تسيل من الذي فيني... (مشاركات: 0)


رد على استفسار العضو هشام الزهراني

السلام عليكم ورحمة الله وبركاته اعضاء المنتددى الكرام وصلني الاستفسار التالي من الاستاذ هشام الزهراني من اعضاء المنتدى النشطين ورغبة في أن تعم الفائدة للجميع وحتى يتفاعل كافة الاعضاء مع اخيهم قمت... (مشاركات: 1)


أحمق من جحا

أحمق من جحا هو رجل من فزارة. وكان يكنى أبا الغصن. فمن حمقه أن عيسى بن موسى الهاشمي مر به وهو يحفر بظهر الكوفة موضعاً فقال له: مالك يا أبا الغصن؟ قال: إني قد دفنت في هذه الصحراء دراهم ولست أهتدي إلى... (مشاركات: 0)


دورات تدريبية نرشحها لك

ورشة عمل: اتخاذ القرارات الإدارية الاستراتيجية

ورشة عمل متخصصة في اتخاذ القرارات الاستراتيجية تتناول تعريف وأهمية القرار الاداري وصناعة القرار الاداري واستراتيجية القرار واثار القرار وكيف يتم الغاء القرار الاداري وآلية حفظ القرارات الادارية وأخيرا تقييم القرارات الادارية


دورة ادارة وتخطيط وقت العمل في المستشفيات

اقوى دورة تدريبية تهدف لمساعدة المشاركين فيها على اكتساب مهارات ادارة وتخطيط وقت العمل في المستشفيات من خلال تحليل وتقييم الوقت في المستشفى ووضع خطط عمل فعالة ومرنة ويساعدهم في تحسين مهارة التنظيم الشخصي وتخطيط المهام وتحسين عملية الاتصال والتنسيق بين الفريق الطبي ويكسبهم مهارة التعامل مع التحديات والضغوط اليومية بهدف تحسين الانتاجية وتقليل الاجهاد.


دبلومة التشريعات والقوانين الرياضية

برنامج يتناول موضوع التشريعات والقوانين الرياضية والنظم القانونية للرياضة والحامية الدستوية للحق في الرياضة وهرمية التشريعات الرياضية والتشريعات الرياضية العربية و لوائح النظم الاساسية والجمعيات العمومية وغير العمومية بالمؤسسات الرياضية و تسوية المنازعات والتحكيم فى المجال الرياضى و دراسة مقارنة بين القانون المصرى والفرنسى فى تسوية المنازعات فى المجال الرياضى


دبلوم التسويق عن طريق شبكات التواصل الاجتماعي

كورس اونلاين متكامل يدربك على كيفية استخدام المواقع الاجتماعية كالفيسبوك وتويتر ولينكدإن واليوتيوب في التسويق واجراء البحوث التسويقية وتحليل المنافسين.


دبلوم المدرب الشخصي لذوي الإحتياجات الخاصة

أول برنامج تدريبي مخصص يؤهلك للعمل كمدرب شخصي PT متخصص في مجال تأهيل ذوي الاحتياجات الخاصة بتناول بالشرح التشريح الوصفي للطرف العلوي والسفلي وما هي ادوار المدرب الشخصي لذوي الاحتياجات الخاصة وماهية التمرينات البدنية واللياقة البدنية لهذه الفئة وتصنيفات الاعاقة والرياضات المعدلة وتصنيف الرياضة للمعاقين حسب نوع الاعاقة وطبيعتها وتأهيل الفرد المعاق


أحدث الملفات والنماذج