ليلى صدقى 27 سنة ليلى كانت عايشة معظم حياتها بره مصر و درست العلوم المالية في مونتريال . بس على عكس عائلتها كلها ليلى محبتش تشتغل فى المالية و فضلت متمسكة بحلمها انها ترجع مصر وتأسس متجر غذائى .


وبالفعل رجعت ليلى وفى 2010 لما شافت مدى شغف الناس على السوشيال ميديا بالكاب كيك الى بتتصنع فى البيت بس ليلى كانت مبدعة بما فيه الكفاية انها تتطور من الكاب كييك الطبيعية الى بتتباع فى السوق وقررت تنزل اول متجر ليها وكان NOLA الى انطلق بسرعة الصاروخ.


صحيح ليلى فضلت سنة كاملة بتتعلم الطبخ عشان تدرب فريق عمل لصنع الابداع فى الكاب كييك ليلى ابتدت بفريق مكون من 4 اشخاص بس الفريق ده كبر و ليلى اصبحت اشهر متجر لبيع الكاب كييك والى فى وجهة نظر ناس كتيير لبيع السعادة، ليلى قدرت تنجح وبقى عندها 3 فروع فى مصر مش بس كده ليلى بتفكر تنشر فكرة NOLA فى العالم كله عشان تبقى ماركة مصرية تطلع للعالمية .


ناس كتير بتقول النجاح فى مصر مستحيل ليلى طلعت فى وقت من اصعب اوقات البلد فى الثورة وواجهت مشاكل وصعوبات كتيير بس ليلى قدرت بارادتها تعديها وتوصل لحلمها عشان تقولنا ان الحلم مش مستحيل مهما كانت الظروف.