رجل أعمال صينى اسمه ( لى جين يون ) .. من أسبوعين كان عيد
ميلاد الشركة بتاعته الـ 20 ..
عايز يحتفل بيه بطريقة مختلفة فـ عمل إيه ؟ .. أخد الموظفين بتوع الشركة كلهم الـ 6400 موظف ( حتى عمال النظافة و الأمن ) و إداهم أجازة و سفرهم فرنسا ع حسابه .. الرحلة بتاعتهم دى كلفت كام ؟ .. 20 مليون يورو ..
الموظفين من كتر حبهم له حبوا يعملوله مفاجأة هما كمان فـ لبسوا كلهم زى موحد و شكلوا بجسمهم حروف إسم الشركة و إستأجروا طيارة هليوكوبتر عشان تصورهم من فوق و ( لى جين ) يشوف الصورة و ينبسط بيها ..
بيقول ( لى جين يون ) فـ حواره مع الـ bbc و التليجراف : ( هُم أسرتى ، و لولاهم لم أكن أنا أو شركتى من الأساس )
الموقف ده ع قد ما هو بسيط ع قد ما هو عظيم قوى وبيخليك تعرف ليه الصين كـ دولة وصلت للى هى وصلت له ده .. ( لى جين ) لما حب يكافىء معملش كده مع الصفوة أو الموظفين الكبار بس ده أصر إن يكون معاه عمال النظافة و الأمن و حتى الموظفين الجداد اللى لسه منضمين للشركة .. الناس دى ماشية بالعدل و بالمساواة وتنمية الولاء للشركة
و بعد كده أى حاجة مش مهمة