في ناس بتفضل طول عمرها تحلم، وفي ناس بتحلم وبتحقق حلمها دا.


إيلون ماسك مهندس ورائد أعمال وملياردير أمريكي من جنوب إفريقيا، والشئ العظيم في قصته إنه إتسمى الرجل الحديدي .. عشان عامل بالظبط زي توني ستارك في فيلم iron man .. اللي كان بيستخدم ذكاءه وفلوسه في عمل المعجزات


والحقيقة إن فعلا إيلون ماسك رجل حديدي .. من وهوا صغير كان بيحب البرمجيات جد ، فعمل لعبة إلكترونية وهوا عنده 12 سنة بس، وباعها ب 500 دولار.


أما عن دراسته فإيلون واخد بكالوريوس العلوم في الفيزياء وبكالوريوس في إدارة الأعمال .. ومن بعدها إنطلق في مجالات الإنترنت وعلوم الفضاء والطاقة المتجددة.


ولو إتكلمنا عن إنجازاته فالحقيقة مش هنقدر نوفيه حقه .. فإيلون أسس شركة الدفع أو البنك الإلكتروني paypal .. واللي ساهمت في تطوير التسوق الإلكتروني بشكل عام.


وكمان هوا صاحب شركة solarcity .. أكبر مصنع لألواح الطاقة الشمسية في أمريكا .. و طبعاً شركة Tesla Motors


ومش بس الأرض، لأ كمان غزا الفضاء .. فهوا صاحب شركة سبيس إكس .. الشركة الوحيدة الغير الحكومية (بعد ناسا الحكومية) اللي تقدر تبعت مركبات فضائية وترجع سليمة للأرض.


إيلون ماسك بيشتغل أكتر من 14 ساعة في اليوم .. مش بيتابع شغله وشركاته من مكتبه .. بيسافر يتابع الشغل بنفسه .. يعني نجاحه مش عشان فلوسه ولا ذكاءه بس .. بس عشان هوا مجتهد وبيحب