الموضوع: ازاي يجيلك شغل عن طريق Linkedin !
ازاي يجيلك شغل عن طريق Linkedin !
1- لازم تخلى الـProfile photo صورة شخصية ليك مبينة وشك، وياريت تكون formal شوية، فرصة إن حد يفتح الـAccount بتزيد 14 مرة لو كنت حاطط صورة شخصية ليك
2- العنوان الرئيسى اللى تحت إسمك لازم يكون مُلفت للنظر، هتلخص شخصيتك وخبرتك فى جملة واحدة بس تشد بيها الناس.
3-. ضيف للأكونت بتاعك الـIndustry اللي انت شغال فيها.
4- فى الـContact حط الـPersonal E-mail بتاعك، وحط رقم موبايلك كمان عشان أى حد يقدر يوصلك بسهولة.
5- بالنسبة للـSummery، لازم تهتم بيه جدًا لإنه من أهم الحاجات اللى بتجذب أى حد بيدور على موظف، لازم تكتب فيه نبذة مُختصرة عنك، ويكون فيها Keywords عشان الناس توصلك لما تعمل Search عنها، وضيف الـCV بتاعك في الـSummery ، وكمان اكتب الـContacts بتاعتك عشان تسهل على الناس الوصول ليك.
6-. بالنسبة للـExperience، بتكتب هنا كل التفاصيل اللى تخص خبرتك فى المجال بتاعك، وكمان الشركات اللى اشتغلت فيها قبل كدة، ونبذة عن وظيفتك فى كل شركة. اكتب تفاصيل عشان اللي بيقرأ يفهم ويقدر يكون وجهة نظر صح.
7-. حاول تشترك فى الـGroups اللى تخص مجالك، ويكون ليك نشاط عليها عشان ده بيفرق جدًا فى الـSearch .
8-بالنسبة للـConnections، الأسطورة بتقول ان الـConnections يتقسموا لـ3 أجزاء، الجزء الأول يكون فيه ناس من مجالك وده بيكون 60% من الـConnections، والجزء التاني يكون فيه موظفي الـHR في الشركات اللي بتشتغل في مجالك واللي انت بتحاول تشتغل فيها ودهبيكون 30%، أما الجزء التالت فبيكون ناس من برة مجالك اصلًا (اللى هم قريبين من مجالك)، ودول بتضيفهم عشان تكبر شبكة علاقاتك، والجزء ده بيكون الـ20% الباقيين.
9- عدد الـConnections اللي عندك شيء مهم جدًا في تقييم الأكونت بتاعك، وفيه كذا حاجة تقدر تعملهم عشان تكبر الشبكة بتاعتك:
- تقدر تضيف الناس اللي درست في نفس الكلية اللي انت درست فيها عن طريق Tab في الموقع اسمه Find Alumni بيطلعلك كل الناس اللي درسوا معاك.
- انشر الاكونت بتاعك علي اكونت فيسبوك وتويتر وأي شبكة تانية انت مشترك فيها.
- الموقع كمان بيوفرلك امكانية انك تضيف الناس اللي عندك ع الميل.
- شارك في الجروبات اللي انت مشترك فيها، اكتب Posts وعلّق علي موضوعات الناس، الناس هتاخد بالها انك موجود.
10- فيه جزء في الاكونت عن الـSkills بتاعتك، او المهارات اللي انت شافها في نفسك. في الجزء شوف انت بتعرف تعمل ايه وحطه، بس بلاش تبقى Over عشان الحاجات دي بتبان.
11- لو خدت كورسات قبل كدة ضيفها في الاكونت في الجزء الخاص بيها.
12- لو ليك خبراتك تطوعية ضيفها في الأكونت، في شركات كتير بيهمها الموضوع ده.
13- فيه جزء في الأكونت اسمه Recommendations، تقدر بكل شياكة كدة تطلب من زمايلك ومديرينك اللي اشتغلت معاهم قبل كدة يعملولك Recommend، ده هيزود تقل الأكونت بتاعك.
14- أخيرًا، لينكدان مش زي فيسبوك، بلاش الـPosts الهزار او الدينيه والجو بتاع فيسبوك ده الا لو بتوصل معلومة بطريقة معينة ، خليك Professional
لا علاقة بمميزات LinkedIn بتوسيع شبكتك و استكمال ملفك الشخصي. إنه مجموعة المقاييس التي تمنحها لك LinkedIn حتى يمكنك قياس تأثير نشاطك و التحقّق من كيفية نمو علامتك التجارية الشخصية. فيما يلي المقاييس... (مشاركات: 0)
لينكدين هو موقع تواصل اجتماعي مصمم خصيصًا لمجتمع الأعمال. الهدف من الموقع هو السماح للأعضاء المسجلين بإنشاء وتوثيق شبكات الأشخاص الذين يعرفونهم ويثقون بهم بشكل احترافي.
صفحة الملف الشخصي لأعضاء... (مشاركات: 0)
يعتبر لينكدين هو أكبر منصة للشبكات الإحترافية في العالم. كما أنه واحد من شبكات التواصل الاجتماعي الأكثر تأثيرًا، مع أكثر من 575 مليون عضو في عام 2018. وهناك الكثير من العملاء المحتملين!
يستخدم... (مشاركات: 0)
لو انت مشغول أغلب الوقت أو بتقضي وقت كبير فى المواصلات ومبتلاقيش وقت للقراءة فأفضل خيار ليك هو الكتب المسموعة.
ميزة الكتب دي انك تقدر تسمع للكتب فى أي وقت(خصوصا فى المواصلات) بعيدا عن المؤثرات... (مشاركات: 1)
دورة تدريبية اونلاين تساعدك على اكتساب المهارات والخبرات اللازمة لعملية تقييم الاداء بالاضافة الى التعرف على التطبيقات العملية المستخدمة في تقييم أداء العاملين، وتحليل اسباب انخفاض الاداء وكيفية الاستفادة من مستويات الاداء المتميزة
كورس تدريبي يهدف الى تعريف المشاركين بالمبادئ الاساسية لآداب المراسم والتشريفات والبروتوكول والاتيكيت والتدريب على التعامل مع المواقف المختلفة للإلمام بقواعد المجاملات وكيفية التعامل مع كبار الشخصيات
كورس تدريبي مكثف يستهدف شرح تأثير الاغذية على الصحة النفسية وكيف يمكن تجنب الاضرابات النفسية التي تسببها أنماط التغذية الخاطئة
تغطي دورة مهندس الجودة المعتمد كافة أسس ومباديء نظام إدارة الجودة طبقًا للمواصفة القياسيةISO 9001/2015 ، كما تتناول شرح البنية التحتية لمنظومة الجودة، وكيفية استخدام أدوات رقابة الجودة، والتعرف على مؤشرات الأداء الرئيسية ومنهجيات تحسين نظم وعمليات الجودة، بالإضافة إلى المراجعات الداخلية طبقًا للمواصفات الدولية ISO 19011/2018.
برنامج تدريبي يشرح مفاهيم اختبار الاختراق واكتشاف الثغرات الأمنية في النظام أو التطبيق وتحليل الثغرات وتقييم خطورتها وتطبيق اختبار الاختراق للتطبيقات الويب وقواعد البيانات والشبكات والأجهزة ومنع استغلال الثغرات للوصول إلى المعلومات أو السيطرة على النظام وأمن التطبيقات واختبارها والامتثال للأخلاقيات والقوانين في مجال اختبار الاختراق