١- وقت الشغل للشغل ووقت البيت للبيت وادي للشغل حقه قوي وادي للبيت حقه قوي
٢- تليفونك في الاجازه مش للشغل دا ليك انت
٣- لما حد يكلمك في وقت مش شغل لازم يعرف أنه بيتجاوز في حقك عشان كدا مهم تحط قواعد وتعرفها للناس أمته بتحب تتكلم في الشغل وأمته مبتحبش " عشان في ناس بتفتكر أن دا حق مكتسب ليهم يكلمك اي وقت " إلا لو كنت مسؤل عن حياه ناس أو مسؤوليه ملهاش بديل وهنا يجي حاجه اسمها "مكالمات الطواريء "
٤- اعمل وقت للفصلان .. دا بقا وقت لا في شغل ولا في صحاب ولا في اي حد دا وقت لنفسك انت بس مش لحد تاني
٥- لما تقعد مع صحابك أو اهلك انسي الشغل ومتتكلمش فيه
٦- متأجلش شغل مهم وتطلع الاجازه عشان متبقاش دماغك مشغوله بيه
٧- قضي وقت اجازتك في اي حاجه بتبسطك عشان كدا اكتب مع نفسك اكتر ١٠ حاجات بتبسطك عشان تبقا مخطط ازاي تتبسط زي ما بتخطط ازاي تشتغل
٨- احترم حياه الناس زمايلك أو مديرك الشخصيه عشان هو كمان يعمل كدا معاك ويحترم حياتك ووقتك
٩- خلي الناس دائما عارفين أمته في حاله الطواريء يلاقوك أما يحتاجوا ليك
١٠- تليفون الشغل حاجه وتليفونك الشخصي حاجه تانيه عشان لما تعوز تفصل تعرف تفصل
١١ - الميل بيتفتح وقت الشغل وممكن تعمل نص ساعه يوميا في الاجازه لو مهم تبص علي الميل عشان تكون متابع ومتردش علي ايميلات الا اللي لازم بترد عليها في وقتها ومفيهاش تأخير
رد مع اقتباس