الموضوع: إزاي تختار اسم جذاب لمشروعك الجديد؟

أول حاجة بيشوفها العميل في منتجك هو الاسم اللي بيعكس هدف ورؤية بتاعت شركتك ,وديه من أصعب الخطوات وعامل أساسي في نجاح مشروعك.


هنقولك معايير هتساعدك للوصول لأفضل اسم لمشروعك لكن الابتكار مهم عشان اسم مشروعك يكون مميز، هى:


1-البساطة:
اختار اسم سهل النطق والفهم ومايكونش طويل.


2-سهل التذكر:
من أهم المعايير اللي تضمنلك انتشار سريع، انه يكون اسم شركتك سهل النطق وبالتالي سهل التذكر ومبتكر، علشان يعلق في أذهان العملاء.


3-اسم ليه قصة:
أول سؤال بيتطرح على صاحب المشروع: ليه اخترت الاسم ده؟ حاول تختار اسم ليه قصة شيقة، علشان لما تحكيها توصل للعملاء ويرتطبوا أكتر بيك وبالمنتج.


4-الاسم يكون انعكاس لهوية الشركة:
لازم تاخد وقت وتحدد هوية شركتك ورؤيتها وتختار اسم يعبر عنها ويعكس الميزة اللي بتقدمها.


5-شكل اسم الشركة:
بعد ما تختار اسم الشركة ,جرب شكل الاسم والألوان اللي هتكتبه بيها ,لأن الشكل لو مش جذاب ممكن يخليك تعيد النظر في الاسم.


6- الاختبار:
يعني تختبر الاسم مع بعض العملاء المحتملين أو الأصحاب، وتشوف انطباعهم عنه علشان تأكيد إنك ماشي صح.
طيب إزاي نطبقها بشكل عملي عشان نوصل للاسم المنتظر؟:


-1حاول تركز على طبيعة الخدمة أو المنتج إلي بتقدمه، وتستوحي منه الاسم.


2- ممكن تستخدم كلمتين متضادتين، أو تدمج بين الكلمات.


3- سؤال الأصدقاء أو العملاء المحتملين عن مقترحاتهم بيساعدك تختار الاسم الأنسب.