الموضوع: نصائح هامة جدا لكل الموظفين

مهم اوي انك في الشغل:


- تخليك دايما عينك علي هدفك، يعني انت رايح تتعلم عشان يبقي ليك كاريير كويس، فده معناه انك تنسي كل المعارك الجانبية اللي ممكن تظهر قدامك.
- اتعلم اي حاجة، حتي لو كانت صعبة، كل دي خبرة بتتضافلك، و اسعي انك تاخد اي Task ممكن تعلمك حاجة جديدة.
- اهتم بال Microsoft Office و اتعلم اكسل كويس
- قول حاضر و نعم و بلاش تصغر دماغك علي حاجات تافهة ممكن تاثر عليك في المكان، و افتكر ان اي حاجة مهما كانت مرحلة و هتعدي.
- ابعد عن الناس المحبِطين و المحبَطين، لانهم شايفين نص الكوب الفاضي.
- عادي انك تغلط في الشغل في الاول، بس اللي مش عادي انك تكرر نفس الغلطة كتير، اتعلم من اخطائك و طور نفسك.
- اشتغل بكل طاقتك عشان تعرف انت فين، و حط تحديات لنفسك، عشان تزود خبرتك و فرصك في الترقي او انك تروح مكان تاني افضل.
- اعمل علاقات كويسة مع زمايلك و خليك كويس مع كل الناس، اكسب كل الناس، انت بتقضي هناك وقت اكتر بكتير من اللي بتقضيه في بيتك مع اهلك.
- ابتسم دائما في وشوش الناس، الابتسامه فعلا بتفرق و متتكلمش ابدا عن حد بطريقة وحشة.
- لازم لازم تطور معرفتك و خبرتك في الشغل. بكورسات، و شهادات لانها بتفرق في سعرك في السوق.
- اعمل مقابلات توظيف وقت ما تتاح ليك الفرصة عشان تفضل دايما جاهز و تعرف انت فين في سوق العمل و سعرك كام، و تقدر تقدَّر نفسك.