الموضوع: ناخد الدبلومة ولا ما نخدهااااااااااااااااااااا ااااااااش

السلام عليكم ورحمة الله وبركاته
انا دلوقتى ممكن ادخل اخد الدبلومة بتاعت ال HR اللى فالجامعة الامريكية بس السؤال هنا هل بعد ماناخدها من السهل نلاقى شغل ولا زيها زى قلتها ؟؟؟؟؟
دى ب 16.000 جنيه يعنى مش شوية
يااااااااااااااااااااااجد عااااااااااااااااان فيدونا

الأستاذ رامي/
لو معاك الـ 16.000 جنيه ده مش معناه إنك تقدر تدرس دبلومة الموارد البشرية بالجامعة الأمريكية لسببين:
1- الدبلومة 3 فصول دراسية كل فصل بـ 5.500 جنيه ، يعني الدبلومة بـ 16.500 جنيه مش 16.000 جنيه.
2- قبل أي كلام عن الدبلومة لازم تدخل إختبار تحديد مستوى اللغة الإنجليزية اللي لازم تجيب فيه 70% على أقل تقدير أ، يكون معاك TOEFL بحد أدني 550 نقطة.
* على فكرة إختبار تحديد المستوى مش بيفرق أد كده عن الـ TOEFL من حيث الصعوبة والشمول للمهارات الأساسية واللازمة والواجب توافرها فيك.
أما بخصوص مدى جدية دراسة دبلومة الموارد البشرية من الجامعة الأمريكية فمقولكش حيكون ليها مفعول أد إيه على التدرج في المسار الوظيفي الخاص بيك وفرص النمو في المراكز الوظيفية وما يعادله من رقي في المكانة الأدبية وإستقرار في المركز المالي ، خاصة إننا هنا بنتكلم عن الجامعة الأمريكية في مصر وكأننا بنتكلم عن هارفارد أو يال في أمريكا (أحسن مكان في مصر) بالرغم من إنك أثناء تعاملك معاهم حتكتشف إنهم عندهم خلل كبير جدا في الإدارة وتخلف إدارى على مستوى أكبر من معظم الجامعات والمعاهد المصرية ، لكن للأسف حتلاقى نفسك مضطر تاخد الدبلومة دي من عندهم هم بالذات علشان إسم الجامعة الأمريكية حيفتح الطريق ليك في سوق العمل المحلى والعالمي.
أتمنى أكون وصلت الصورة بشكل صحيح وبموضوعية.