الموضوع: أنت الذى تقرر النجاح والفشل لا أحد غيرك
أنت الذى تقرر النجاح والفشل لا أحد غيرك
حسيت مرة بالإحباط؟
هل قلت لنفسك مرة إنك جربت كل الطرق الممكنة عشان توصل لحاجه معينة ، وفشلت في كل مرة .. وده خلاك تشعر باليأس وتقف عن المحاولة ؟
ناس كتير مننا بيجربوا الفشل .. ولما ده يتكرر بيعتقدوا إنه مؤشر انهم غير ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن يتوقفوا تماما عن المحاولة .. ويرضوا بالأمر الواقع
إيه الموضوع ده بقى ؟
طيب . عشان نعرف إيه الحكاية تعالوا نعرف إيه هو النجاح بالضبط ؟؟؟
ناخدها واحدة واحدة .. ونحسبها بالعقل
ما النجاح ؟
فيه تعريفات كتير للنجاح.. لكن التعريف اللي أقنعني فعلا هو (النجاح هو القدرة على الانتقال من فشل إلى فشل دون أن تفقد حماسك) "ونستون تشرشل"
خدت بالك من المقولة دي ؟
لو قرأت قصص الناجحين في أي مجال هتكتشف حاجة غريبة قوي.. هتلاحظ إن أي شخص ناجح في أي مجال مر بسلسلة من الفشل في بداية مشواره.. لكنه كمل محاولاته لحد ما وصل للنجاح اللي وصل له ..
يعني الفرق بين الناجح والفاشل هو إن الفاشل توقف عن المحاولة وشعر باليأس .. لكن الناجحين مابيعرفوش الشعور ده
ناخد مثال على الموضوع ده
"توماس أديسون" والمصباح الكهربائي
كتير من الناس بيعتبروا "توماس أديسون" من أكثر العلماء اللي أثروا في حياتنا باختراعاتهم ,وانا اولهم .. لأن ماحدش فينا يقدر يتخيل الحياة من غير المصباح الكهربائي..
توماس أديسون" يعتبر فعلا من أهم العلماء في تاريخ الإنسانية وله أكثر من براءة اختراع ..
لكن تعرف بقى أنه مر بسلسلة متتاليه من الفشل قبل اختراع المصباح الكهربائي ؟
حاول "توماس أديسون" وأجرى العديد من التجارب لأنه كان يؤمن بفكرته.. فكرة إنه يخترع حاجة بتنور
وتكررت تجاربه الفاشلة حتى وصلت إلى 9999 تجربة.. تخيل !! ؟؟
وفي حديث مع وسائل الإعلام سأله أحدهم: "سيد أديسون.. لقد فشلت 9999 مرة،
إنت فاشل عالمي.. لماذا لا تتوقف عن هذه التجارب الفاشلة ؟
عارفين كان رده إيه ؟؟
قال "توماس أديسون": (الفاشلون هم أناس لم يعرفوا كم كانوا قريبين من النجاح حين توقفوا!!) رائع جدا ( من وجهة نظري )
يعني لما تجرب كل الطرق الممكنة عشان توصل لهدفك .. قبل ما تشعر باليأس وتتوقف اعرف إنك قربت جدا من هدفك .. ممكن تكتشف إنك وقفت قبل ما توصل لهدفك بخطوة .. وبتحصل فعلا عند كتير من الناس .. بس هم مش بياخدوا بالهم
هاقولك حاجة صغيرة.. فيه حكيم صيني قال: (حينما ينغلق أمامك باب الأمل.. لا تتوقف لتبكي أمامه طويلا.. لأنه في هذه اللحظة انفتح خلفك ألف باب ينتظرون أن تلتفت لهم
لما تلاقي نفسك يئست اعرف إن نجاحك قرب .. لما تلاقي فشلك اتكرر اعرف إنه مش فشل .. بل تجارب هتسفيد منها في المرة القادمة عشان توصل لهدفك.. جرب بنفسك
هاقول لك حاجة تجربها .. وأنا جربتها قبل منك: اقعد في مكان هادي وغمض عينيك.. متنامش طبعا فكر في فشل حصل لك في أي موقف في مواقف حياتك ..
فكر بينك وبين نفسك : هل لو حصل لك دلوقتي (في الزمن الحالي) نفس الموقف.. هتتصرف بنفس الطريقة ولا لا ؟؟
أكيد لأ.. مش كده ؟ عارف ليه ؟
عشان التجربة دي علمتك وخلتك أقوى وأكثر خبرة .. تبقى مش فشل ..!
أيوه .. هي دي الحقيقة .. لو عايز تشوف نفسك فاشل هتشوف نفسك فاشل فعلا.. إنما لو عايز تستفيد من كل المواقف اللي حسيت إنك فشلت فيها.. هتلاقي جانب مضيء ماكنتش واخد بالك منه وعلى طول بص لنصف الكوب المليان مش الفاضى .. وهتستفيد من تجارب حياتك بدل ما تخليها تضرك..
الخلاصـــــــــــــــــــ ــة مافيش حاجة اسمها فشل ..
فيه حاجة اسمها تجارب اتعلمنا منها، وهتخلينا نمشي في الطريق الصح .. ومانغلطش نفس الأخطاء بتاعتنا..
ماتخليش أي حاجة تخليك تقف عن المحاولة .. التجارب غير الناجحة دي مجرد خبرات اتعلمنا منها ازاي نكون أفضل .. خليها حافز للاستمرار مش مبرر للتوقف عن المحاولة... ممكن تكون قربت جدا وفاضل لك خطوة .. لكن الإحباط خلاك تقف قبل هدفك بسنتيمترات !
حاولت تحقق هدفك وجربت أكتر من مرة لحد ما يئست ؟
دورت على وظيفة ومالاقتش، فوقفت عن المحاولة ؟
كان لك حلم وبطلت تسعى ليه، لأن حد أقنعك إن مافيش فايدة ؟
كتير من التعليقات اللي هتقول إن مافيش فايدة ومافيش أمل والكلام اللي اتبرمجنا عليه ..
ماتسمعش الكلام ده وخليك ماشي في طريق نجاحك..
في كلمة متواضعة منى بحب أقولها على طول
كــــن إيجــــابـي ... تعــش إيجــابـي
الناجحين أقل من الفاشلين .. لأن النجاح صعب مش عشان أي حاجة تانية .. اللي يقول لك إن مافيش فايدة، اعرف إنه مستسلم ومش عايز يبقى من القلة الناجحة في الحياة.. لأن الناجحين مابيعرفوش الكلمة دي ..
معظم الناجحين في مصر أو غيرها .. كانت الظروف ضدهم وفشلوا كتير (فكر في الأمثلة اللي تخطر على بالك) .. لكنهم ماستسلموش ..
أبسطها أوي ...... إنت بقيت كدة إزاي ؟
أكيد إنت وقعت قبل كدة واتعلمت وقومت تاني وجربت من غير ما تقع لحد ما بقيت كدة عشان إنت لو إنت مستسلم أصلاً كان زمانك ميت أصلا من أول وقعه
ابسطها ... واحنا عيال صغيرة وقعنا كتييير وحنا بنجرى بنلعب .. مش كدة ؟ طب انت واقف على رجليك دلوقتي إزاي .. ؟؟
لو انت بقى لما وقعت وانت صغير واستسلمت .. كان بقى حالك حاله تانية خالص صح ولا لا ...؟
خلى ضميرك هو اللى يجاوب
هو ده الفرق ..
لو المستسلمين دول أحبطوك وحسسوك إن النجاح مستحيل .. يبقى ارجع تانى لكلامي دة واقراه تاني .. عشان أنا عارف إنك هتكون نسيته
وخليك فاكر "" احنا بنعيش في الدنيا دي حياة واحدة بس .. خليها تبقى أفضل حياة ممكنة ""
وانت اللي في إيدك تقرر
يا تكون نــــــاجـح
يا تكون ..........
مش حد غيرك
رد: أنت الذى تقرر النجاح والفشل لا أحد غيرك
جزاكي الله خيرا..................
رد: أنت الذى تقرر النجاح والفشل لا أحد غيرك
شكرا لك.................................
السلام عليكم ورحمة الله وبركاته
القواعد أو القوانين المصاغة في عبارات
ننصح بأنيرددهاالفرد لنفسهليعدل بها حواره الذاتي ..
... (مشاركات: 12)
بسم الله الرحمن الرحيم
ماهو شعورك عندما لايرد احد على موضوعك !! (ارجو المشاركة من الجميع)
وهو ليس موجه لاحد بعينه ولكن اعتقد انكم تشاركوننى الراى بانهاااا ظااااهره
موجوده
وان الردود وتشجيع... (مشاركات: 19)
في المرفقات ملف بعنوان
النجاح والفشل في ادارة الجودة الشاملة
ملف رائع برجاء الإطلاع عليه (مشاركات: 5)
.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Tahoma;} مر ثلاثه من الدعاه الى دين الله الإسلام بقوم كانوا يعبدون النار والعياذ بالله فدعوا... (مشاركات: 7)
كل منّا يمارس الإدارة في أي موقع كان وفي أي مجال يعمل حتى البيت الذي نعيش فيه ونقضي فيه أجمل أوقات الراحة والاستقرار بحاجة إلى إدارة حتى نتمكن أن نحصل على ساعات الاستمتاع المطلوبة.
ولا زالت الإدارة... (مشاركات: 0)
برنامج يتناول موضوعات التعرف على هوية العملاء (KYC) ويشرح إجراءات مكافحة غسل الأموال (AML) وتمويل مكافحة الإرهاب (CTF) وكذلك يشرح التحقيقات المتقدمة في مكافحة غسيل الأموال ويبين العقوبات والحظر الدولي وإدارة الامتثال التنظيمي وكيفية تطوير أنظمة مكافحة غسيل الأموال والامتثال الخاصة بك
برنامج تدريبي يتناول الانظمة الحديثة للمشتريات واسس لائحة عقود المشتريات والمناقصات ومراحل عملية المناقصة وخطوات تنفيذ المناقصات ومرحلة الترسية وقرارات وأعمال لجنة الترسية
برنامج تدريبي يشرح استخدامات الذكاء الاصطناعي في تحليل البيانات المالية واتخاذ قرارات التمويل والاستثمار ولمعرفة اتجاهات الاقتصاد والاسواق المالية وتحسين اداء المحافظ المالية وادارة المخاطر
برنامج تدريبي يشرح نطاق سريان الضريبة على الراتب وما في حكمه وسعرها و تحديد الإيرادات الداخلة في وعاء الضريبة والإعفاءات والمبالغ المستبعدة عند تحديد وعاء الضريبة وإلتزامات أصحاب الأعمال وإلتزامات العامل ونماذج وتطبيقات عملية.
برنامج يتناول موضوعات الجوانب القانونية واللوائح الحاكمة للعمل فى المنشات الرياضية والمبادىء العامة ومراحل التخطيط والتصميم للمنشات الرياضية والمواصفات الفنية فى تصميم المنشات الرياضية وأسس ومعايير تصميم المنشات الرياضية المختلفة ( الملاعب المفتوحة – الصالات المغطاة ) وعمليات التشغيل الداخلية ورفع الكفاءة التشغيلية للمنشات الرياضية وإدارة المخاطر التشغيلية فى المنشات الرياضية والاجراءات الوقائية التشغيلية للحد من الازمات وعمليات الاخلاء فى المنشات الرياضية وأسس عمليات الصيانة الدورية والوقائية للمنشات الرياضية