الموضوع: المجموعة المصرية للمحاسبة والمراجعة

المجموعة المصرية للمحاسبة والمراجعة

تتدعوكم للتواصل معها

خلصت دراستك

فكرت هتعمل اية بعد كدة - اكيد عاوز تشتغل

طيب اية هي مهاراتك – عندك خبرة عملية

فكرت تقدم في وظيفة – عارف الانترفيو هيكون شكلة اية

عندك فكرة عن الاسئلة اللي ممكن تتسألها

ياتري انت اساسا مؤهل للعمل

كل دي اسئلة طبيعي جدا إن ذهنك يطرحها عليك

والاجابة هنا عندنا في المجموعة المصرية للمحاسبة والمراجعة

احنا مش مجرد مجموعة للتدريب وبس

لأ احنا بندربك ونؤهلك بشكل عملي ومرئي

علي جميع تخصصات المحاسبة

وكمان عندنا برنامج المحاسب الشامل للطلبة والخريجين دبلومة المحاسب الشامل

هيقوم بتدريبك محاسب قانوني علي محاسبة بالدفاترومحاسبة الكترونية برامج جاهزة

كيفية عمل القيد بالدفاتر المحاسبية (يومية عامة ويومية امريكية)والتدريب علي برنامج الاكسل.
تكلفة الدورة 300 مع امكانية تقسيطها علي دفعات بدفعة الحجز50.
·التكلفة شاملة CD معاير المحاسبة المصرية ، قانون الضرائب الجديد ، القاموس التجاري عربي و E و برنامج PEACHTREE
·تحصل في نهاية التدريب على شهادتين الاولى شهادة خبرةلمدة سنتين مختومة بختم المحاسب القانوني وامكانية التوثيق من النقابة التجارية او وزارة الخارجية والثانية شهادة اتمام التدريب دفتري وكمبيوتر- مع فرصة للترشيح للشركات الكبري .
للحجز والاستعلام/

22729249_0111943114

فرع مدينة نصر:61ش.مصطفي النحاس امام ماكدونالدز

فرع مصرالجديدة:17ش.منشية البكري_متفرع من شارع المقريزي

فرع الهرم:16ش.جمال الدين الافغاني_ومبي

سلامي لاستاذ احمد مختار فرع الهرم وعاوزة اعرف مواعيده ايه عشان اجي اسلم عليكم واشكركم بس ياريت يبقي يوم اجازتي من البنك؟؟

ميرسى على الخدمات دى بس انا بناشدكم فعلا انكم تحاولوا تطوروا من المحاضرين لانهم دايما بيشرحوا بنفس الاسلوب مفيش تجدد ولا فى شرح عملي مستمر بس انا فعلا متشكره ليكو على اى حال بس للاسف انى مش استفد كتير من عندكو ياريت تحاولوا تطوروا من نفسكم ومن المحاضرين انا اخدت ترننج فى مكان تانى بس بصراحه استفد منه كتيررررر جدا اكثر من عندكو بس بردوا ميرسى ليكو على المحاوله بس اناا شايفه انه خدماتكم بردوا مش اد كده ياريت تحاولو تفيدوا الناس اكتر لانى بصراحه مش استفد من عندكو

انا فعلا معاكى يا ملكه فعلا على ما اعتقد انى المجموعه المصريه مش تخصص محاسبه بس اهو هما بيحاولوا يبقوا للاحسن ميرسى على المحاوله بس ياريت تصدقوا فى كلامكو لانى انا اخد ترننج عندكو ووعدتونا بالتوظيف ومفيش اى حاجه من دى حصلت وانتو بتاخدو فلووس بس على الفاضى من غير اى نتيجه وفعلا انتو نظامكو قديم اووى وفعلا بتاخدو فلوس على الفاضى ولا بتوظفونا ولا اى حاجه وده اكتشفت انه مش راي انا لوحدى ده كل اصحابى اللى كانو معايا فى الجروب ولا استفادو من عندكو ولا اتوظفوا وبعدين اسلوبكو زى ما ملكه قالت انه قديم جدا ومفيش اى حاجه عملى وسورى ده رائي

اهو زي ماقلت انتو فعلا حملة تشويه ليس الا
لا حول ولا قوة الا بالله
يا مونيكا انا متاكده وواثقه من المكان ده لكن انتم ايا كان مركز او شركوة ايه مش واثقين في نفسكم عشان كده بتهاجمو غيركم
ربنا يسامحكم فعلا لاني انا شخصيا وليا 3 من زمايلي عمرنا ما اشتكينا من المجموعه واعرف كويس انهم بيوظفو ومش بيضحكو ع حد

السلام عليكم و رحمة الله و بركاته
احب ابلغ الاعضاء اللى معترضين على المجموعه المصرية الاخت ملكة زمانى بتقول ان المجموعه لازم تطور من المحاضرين لانها مستفدتش منهم و معنى كلامها انها حضرت مع اكتر من واحد يعنى اكتر من تدريب و مفيش حد بياخد اكتر من تدريب فى مكان واحد و المكان مش عاجبه و بتقول ان مفيش تدريب عملى اسمحلى اقول للاخت الفاضله انها اصلا محضرتش تدريب و لا حاجه طالما قالت الكلمه ديه لانه فعلا فيه تدريب عملى دفترى و كمبيوتر و فى النهايه اختبار للكوس اللى اتاخد كامل و اعتقد بالنسبه ليها لما تقول تطوير المحاضرين ان لما اللى يديك المحاضره محاسب قانونى يحمل رساله الماجيستير يبقا فعلا المجموعه مطوره من محاضرينها و مش محتاجه تطوير و قالت انها اخدت فى مكان تانى تدريب و استفادت منه كتيييييير طبعا دى شئ يفرح جدا انها استفادت بس ياريت تكون اتدربت تحت ايد محاسب قانونى و مكتب محاسبه فى الاصل و ليس مكتب تدريب و المجموعه المصرية تحت امر الاستاذه ملكة الزمان كله فى اى شئ و الله الموفق

بالنسبه للاخت مونيكا انها بتقول ان المجموعه المصرية مش تخصص المحاسبه مفهومه ايه عند حضرتك هل مفهومه واحد عارف محاسبه يجى يشرح و لا مكان تدريب و جايب محاضرين و لا مكتب محاسبه فى الاصل و فى نفس الوقت بيدى تدريب؟ اعتقد انتى هتعرفى الاجابه لوحدك و كمان حضرتك بتقولى ان مفيش توظيف ياريت تسالى المجموعه عن اخر شهرين بس فاتو كام واحد اتوظف من (المتميزين ) و كمان اطلبى ارقام تليفوناتهم و هما مش هيتاخرو عنك و الاخت بتقول ان نظام المجموعه قديييييييم اوى هوا فعلا المجموعه قديييييييمه اوى فى التدريب بقالها 17 سنه بس و اول عملت التدريب فى مصر و الفلوس اللى بتتاخد على الفاضى ديه هيا تمن الكورس اللى حضرتك بتاخديه و تمن المحاضر و تمن الشهاده اللى حضرتك بتاخديها و تمن شهادة الخبره و الماده العلميه و لو الحاجات ديه كلها بالنسبه لحضرتك فلوس على الفاضى ياريت اتكرم و اجى اخد فى مكان حضرتك تعرفيه كورس بيدى الحاجات ديه كلها ببلاش و استئذن حضرتك تبلغى اصحابك اللى على الجروب اللى موافقينك فى الكلام دا كله و تقوليلهم ارقام التليفونات موجوده و لو فيه فعلا شكوى من اى نوع يبلغو المجموعه فورا لان المستفاد الاول و الاخير من الشكوى هيا المجموعه مش العميل لانها بتظهر العيوب و بتضطرهم يعالجوا اى تلفيات علميه او عمليه ربنا يوفقك اخت مونكا