الموضوع: طلب استخراج شهادة تأمين

السلام عليكم ورحمة الله وبركاته

انا لسه موظف جديد فى الموارد البشرية ومحتاج مساعدتكم يااخوة ربنا يكرمكم.

انهاردة الصبح مديري اداني نموذج طلب استخراج شهادة تأمين فاضي (مرفق) ومعاه رخصه السيارة وقالى خلص الموضوع ده.
وانا مش عارف اعمل فيه ايه ولا ايه اجراءاته... فممكن حد يوجهني اعمل ايه

جزاكم الله كل خير

وعليكم السلام ورحمة الله وبركاته
اولا لازم تفهم علشان تعرف تنفذ بعد كده الخطوات بنفسك
الموضوع سهل باءذن الله
ده طلب استخراج شهاد تأمينات اللى هو دارج عندنا باسم مؤسسة . بنستخدمه فى ايه ؟ ده محرر رسمى ان المنشأة لها ملف تأمينى وان السواق اللى عليها متأمن عليه علشان يجددوا رخصة السيارة .
هاتحتاج ايه يا بطل .
طلب , صورة لشهادة السنة اللى فاتت , صورة رخصة السائق (لازم يكون متأمن عليه )
(فى مكتب التأمينات ) هاتجيب برنت للسائق علشان الموظف يتأكد انه متأمن عليه هاترفقه بالورق اللى معاك وتقدمه للموظف المختص هايديك مؤسسسة جديدة (شهادة تأمينات ) مختومة بختم النسر تقريبا ب7 جنيه
هاتاخدها تصورها علشان السنة اللى جاية فى التجديد وتعينها فى ملف السيارات وتدي الاصل للموظف اللى عندكم المختص بتراخيص المرور ... وشكرا

جزاك الله خيرا ... شكرا جزيلا على النموذج المرفق