1- قدم نفسك ليهم:
متستناش حد يجي يتعرف عليك ويقولك أنت مين! أول لما تمسك شغل إبدأ علي طول إتعرف علي الناس اللي أنت شغال معاهم وقدم نفسك ليهم (إسمك والوظيفة بتاعتك)
وخليك مبتسم ‏‎
، وحاول تحافظ علي العلاقة معاهم لأنهم هما اللي هيدوك روح تكمل في الوظيفة بتاعتك، إبعد عن الإنطوائية خالص وخليك إجتماعي أنت مش شغال مع نفسك ‏‎




2- إعرف أسلوب التعامل في الشغل:
إسأل وإعرف أسلوب التعامل في الشغل عامل إزاي يعني مثلاً لو إحتجت لزميل ليك في المكتب هتنادي عليه عادي ‏‎
ولا لازم تروحله لحد المكتب علي طول
، التفاصيل الصغيرة دي مهمه جدا وهتساعدك تتعامل بمهنية عالية داخل الشغل ‏‎




3- خليك ودود وخدوم:
لو شوفت حد محتاج مساعدة في الشغل متستناش يطلب منك المساعدة حاول تعرض عليه مساعدتك طالما أنت قادر علي ده^_^ ، وكمان حاول مترفضش أي شغل زيادة يتعرض عليك وهي بالمناسبة سلاح ذو حدين ممكن تبقي كويسة وممكن تبقي قمة الإزعاج 　
وده علي حسب سياسة الشغل فخليك حذر وانت بتقبل أي مهمة زيادة ‏‎
.


4- إتجنب الإلحاح:
الإهتمام الزيادة بيقلب بنتيجة عكسية تماما ما بالك بقي بالإلحاح ‏‎
، الراحة النفسية هي اللي بتخلق إندماج وغالبا بتاخد وقت.


5- لاحظ سلوكيات زمايلك في الشغل:
في بداية قبولك للوظيفة حاول تفهم ثقافة المكان اللي أنت شغال فيه وده هتعرفه من خلال ملاحظتك لسلوكيات الأشخاص اللي شغالين معاك وده من أسلوبهم في التعامل مع بعضهم
وبالتالي ده هيساعدك في التعامل معاهم.


6- إعزم زمايلك وإتكلم معاهم:
علي سبيل المثال حاول تستغل وقت الفطار أو الغدا وتعزمه ياكل معاك وتدردشوا مع بعض ‏‎
.. ولما تيجي تتكلم معاه ياريت تخليه يتكلم في إهتماماته وأنت خليك مستمع كويس ليه
“أي شخص بيحب يتكلم عن نفسه” وده هيساعدك في تقوية العلاقة ما بينكم وهتتحول من رسمية لصحوبية ‏‎




7- إتعلم من اللي أقدم منك:
أهم حاجة متعطلهمش
وإختار الوقت المناسب اللي تسأل فيه عشان تقدر تستفيد منهم وفي نفس الوقت تتعرف عليهم.


8- خليك مرن:
خليك مرن مع كل حاجة بتخص شغلك سواء في التعامل مع الشخصيات المختلفة اللي شغالين معاك، أو في مهام الوظيفة بتاعتك، والأهم إنك تعرف تتأقلم مع كل الظروف اللي هتقابلك