النتائج 1 إلى 1 من 1

الموضوع: رئيس أكبر شركة فى العالم ضد رئيس أقوى دولة فى العالم

  1. #1
    نبذه عن الكاتب
     
    البلد
    الصومال
    مجال العمل
    أعمال ادارية
    المشاركات
    4,342

    رئيس أكبر شركة فى العالم ضد رئيس أقوى دولة فى العالم

    القصة بإختصار..
    هجوم ارهابي فى كاليفورنيا راح ضحيته 14 شخص فى منطقة اسمها سان برناردينو، احد الارهابيين لقوا معاه أيفون محمي بباسورد ومحمي بخاصية المسح التلقائي للبيانات فى حالة ادخال الباسورد غلط 10 مرات.


    ****************************


    الـ FBI كلموا أبل انها تساعدهم فى فتح الموبايل وتصنع باب خفي لمساعدتهم، أبل رفضت، وسمحت بس ببعض المعلومات الى ممكن تساعد الـ FBI فى التحقيق، راحوا رافعين قضية ضد أبل وكسبوها والمحكمة طلعت قرار فيما معناه ان على جميع الجهات مساعدة الـ FBI في اختراق الجهاز ووضع اَلية او نظام تشغيل جديد يسهل عملية الاختراق من جانب الـ FBI.


    ****************************


    أبل رفضت تاني وتيم كوك نزل بيان رسمي قال فيه ان عيب ع القضاء انه يصدر قرار زي ده وان حاجة زي دي بتهدد مصداقية الشركة امام عملائها، وقال كمان ان الهواتف الذكية عموماً بتحتوي على اهم البيانات الشخصية فى حياة اي شخص سواء صور او مذكرات او مواعيد او جهات اتصال او بيانات بنكية، وعملاء أبل بيلجئولها لحماية البيانات دي ونوع الخصوصية الى هي بتوفره ده، وبناءاً عليه لو أبل وضعت اَلية لاختراق خصوصية وامان الجهاز هيعرض كل عملاء الشركة للخطر، وقال كمان ان امكانية الوصول لبيانات اي جهاز مستحيل حتى لشركة أبل نفسها، وطالب تيم كوك الناس بانها تبقى فاهمة الى بيحصل ده وتدعمها وتساعدها فى قضيتها ضد الـ FBI، وقالت ان خطوة زي دي هتجبرها على التعامل بنفس الطريقة مع كل الحكومات فى العالم زي الحكومة الصينية مثلاً.


    ****************************


    ساندر بيتشاي المدير التنفيذي لشركة جوجل لما عرف الى حصل دعم فوراً موقف أبل ضد الـ FBI وقال ان قرار زي قرار المحكمة ده بيعرض المستخدمين كلهم للخطر.


    ****************************


    إدوارد سنودن وهو عميل سابق في الاستخبارات الأمريكية، وصف القضية دي بإنها أهم قضية خلال اَخر 10 سنوات، سنودن دلوقتى هارب علشان كان سرب معلومات عن برامج التجسس الي بتستخدمها الاستخبارات الأمريكية إلى الصحافة، سنودن دعم أبل وقال إن سخرية الموقف جعلت شركة أبل تبدو وكأنها هي الى بتدافع عن حقوق الناس ضد الـ FBI الى المفروض فى الاساس هي الجهة المعنية للدفاع عن خصوصيات الناس.


    ****************************


    جان كوم مؤسس الواتساب اتفق مع سنودن في دعمه لـ أبل، وقال على الجميع عدم السماح بحدوث الخطوة الخطيرة دي.


    ****************************


    بروس شناير واحد من أهم خبراء التشفير في العالم، حذر من أن السماح للـ FBI باختراق الجهاز هيفتح المجال امام الهاكرز لاختراق أجهزة المستخدمين وسرقة الصور والرسائل والمعلومات الشخصية منها.


    ****************************


    اَر جي اس جروب الى بيضم شركات زي AOL, Dropbox, Evernote, Facebook, Google, Apple, LinkedIn, Twitter, Yahoo دعموا أبل فى بيان رسمي وقالت ان مساعدة التحقيقات فى الاعمال الارهابية مهمة جدا بس شركات التقنية مش مطالبة انها تصنع باب خفي لنظام التأمين الى بتطبقه الشركات لمستخدميها وان ده تناقض فى حد ذاته.


    ****************************


    المرشحين للرئاسة الأمريكية كانوا لازم يدلوا بدلوهم طبعاً، دونالد ترامب قال لـ أبل انتي فاكرة نفسك مين ‏‎grin‎‏ رمز تعبيري وانها مش فوق القانون، واتفق معاه المرشح ماركو روبيو وقال ان أبل لازم تبقى شركة كويسة ولطيفة وتتعاون مع الـ FBI، وسيناتور طوم كوتون قال أن أبل كده بتحمي داعشي وانها أصبحت الخيار الاول للمجرمين والارهابيين والحرامية وتجار المخدرات.


    ****************************


    البيت الأبيض تدخل وأصدر بيان رسمي بيقول فيه ان المحكمة والـ FBI مطالبوش أبل انها تصنعلهم باب خفي علشان يخترقوا الايفون وانهم طلبوا منها يساعدوهم فى اختراق الجهاز ده بس وتعطيل خاصية مسح البيانات.


    ****************************


    تيم كوك رد على بيان البيت الأبيض وهاجم الرئيس اوباما مباشرة وقاله واضح انك لما دعيت كل خبراء التقنية الاسبوع الى فات لدعمهم كانت تمثيلية وان البيت الابيض يعاني من انعدام القيادة الحكيمة وطالب اوباما بإصدار بيان فوري لدعم أبل وللدفاع عن التشفيرات الغير قابلة للكسر.


    ****************************


    الي عايز يتابع المعركة المشتعلة دلوقتي بين شركات التقنية من جهة وبين حكومة الولايات المتحدة من جهة أخري .. بين التكنولوجيا وبين السياسة .. بين رئيس أكبر شركة فى العالم ضد رئيس أقوى دولة فى العالم .. موقع The Verge عامل بث حي لكل التفاصيل الجديدة والقديمة من خلال اللنك ده: http://goo.gl/vSyyGO
    وده لنك نص رسالة أبل لمستخدميها الي بتطلب فيها دعمهم: http://goo.gl/DF2Qpq

  2. الأعضاء الذين قالوا شكراً لـ أبو عبد العزيز على المشاركة المفيدة:

    ربيع جابر (19/2/2016)

موضوعات ذات علاقة
س. و ج. مع رؤساء ومؤسسي أكبر وأشهر شركات الإلكترونيات في العالم - جزء 1
الإخوة الكرام أعضاء المنتدى السلام عليكم ورحمة الله وبركاته أرفق لكم في هذه المشاركة والمشاركات التي تليها مجموعة من المقابلات مع رؤساء ومؤسسي أكبر وأشهر... (مشاركات: 33)

خوسيه موخيكا أفقر رئيس دولة في العالم
http://www.hrdiscussion.com/imgcache/13385.imgcache - - في الوقت الذي يرفض فيه رؤساء الدول الكشف عن رواتبهم ويطالبون بزيادتها رغم التسهيلات التي... (مشاركات: 1)

ماهو الفرق بين رئيس قسم موارد بشرية وقائم باعمال رئيس قسم موارد بشريه
السلام عليكم عيد مبارك ارجو افادتي بالفرق بين منصب رئيس قسم موارد بشريه وقائم باعمال رئيس قسم الموارد البشريه من كل الجوانب ولكم جزيل الشكر (مشاركات: 5)

أقوى سبع مقولات فى العالم
http://www.hrdiscussion.com/imgcache/10734.imgcache (مشاركات: 2)

أكبر راتب شهري في العالم
اكبر راتب شهري يتقاضاه شخص هو لرئيس مصرف Ubs السويسري مارسيل أوبسيل الذي بلغ راتبه الشهري 21.3 مليون فرنك (18.5 مليون دولار) يعني 66305133 درهم اماراتي... (مشاركات: 9)

أحدث المرفقات