الموضوع: خلاصة خبرة 15 سنة مقابلات وظيفية
خلاصة خبرة 15 سنة مقابلات وظيفية
بقالي ١٥ سنة باعمل interviews كتيرة وباعَيين شباب لسة متخرجين.
بشوف شباب كتير جداً أهاليهم صرفوا عليهم مئات الآلاف في تعليم جامعي وشهادات شكلها جامد وفي الآخر يطلع مالوش لازمة في الشغل وتانيين تعليمهم عادي ولكن الواحد منهم بعد سنتين يشيل شركات لوحده.
لو سألتوا أي حد بيعين عن طلباته حاتلاقوها صفات ثم مهارات وأخيراً شهادات.
الي وصلتله ان التعليم مش صرف فلوس على شهادات. بناء الشخصية هو الأهم.
علموا ولادكم يبقى عندهم رؤية مستقبلية وقدرة على التخطيط. علموهم يعرفوا ياخدوا قرارات كبيرة ويشيلوا المسئولية.
علموهم ان العلم وسيلة والشهادة قد تكون دليل على جودة العملية التعليمية ولكنها مش دايماً دليل على جودة صاحب الشهادة ومش هدف في حد ذاتها. فيه ناس بتقعد تتعلم طول عمرها خوفاً من مواجهة الحياة العملية.
علموهم يشتغلوا من صغرهم. يكسبوا ويخسروا ويتعبوا. لما يدخلوا الجامعة يشتغلوا ويصرفوا على نفسهم أو على الأقل يتحملوا جزء من مصاريفهم. دا غير مشاركتهم في مسئوليات البيت. فيه ناس وصلوا لسن الأربعين ومش عارفين يتحملوا المسئولية لإنهم ماتربوش عليها.
علموهم الفكر الريادي (Entrepreneurship). خلوهم يفكروا طول الوقت في تحسين كل حاجة حواليهم، يفكروا في مشاريع صغيرة ويبدأوا فيها. يحولوا أفكارهم بسرعة لمشروعات على أرض الواقع ومايعيشوش في الاحلام. ولو باظط يقوموا بسرعة ويحاولوا تاني.
علموهم ياخدوا قرارات. اشركوهم من طفولتهم في قرارات البيت وترتيب أولويات واحترموا رأيهم. شفت ناس في الشغل بيسألوا قبل ما يعملوا أي حاجة حتى لو الحاجة دي بيعملها بقالوا سنة. النوع دا مستقبله مسدود.
علموهم يقرروا مستقبلهم بعيد عن رأي الناس. مايدرسش الهندسة علشان اللقب ولا التسويق علشان cool ولا البرمجة علشان عليها طلب ولا ادارة الاعمال علشان اصحابه كلهم داخلينها ولا الطب علشان بابا عايز كدا. أسعد وأنجح ناس هما اللي بيعملوا اللي بيحبوه حتى لو مادخلوش جامعة.
علموهم يعلموا نفسهم، يدوروا على الانترنت يسألوا اللي حواليهم يشتروا كتب، بس المهم يطوروا نفسهم طول الوقت. احنا في زمن العلم فيه موجود في كل مكان وببلاش. الشهادات هي الي غالية.
علموهم التواصل مع الناس من صغرهم. مايخافوش من الناس ويكلموا أي حد بثقة. يعرفوا يوصلوا لهدفهم بسرعة وبالطريقة المناسبة للي بيكلموه.
علموهم الإلتزام في كل شيئ. في المواعيد والوعود. وخاصة الالتزام في إدارة التوقعات.
علموهم قوة الملاحظة واكتساب الخبرات من كل اللي حواليهم.
وأهم حاجة علموهم الحكمة. يعرفوا يبصوا للأمور من وجهة نظر غيرهم. ما يحكموش على حاجة بسطحية ويفصلوا مشاعرهم وخوفهم وأهواءهم ويكون عندهم مرونة شديدة لتغيير وجهة نظرهم علشان الاختيارات تطلع سليمة.
لو فيه حد بيعرف الحاجات دي حايكون حلم بالنسبة لأي مدير حتى لو ماعاهوش شهادة. وحايكبر بسرعة جداً في أي مكان.
Ahmed El Moualled
يحتاج كثير من الناس الذين يعملون في قطاع الأعمال والصناعة والتكنولوجيا والطب والمهن الأكاديمية ، إلى الاتصال مع الآخرين ، وإحدى وسائل هذا الاتصال هو الملخص ، والذي يمكن أن يكون جزءاً أساسياً في... (مشاركات: 4)
11285
الاداره في خلاصة (مشاركات: 7)
لا تنسونــــا مــــن صالــــح دعاؤكــــم (مشاركات: 1)
لا تنسونــــا مــــن صالــــح دعاؤكــــم (مشاركات: 0)
كورس تدريبي لتأهيل المشاركين للعمل في وظائف ادارة مكاتب الاستقبال في الفنادق يتناول التعريف بالمكاتب الامامية والاجهزة والمعدات المستخدمة في المكاتب الامامية والبرامج والتطبيقات المستخدمة في ادارة المكاتب الامامية
اذا كنت من أصحاب المشاريع وترغب في أن تكون لديك القدرة على الإلمام بمتطلبات العمل بشكل فعال أو كنت من صانعي و متخدي القرارات في الشركات والمشاريع فهذه الدورة التدريبية مناسبة لك وستساعدك في فهم موضوعات هامة مثل ادارة اصحاب المصلحة والمساهمين وتحديد أولويات الاحتياجات وتوثيقها وغيرها من موضوعات هامة جدا لنجاح المشروع
برنامج تدريبي يشرح القياسات البدنية والوظيفية وطرق استخدامها وعلاقتها بالتدريب ومراحله وتطبيق القياسات البدنية والوظيفية لفئات مختلفة من اللاعبين
يتناول هذا البرنامج التدريبي المتخصص مكونات قائمة الدخل وقائمة المركز المالي وقائمة التدفقات النقدية وأهداف التحليل المالي وتقنياته المختلفة ويستعرض نماذج الفشل المالي والتطبيق على القيام بالتحليل المالي باستخدام الاكسيل
أول برنامج تدريبي متخصص يتناول المعايير السعودية لخدمات الرعاية الصحية المنزلية (سباهى) HHS يؤهل المتدربين المشاركين لفهم وتطبيق هذه المعايير من خلال ثلاث موضوعات اساسية وهي القيادة وتوفير الرعاية وادارة المعلومات.