ناس كتير دايما بتبعت تسألني عن ايه افضل مجال يشتغلوا فيه او ازاي يقدروا يحددوا الكاريير اللي ممكن يشتغلوا فيه وناس تانيه بتسأل لو عايز يعمل شيفت كاريير يعمل ايه


طبعا انا مش احسن حد يدي النصايح دي بس من خلال التجارب اللي مريت بيها واحتكاكي بالسوق كل يوم ومتطلباته خليني اقول كام حاجة كده اتمنى انها تكون مفيده


خلونا الاول نتفق على شويه ثوابت كده عشان سقف التوقعات ما يقعش علينا ازاي الاقي الوظيفة اللي بحلم بيها او اعمل شيفت كاريير ؟


- مش مهم انت معاك شهادة ايه المهم انت بتعرف تعمل ايه وتحب انك تشتغله


- مافيش حاجة اسمها هتخرج واشتغل في وظيفة بكام الف جنيه او دولار واقعد على مكتب في التكييف واخبط بايدي على المكتب واقول الاجتماع انتهى اتفضلوا يا حضرات ازاي الاقي الوظيفة اللي بحلم بيها او اعمل شيفت كاريير ؟


- الواسطة ممكن تنفع شوية في بعض الوظايف بس مش ممكن تنفع على طول لو انت مش كفء او اهل للوظيفة دي


- العالم ما بقاش بتاع شهادات


- كله اللي خدته في الكليه حمادة وسوق العمل حمادة تاني خالص


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ


ندخل بقى على السؤال المهم ايوة يعني انا عايز اشتغل اعمل ايه بقى ؟


No alt text provided for this image




- اول حاجة لازم تحدد المجال اللي انت حابب تشتغل فيه لانك لما بتشتغل في حاجة بتحبها هتبدع فيها


- ابدأ ذاكر الحاجة اللي حابب تشتغل فيها ويفضل لو الخطوة دي تحصل من وانت لسه طالب في الكلية


- اختار مجال تقدر تتميز فيه مش شغلانه وخلاص


- شوف السوق محتاج ايه وابدأ اتعلم الحاجة دي وطبعا اكتر الحاجات المطلوبة دلوقتي ( البرمجة ، التصميم ، تحليل البيانات، ال Digital Marketing ،


Artificial Intelligence , E-commerce jobsو Automation


وغيرها من الوظايف المطلوبة جدا دلوقتي


- اللغة اللغة اللغة ثم اللغة مش بس للشغل لا كمان عشان تعرف تتعلم بيها


- انزل اشتغل حتى لو ببلاش وخد تدريب ان شالله مجاني في شركات وانت لسه طالب على ما تتخرج هيكون عندك سي في محترم


- اشتغل فري لانس جنب دراستك هتاخد منها خبرة كويسه بردو وهتتعلم كتير


- اي مجال بقى له الكورسات بتاعته اونلاين واوفلاين والانترنت مليان معلومات كل اللي عليك انك ت google it مش محتاج تسأل حد ابحث بنفسك هتوصل لمليون معلومة


- مافيش حد بيبقى Expert و Consultant و Trainer من كام فيديو شافهم ولا شوية مقالات قراهم ولا كام كورس اخدهم وتبدأ تعمل الشو المعتاد بلاش والنبي عشان الناس دي بتطلع بسرعة اوي وتقع بسرعة اوي واسمك بيتحرق في السوق بسرعة دي نصيحة لوجه الله والله


- ماتتخدعش وتنبهر ببعض الاشخاص على السوشيال ميديا لمجرد انهم عارفين يعملوا شو حلو وتمشي وراهم وانت مغمض دايما google وشوف الكلام ده صح ولا اي هري او هبد عشان التريند ازاي الاقي الوظيفة اللي بحلم بيها او اعمل شيفت كاريير ؟






- مش معنى انك شاطر في حاجة تروح تفتح شركه وستارتب على الحاجة دي لان الموضوع والله اكبر من كده بكتير فبلاش تاخد الخطوة دي بدري اتقل كده واتعلم وخد كل الخبرات اللي محتاجها الاول وبعدين اعمل اللي انت عايزه بخطوات مدروسه






- اللي عايز يوصل لازم يتعب فاتعب على نفسك واشتغل عليها واوعى توقف تطوير من نفسك مهما وصلت من مناصب او خبرات حركة السوق بقت اسرع مما تتخيل وكل يوم في جديد وفي وظايف ابتدت تندثر وفي مجالات جديدة بتظهر فلازم تواكب الجديد وتبقى متجدد دايما






- اسمك في السوق مهم ومافيش حاجة بتستخبى في الماركت فحافظ على اسمك بانك تقدم حاجة محترمة ليها قيمة بلاش مبدأ اخطف واجري لأن مع الوقت هيتعرف انت مين وبتعمل ايه






- اهتم بلينكيدان بتاعك جدا ابني شبكة علاقاتك عليه واختارها بعناية وخليك اكتيف عليه بشكل يومي


ممكن تشوف البوست ده


16 نصيحة تساعدك على عمل بروفايل قوي على لينكيدان


http://bit.ly/2FljTy0






الناس اللي عايزة تعمل شيف كاريير حابة اقولهم بس اوعى تسيب شغلك فجأة وتشيفت كاريير الا لو معاك اللي يعيشك فترة زمنية حلوة انت ممكن تتعلم وانت في شغلك عادي الحاجة اللي حابب تنقلها ، لو مش هتفتح البيزنس الخاص بيك اشتغل فترة فري لانس جنب شغلك ولما الدنيا تظبط ممكن بعدها تنقل للوظيفة اللي انت عايزها لي اصدقاء كتير اخدوا الخطوة دي بالتدريج ده والحمد لله ناجحين جدا ماشاء الله


اختار الوظيفة اللي تعجبك وسجل هنا


في الفورم ده هتلاقي وظايف كتير ممكن تناسبك اختار الوظيفة اللي تعجبك وسجل فيها واكتب بياناتك صح وانا ببعت الفايل ده لشركات كتير


http://bit.ly/2dYJNMq


اخر حاجة هختم بيها افضل مواقع ممكن تتعلم منها في مجالات مختلفة


No alt text provided for this image




Coursera


Lynda


Udemy.


Udacity.


Khan Academy.


Codecademy.


Bloc.


iversity


Skillshare.






افضل مواقع لشغل ال Freelancing


No alt text provided for this image




Upwork.


Toptal.


Elance.


Freelancer.


Craigslist.


Guru.


99designs.


Peopleperhour.


Freelance Writing Gigs


Demand Media


College Recruiter


GetACoder


iFreelance


Project4hire


SimplyHired






بعض المواقع العربية والعالمية للبحث عن وظائف


Indeed


CareerBuilder


Dice


Glassdoor


Gulf Talent


Jobzella


jobs.imfndclub


wuzzuf


bayt


arabic.naukrigulf


bezaat


tanqeeb


mourjan


wzayef


akhtaboot






بالتوفيق للجميع