لو انت رايح في شركة لسه مافيهاش HR او فيها بس تعتبر لسه شئون عاملين .. وسواء كنت متعين فيها مدير للادارة او موظف عادى.. يبقي لازم شغلك يكون مترتب وعارف هتعمل ايه بالظبط
1- ابدء أول حاجه بعمل اجتماع مع مجلس الادارة او ما ينوب عنهم عشان تعرف ال vision بتاعتكو وكمان ال strategy,, وكمان تعرف هما متوقعين ايه او محتاجين اية من الHR لان ع اساس الكلام دا بتقدر تطلب منهم ال tools اللي انت محتاجها عشان تقدر تحقق لهم المطلوب ،، الأدوات دى ممكن تكون الناس اللي هتساعدك او ال software اللي انت شايفه يصلح لطبيعة العمل
2- ابدء بعمل لوائح وسياسات واضحة عشان تقدر تعمل نظام عادل تسيطر بيه ع الموظفين
3- اعمل هيكل تنظيمى عشان تنظم العلاقات ما بين الموظفين وتوضيح العلاقات المباشرة والغير مباشرة ،،،
4- اعمل تحليل وظيفي لكل الوظائف الموجوده او اللي مطلوبه عشان تقدر تطلع المهام الوظيفية job descriptions ، وخصائص كل وظيفة job specification , وكمان مؤشرات الاداء KPIs
5- انشاء الاقسام الداخليه لل HR وفقا لحجم الشركة وااصناعه والحلم بتاعها مثل payroll , recruitment, OD , training
6- وزع المهام علي كل فرد داخل ال HR واشتغلو تيم واحد واعمل روتيشن ما بنهم كل فترة
7- هيقابلك شويه مشاكل ف اتخاذ القرارات ف الشركة عموما يا اما تضارب ف القرارات او بطئ شديد،،، لو حصل دة يبقي لازم ترجع تبص ع الهيكل التنظيمي وكمان هتعمل حاجه اسمها authorizations matrix ودى مصفوفة الصلاحيات ،، يعني كل واحد صلاحياته اية
8- انزل من مكتبك وقرب للناس ومش تراقب الناس ،، اعرف عن قرب شغلهم ومشاكلهم
9- لازم توضح للشركة كلها ان ادارتك اداره حيادية ..بتجيب حقوق الموظفين والشركة
10- اشتغل علي المسارات الوظيفيه للموظفين وخطط الترقيات والتدريب بتاعهم والتحفيز ،، دورك ف ان الناس تشتغل وهى مبسوطة
رد مع اقتباس
المشاركة الأصلية كتبت بواسطة sopoorbebo
