الموضوع: ازاى تقدر تحكم علي احترافية ال HR team بتاع شركة من غير ما تشتغل فيها
ازاى تقدر تحكم علي احترافية ال HR team بتاع شركة من غير ما تشتغل فيها
١- ال HR اللي بينزل اعلانات توظيف بتاعته ومش بيكتب تفاصيل الوظيفة زى المهام الوظيفية J.D او ما يحددش المسمي الوظيفي بالظبط position ويكتفي بكتابه القسم زى مثلا مطلوب محاسب او مطلوب موظف HR ..الكلام دا مش صح ويدل ع عدم الاحترافية
2- ال HR اللي بيكتب ايملاته الشخصية عشان يستقبل عليها ال CVs وهو عندة ايميل شركة .. دا عدم احترافية مهما كانت الاسباب
3- ال HR اللي بيكلمك في التليفون عشان يستفسر منك علي كام حاجه Telephonic interview وما يتأكدش منك الأول انه معاد مناسب ليك ولا لا دا عدم احترافية او انك من نفسك تعتزر عشان انت ف مواصلات مثلا وتطلب منه يكلمك في وقت تانى وما يتصلش بيك عشان اتقمص ... الشركة دى تحمد ربنا انك ما اشتغلتش فيها
4- ال HR اللي هيقولك انى هبعتلك ميل بالتفاصيل زى العنوان وخلافة وما يبعتش ...دى عدم اهتمام من أولها هو نسيك بعد ما قفلت معاه علطول هيفتكرك اما تروحله الشركة وتقولوا انا عندى انترفيو النهاردة ????
5- ال HR اللي هيرجعنا ٨٠ سنه ورا ويقولك اكتب معايا العنوان بالظبط واكتب اسم الشخص اللي هتقبله واكتب اليوم والساعه والثانيه .. قولوا ياعم هو اختراع النت عندكم لسه ماجاش... ما تروحش طبعا لان الجواب باين من اوله
6- الابلكيشن بتاع الشركة لو بفلوس.. اطلع يا معلم علي القسم علطول بلغ لانهم نصابين .. اما لو الابلكيشن حاسه مافيهوش اى سؤال غير اللى ف الCV بتاعك يبقي دول حافظين مش فاهمين.. يعنى بلح ف HR knowledge
7- وصلت الشركة ف معاد interview الساعه مثلا ٢ ظهرا وفضلت مستنى ربع ساعه محدش قالك اسفين مثلا ع التأخير لايا كان السبب ..واستنيت ربع ساعه كمان ومحدش عبرك قوم اقف واقلهم انا احترمت معادى لكن انتوا ما احترمتهوش ..لو رد فعلهم كان بارد ومستغربين يبقي دول من مدرسه سيب الناس ملطوعه عشان نشوفهم تحت ضغط.. دول بقا تمشي علطول من عندهم وتدعلهم بالهدايه
8- دخلت interview ولاقيت واحد بيكلمك وهو مادد رجلة ع كرسي تانى او بيكلم وهو باصص ف ناحيه تانيه وساعات بيحرك الننى عليك بس .. الراجل اللي بيعملك المقابله دا لسه خارج من مستشفي امراض نفسيه بيزور بس الشركة وراجع تانى... اوعى تحس انه بيتقل من احترامك ف اى مكان مهما كان
9- لو سمعت صوت عالي فى المكتب او ف الدور اللي فيه ال HR بالذات والمدير فرحان بحنجرته واما بيمشي الناس كلها بتخاف دا بردو لسه عايش ف عصر الجاهليه ..خلى بالك دى مش مكان يتزعل عليه
10- الجمله الشهيرة هنبقي نرد علي حضرتك وطبعا محدش هيعبرك حتى برنه ...يبقي ما تزعلش علي مكان زى دا لانه لم يحترم وقتك وفلوسك اللي صرفتها عشان تجلهم
النصائح دى بالذات للي عاوز يشتغل في ادارة ال HR في شركة من الشركات دى ..اوعى تزعل انك ما اشتغلتش معاهم لان للاسف هتتعلم غلط
بقلم مصطفى سعيد
السلام عليكم و رحمة الله و بركاته
لو سمحتم يا جماعة انا عندى سؤال ازاى اشتغل فى الhr ايه الدراسات المطلوبة انا بكالوريوس تجارة هاشتغل فى شركة اكسيد كاستمر سرفيس و عايزة اشتغل فى الاتش ار فى الشركة... (مشاركات: 1)
هل تحب ما تقع عليه عينك عندما تنظر في المرآة؟ وهل تحب صوتك عندما تتكلم؟ هل تشعر بأن لديك نفس ما عند الآخرين إذا ما قمت بالمقارنة بينك وبينهم؟ هل يمكنك تقبل الآخرين كما هم؟ هل بإمكانك التعامل مع مهام... (مشاركات: 0)
وظيفة فى قطاع البترول
- قاعد عاطل ونفسك تلاقى شغلة كويسة
- شغال لكن نفسك فى شغل أفضل ونفسك تحسن نفسك
ذلك ممكن ولكن عن طريق أن تجعل نفسك أفضل
والنهاردة جايبلكم معلومات عن كورس مفيد... (مشاركات: 5)
برنامج يتناول المسؤوليات الأساسية للمراقبين الماليين والمحاسبة وإعداد التقارير وتفسير وتحليل القوائم المالية وإعداد تقارير الميزانية وتحليلها وزيادة كفاءة عمليات أقسام المالية والمحاسبة ووظائف ومهام المراقبة
يهدف هذا البرنامج التدريبي الى تعليمك آليات التواصل مع الأسواق العالمية لتصدير المنتجات المحلية وكيفية تنفيذ صفقات التصدير التجاري بشكل آمن من خلال الانترنت، وكيف تقوم بتأمين اعمالك عند تصدير المنتجات المحلية من خلال الانترنت
اذا كنت تعمل مدير موارد بشرية او مسئول شئون موظفين في احد الشركات المصرية، فأنت بحاجة للحصول على هذه الدورة التدريبية المكثفة حول احدث تعديل في قانون التأمينات الاجتماعية وقانون العمل وضريبة كسب العمل، حتى تتجنب الوقوع في مشكلات قانونية او غرامات او مخالفات تهدد شركتك
برنامج تدريبي مختص لتدريب العاملين بإدارة الموارد البشرية في المؤسسات الطبية، كالمستشفيات والمراكز الطبية، حيث لهذه المؤسسات من طبيعة خاصة دون كل المؤسسات، وبالتالي فإن قسم ادارة الموارد البشرية بالمستشفيات يحتاج الى تدريب وتأهيل من نوع خاص.
برنامج يتناول البيانات المالية والتقارير المالية والحاجة للتحليل المالى لها و إجراءات تنفيذ التحليل المالى للقوائم المالية و التحليل المالى لأغراض تقويم الأداء المالى والتنبؤ بالأداء المالى المستقبلى و التحليل المالى بالنسب والمؤشرات المالية لأغراض التنبؤ بالأداء المالى المستقبلى و تقييم الأداء والدراسات المالية و الدراسات المالية فى مرحلة المتابعة والرقابة