الموضوع: اساسيات العمل في ال HR
اساسيات العمل في ال HR
1- قسم التوظيف Recruitment section.
2- قسم شئون العاملين Personnel section.
3- قسم الاجور (المزايا والمنافع) Payroll/or/ Com and Ben, section
4- قسم تقييم الاداء Performance appraisal section.
5- قسم التدريب والتطوير Training and development section.
6- قسم التطوير التنظيمى Organization Development section
دور كل قسم فيهم يقي :
1- قسم التوظيف.
وده اهم قسم فى ادارة الموارد البشرية واللى بيكون من اهم اسباب وجوده هو استقطاب العمالة والموظفين اللى الشركة عايزاهم وعمل اختبارات لهم على مهام وواجبات ومسئوليات العمل المطلوبة منهم، بالاضافة الى اجراء الاختبارات الاخرى الخاصة بقياس مدى تمتع العمالة دى بالمهارات المطلوبة لاداء اعمالهم.
طيب.. هى ايه واجبات ومسئوليات ومهام القسم دة؟
اقولك ، القسم ده بيقوم بالواجبات والمهام والمسئوليات التالية (دى مش كل الواجبات بل اهمها):
- مساعدة مدير الادارة فى اعداد خطة التعيينات سنوياً "ودى خطة بتتعمل كل سنة عشان مدير الموارد البشرية يتنبأ بعدد العمالة المطلوبة لكل الشركة للعمل بها خلال السنة الجاية".
- مساعدة مدير الادارة فى اعداد موازنة التوظيف والتعيينات "طيبعى ان عملية التوظيف واختيار العمالة اللىه هاتيجى الشركة دى لازم يكون فى مبالغ مخصصة كـ "مرتبات اخصائيين توظيف، الاشتراك فى الجوب فيرز او ندوات التوظيف، اتعاب مكاتب التوظيف اللى بتجيب عمالة للشركة، مصاريف تليفونات وورق وخلافه".
- تعديل بطاقة التوصيف الوظيفي او الـ job description الخاصة بكل موظف هايتم تعيينه قبل مايجى الشركة طبقاً لواجبات ومسئوليات ومهام الوظيفة اللى هايتعين عليها حد جديد.
- تعديل نموذج الكفاءات او الـ competency model الخاص بكل موظف هايتم تعيينه قبل مايجى الشركة طبقاً للمهارات المطلوبة من صاحب الوظيفة اللى هاييجى ده.
- استلام طلبات التوظيف اللى بتيجى من ادارات الشركة ومقارنتها بخطة التعيينات المعتمدة للتأكد من ان الوظيفة دى مطلوبة فعلا ثم اعداد الاعلانات الوظيفية وعرضها على مدير الموارد البشرية للاعتماد.
- نشر الاعلانات الوظيفية واستلام السير الذاتية اللى هاتيجى من الناس اللى هاتقدم ع الوظيفة ومراجعتها وفرزها للتأكد من انها مطابقة للـ job description والـ competency model بتاع الوظيفة دى.
- الاتصال بالمرشحين للوظائف المطلوبة وتحديد مواعيد عقد المقابلات معهم ثم اجراء الاختبارات اللازمة طبقاً للمنهجيات ونظم العمل المعتمدة بالادارة.
- اجراء عمليات التقييم اللازمة على العاملين المتقدمين لشغل الوظائف ورفع تقارير بها الى مدير ادارة الموارد البشرية والمديرين المعنيين لتحديد القرار النهائي بخصوص التعيينات المطلوبة.
- تقديم خطابات اعتذار لمن تقدموا للوظيفة ولم يتخطوا الاختبارات المطلوبة وادخال السير الذاتية الخاصة بهم فى بنك السير الذاتية الخاص بالقسم.
- اعداد العروض الوظيفية للمقبولين وتقديمهم لقسم شئون العاملين لفتح ملفاتهم.
*) طيب فى بعض الاسئلة معلش وعاوزين اجابتها منك.
*) اتفضل
1- ايه هى العمليات الخاصة بقسم التوظيف؟
2- ايه هى المنهجبات اللى بنستخدمها فى قسم التوظيف؟
3- ايه هى النماذج اللى بنستخدمها فى قسم التوظيف؟
4- ايه هى اسماء الوظائف اللى بتكون موجودة فى قسم التوظيف؟
1- العمليات اللى بتحصل فى قسم التوظيف هى عمليتين اساسيتين كالتالى:
- عملية الاستقطاب recruitment process.. ودى بتبدأ من اول ما يجي لاخصائى التوظيف طلب الوظيفة من الادارة اللى
عاوزة موظف جديد لحد ما نفس الاخصائى ده يتصل باللى قدموا السير الذاتية وطلعت مطابقة لشغل الوظيفة.
- عملية الاختيار selection process ودى العملية اللى بتبدأ من استقبال المرشح للوظيفة لما يجى الشركة لحد ما يتم قبوله او رفضه.
2- اما بقى المنهجبات اللى بيتم استخدامها فى القسم فاهى على سبيل المثال لا الحصر:
- منهجية اختيار او اجراء المقابلة مع لعمالة بالطرق العادية face to face, panel, phone, group interview, etc. "ودى طرق انواع الانترفيو"
- فى منهجية اختيار العاملين طبقاً للكفاءات المطلوبة منهم Competency based interview CBI ودى بيتم اختيار العاملين فيها طبقاً لمؤشرات سلوكية موجودة فى الـ competency model بتاع الموظف اللى هايعمل الاختبار والمقابلة.
- فى منهجية اسمها Value based interview VBI ودى منهجية بيتم فيها اختبار او عقد مقابلات مع الموظفين للتأكد من انهم هايحققوا القيم المحورية core values بتاعة الشركة من عدمه.
- وفى طرق كتير طبعا بس انت اقرا فى دول بس.
3- اما بالنسبة النماذج اللى بيتم استخدامها فى قسم التوظيف فاهى على سبيل المثال لا الحصر برضه كالتالى:
- نموذج طلب تعيين Hiring request.
- نموذج خطة التعيينات Hiring plan.
- نموذج التقدم للوظيفة Application Form.
- نموذج الاختبار السلوكى behavioral test form
- نموذج الاختبار المهنى Technical test form
- نماذج الـ IPAR, STAR, CAR approaches اللى موجودة فى منهجية الـ CBI
- نموذج الـ Result فى منهجية الـ CBI
- نموذج تقييم المرشحين Candidates assessment.
- نموذج العرض الوظيفى job offers
4- بالنسبة لاسماء الوظائف اللى بتكون موجودة فى القسم ده فاهى كالتالى:
- مدير / رئيس قسم التوظيف Recruitment Manager, Section head
- مشرف التوظيف Recruitment Supervisor
- أخصائى توظيف Recruitment Specialist
- منسق توظيف Recruitment coordinator.
بقلم: مريم ممدوح
السلام عليكم ورحمة الله وبركاته
تحيه طيبة وبعد،،،،،،،،،،،،
يعلن مركز جيان للتدريب والاستشارات عن بدء دورة تدريبية فى(اساسيات العمل المصرفى)والتى ستنعقد فى العراق وتركيا عاصمة اسطنبول بتاريخ... (مشاركات: 0)
كورس تدريبي متخصص في تداول وتخزين الخامات الغذائية في الفنادق والمطاعم . يستعرض موضوعات جودة المنتجات الغذائية وطرق الغش الغذائي وفساد الاغذية والطرق الصحية لاستلام وتخزين الاغذية وفحصها ونظرة عامة على موضوع جودة وسلامة الغذاء
اذا كنت مؤهلا للعمل في وظيفة "مدير الأغذية" في اي مطعم او فندق، فأنت في حاجة ماسة للحصول على هذه الشهادة التدريبية الهامة في هذا المجال، حيث يهدف هذا البرنامج التدريبي الى شرح المفاهيم والموضوعات المرتبطة بعملية ادارة الاغذية ومنها طرق تخطيط وطلب واعداد وتجهيز الاغذية وطرق حساب الكميات الاقتصادية والالتزام بمعايير جودة الغذاء وتخطيط القوى العاملة في المطبخ وغير ذلك من الموضوعات التدريبية المهمة لشاغلي هذه الوظيفة.
كورس تدريبي يهدف الى اكساب المشاركين المعلومات والمهارات السلوكية اللازمة للتألق في مجال المبيعات وفنون الإقناع والتعرف على أساسيات مهارات البيع والاقناع
برنامج تدريبي يشرح مفاهيم اختبار الاختراق واكتشاف الثغرات الأمنية في النظام أو التطبيق وتحليل الثغرات وتقييم خطورتها وتطبيق اختبار الاختراق للتطبيقات الويب وقواعد البيانات والشبكات والأجهزة ومنع استغلال الثغرات للوصول إلى المعلومات أو السيطرة على النظام وأمن التطبيقات واختبارها والامتثال للأخلاقيات والقوانين في مجال اختبار الاختراق
برنامج تدريبي يتناول التغذية لمرضى السرطان وتعريف السرطان وكيف تتكون الخلايا السرطانية وأسبابه والاختلافات بين الخلايا الطبيعية والسرطانية ومراحل تطور السرطان والتمثيل الغذائي والمتطلبات الغذائية لمرضى السرطان والأنظمة الغذائية المضادة للسرطان والتغذية أثناء العلاج الاشعاعي أو الكيميائي ودور التغذية في الرعاية الداعمة ورعاية نهاية العمر لمرضى السرطان والفرق بين التغذية المعوية والتغذية الاكلينيكية