لو بتدور علي شغل علي LinkedIn في كذا حاجة مهمين جدا إقراهم كويس كزا مرة و إعملهم


١- إكتب في البروفيال بتاعك الشغل اللي انت عايز تروحوا و مؤهلاتك و شغلك. أكنك بتكتب الCV بتاعك تاني


٢- إستعمل LinkedIn و بوست كل يوم. ده مش بس تستعمله و انت بتدور علي شغل. ده موقع سوشيال ميديا و مهم إنك تكون موجود و الناس شايفاك حاضر.


٣- إعمل connect للناس اللي في مجالك الل عايز تروحوا. لازم لازم لازم تعمل كده. لو عايز تشتغل في الMarketing إعمل connect للناس اللي شغالة في الmarketing. أو الناس اللب شغالة في شركات زي اللي انت عايز تروحها.


٤- إتعرف علي الناس. الناس بتساعد صحابها و معارفها. انت كده مش وصولي ده إسمه سعي و LinkedIn كله مبني ع. مرحبا الفكرة ديه. اه في فرصة إنك تبعت لحد ماتعرفهوش تطلب منه Recommendation و يساعدك. بس في فرصة أكبر بكتير إنه يساعدك لو إتعرفت عليه قبل ما تطلب طلب زي ده.


٥- إتعرف علي الناس بكزا طريقة. إعرض عليهم خدمة. أو إبعتلهم "thank you for connecting" و إتكلموا مثلا "حابب إننا نعرف بعض أكتر، حضرتك بتشتغل في ايه؟" و إتكلموا حوار عادي. حتي لو شغلهم موجود في البروفايل ديه أحسن حاجة تتكلم فيها علي LinkedIn عشان كله بيتكلم فيها بحرية هنا. و مش هتفرق بتكلم راجل ولا ست انت مس بتعاكس. انت بتبني علاقة شغل عشان لو حد فيكو إحتاج التاني بعد كده


٦- إعمل كده ١٠٠،٢٠٠،٣٠٠، ألف مرة. السعي مالوش عدد معين. ماتقولش "انا بعمل كده و مافيش نتيجة". الخير جي بس ربنا بيعمل كل حاجة في معادها
٧- الموضوع بياخد وقت. و مجهود كتير. بس لو ديه الشغلانة اللي انت نفسك تشتغلها فا هي تستاهل ده. العمر طويل و كل حاجة بتتأخر لسبب. بس ماتخليش ده يوقفك و يخليك تيأس. اللي بيحاول يخس مش بيقف بعد ما يعمل ١٠ ضغط و يقول "ما انا عملت ضغط اهو، و ماحصلش حاجة" لأ بيكمل و خلاص.
إسعي و خلي عندك إيمان ولله ولله السعي بيتحوشلك و بيخلي حاجات جميلة تحصلك. مافيش حد بيسعي غير و بيلاقي حاجة حلوة. و ماحدش هيقنعني بحاجة غير ده عشان ده اللي انا عايشه