النتائج 1 إلى 2 من 2

الموضوع: نصايح لتقليل استهلاك البنزين

#1
نبذه عن الكاتب
 
البلد
الصومال
مجال العمل
أعمال ادارية
المشاركات
4,826

نصايح لتقليل استهلاك البنزين

بمناسبة أسعار البنزين الجديدة و شائعات انها هتزيد تاني، حبيت اشارك الناس شوية نصايح لتقليل استهلاك البنزين و هما سايقين


انا اشتغلت في Uber، واتعلمت من نفسي و من سواقين تانيين ازاي اوفر من تلت لنص البنزين الي كنت بستهلكه


النصائح دي تمشي على الاوتوماتيك و المانيوال بس طبعا الاوتوماتيك موفر اكتر بطبيعته


-متملاش ابدا اكتر من نص التانك، و متخليهوش يقل عن الربع، لو مليت التانك كله، استهلاكك هيزيد عشان وزن النص تانك الزيادة، و لو البنزين قل عن الربع فا في احتمالية ان الشوائب تدخل في دورة البنزين و تستهلك الطرمبة طاقة اكتر


-الRPM ميعديش 2500 ل 2750 و ده احسن وقت تنقل الغيار و بيوازن بين استهلاك البنزين و الاداء


-بلاش kick down او تسقيط نقلات و حرق او اي حاجة بتعلي ال RPM بسرعة، دايما خلي رجلك خفيفة عالبنزين و ال RPM يعلى بالتدريج


-استغل عزم القصور الذاتي للعربية او ال coasting، لما العربية تكون مجمعة سرعة كويسة و ال RPM حولين 2500، شيل رجلك من عالبنزين و متمورش و متدوسش دبرياش، سيب الغيار زي ما هو على ال D أو الغيار المناسب عشان ساعتها العجل هو الي بيخلي الموتور يلف و ميستهلكش نقطة بنزين، لو جبته على N الموتور بيسحب بنزين عشان ميقفش، الموضوع ده موفر بشدة، و مع الوقت هتتعلم تخلي معظم الوقت ماشي بالطريقة دي و قليل ما بتدوس بنزين


-رجلك خفيفة عالفرامل و فرمل من بدري و براحة، بلاش تكبس جامد، لما بتفرمل جامد و تتحرك تاني بتحتاج بنزين كتير عشان تحرك العربية من حالة الثبات، لو بتهدي و رجلك خفيفة مش هتحتاج بنزين عشان تكمل حركة تاني ده غير ان السواقة هتبقا اريح بالذات لما تدمج الموضوع ده مع ال coasting هتوفر بنزين كتير اوي


-شيل اي اوزان ملهاش لازمة في العربية، و شيل اي spoiler او اجنحة بتسبب downforce عالعربية، لو عندك شيالة فوق السقف و شلتها، هتوفر 20% من استهلاك البنزين، اقفل الازاز لو تقدر عشان تقلل ال drag اكتر


-حاول لو ماشي في طريق فاضي انك تلاقي السرعة المناسبة، الي هيا اعلى سرعة ممكنة بمجرد تحسيس بسيط عالبنزين و على أعلى غيار و RPM اقرب ما يمكن لل 2500


-لو واقف في اشارة بعداد وقت او زحمة جامدة اقفل العربية، دي من اكتر الحاجات الي بتحرق بنزين


-في الصيف افتح الازاز لو بتتحرك ببطأ و افتح التكييف لو ماشي بسرعة لأن ساعتها بيستهلك بنزين اقل من لو فتحت الازاز على سرعة عالية و دايما اتاكد من فلتر التكييف


-كل شوية كدة هات اي سائل من الي بينضفو الكاربيراتير او ال injection و استعمله، بيحسن استهلاك البنزين و اداء العربية، و كل فين و فين حط بنزين 95 هتحس بفرق شاسع


-حاول تمشي ورا عربية اكبر منك عشان تقلل من مقاومة الهواء، لو مشيت ورا عربية نقل كبيرة المقاومة هتقل بنسبة 90% و الاستهلاك يقل بنسبة من 20-40%


-اعمل صيانة العربية اول باول و اتاكد من ضغط العجل و الترصيص و ظبط الزوايا كل ده بيفرق في استهلاك البنرين


-غير الكاوتش لو عمره انتهى و خلي الجديد قدام لو جر أمامي و العكس لو دفع خلفي، و متجبس كاوتش عريض، الرفيع استهلاكه للبنزين اقل


اتمنى اي حد يستفيد و لو حد عنده نصائح تانية مؤكدة يفيدني معاه

#2
الصورة الرمزية nora ayman
nora ayman غير متواجد حالياً تحت التمرين
نبذه عن الكاتب
 
البلد
مصر
مجال العمل
تجارة ومحاسبة
المشاركات
2

رد: نصايح لتقليل استهلاك البنزين

مشكوووور ع النصايح
جعله الله ف ميزان حسناتك
بارك الله فيك ونفع بك

إقرأ أيضا...
بعض النصائح لترشيد استهلاك الكهرباء فى فصل الصيف

بعض النصائح لترشيد استهلاك الكهرباء فى فصل الصيف، فاتورتك أقل و الكهرباء متقطعش كل يوم عشان الضغط على الاستخدام: 1-اطرد الشمس من بيتك: الشمس هي مصدر الحرارة للمنزل، أغلق الستائر و الشبابيك صباحاً... (مشاركات: 0)


حيل بسيطة لتقليل استهلاك السيارة للوقود

من يرغب جدياً في توفير استهلاك الوقود بسيارته المستعملة، تتوافر أمامه مجموعة كبيرة من الحيل والأساليب. وأوضح هانز جورج مارميت، عضو منظمة الخبراء (KUS) بمدينة "لوسهايم أَم زيه" جنوب غرب ألمانيا، ذلك... (مشاركات: 0)


استهلاك الأصول المعنوية = Amortization

استهلاك الأصول المعنوية = Amortization يطلق هذا التعبير على التكلفة الهالكة مع مرور الزمن أو لإنخفاض في المنفعة في استعمال الأصول التي ليس لها خصائص مادية والتي يطلق عليها اسم الأصول المعنوية مثل... (مشاركات: 0)


دورات تدريبية نرشحها لك

برنامج التأهيل لاجتياز اختبار شهادة eJPTv2

برنامج تدريبي عملي يساعد المتدربين على الاستعداد المهاري والنفسي لاجتياز اختبار شهادة eJPTv2 عبر اكتساب المهارات الأساسية في اختبار الاختراق ، واستغلال الثغرات، وفحص الشبكات وتطبيقات الويب. يتضمن البرنامج شرحاً نظرياً وتمارين عملية لبناء فهم شامل وتجهيز المتدربين لاجتياز الامتحان بنجاح.


دورة الصياغة الوظيفية باللغة العربية

نظرا لما لوحظ أن المهارة اللغوية العربية الأساسية، لبعض العاملين ليست بالمستوى الذي يمكنهم من أداء مهامهم، في صياغة المراسلات والتقارير؛ مما يؤثر في وضوح ودقة المعنى المقصود، فقد تم تصميم هذا البرنامج التدريبي، ليقدم أسلوبا تدريبيا حديثا لتنمية المهارات الأساسية في اللغة العربية، مع تمكينهم من صياغة الوثائق الرسمية بالدقة اللغوية المطلوبة .


كورس تخطيط النظام الغذائي للأطفال

تعلم كيف تقيم حالة التغذية للطفل وفقا لمراحل نموه المختلفة وكيفية وضع نظام غذائي متوازن وصحي يلبي احتياجات الطفل من الطاقة وكيف تجعل الطفل قادر على اتباع نظام صحي دون حرمان وكيفية التعامل الصحي مع مشاكل الأطفال مثل السمنة والنحافة والتبول اللاارادي.


دورة سلاسل الإمداد المبردة - Cold Chain

برنامج يتناول فهم طبيعة وأهمية سلاسل التوريد المبردة ومكونات سلاسل الإمداد المبردة ومناولة وتوزيع المواد والأصناف المختلفة في سلاسل الامداد المبردة والموارد والمعدات المستخدمة في سلسلة الإمداد المبردة والإتجاهات الحديثة في ادارة سلسلة التوريد الباردة


دورة التحول الرقمي في الجامعات

دورة التحول الرقمي في الجامعات هو أول برنامج تدريبي يهدف إلى تقديم كل الشرح المفصل للمشاركين فيه للتعرف بشكل مفصل عن آليات تمكين الجامعات من تبني تقنيات جديدة وتحسين عملياتها وتعزيز التعلم للطلاب.


أحدث الملفات والنماذج