الموضوع: مشكله سوق العمل في مصر

١ - هو من الواضح ان في مشكله كبيره في سوق العمل المصري ان العرض اصبح اكتر بكتير من الطلب
٢- المشكله هنا ان المعروض اضعاف المطلوب ودا واضح جدا من اعداد الغير عاملين
٣- الغريب جدا ان في نفس الوقت شركات كتير بتدور علي كفاءات معينه ومش بتلاقيها بسهوله
٤- دا معناه ان في وفره كبيره في المسميات الوظيفيه لكن في ندره شديده في الكفاءات الحقيقيه
٥- الواسطه والكوسه وسوء الاختيار وعدم وضوح المفاهيم في نظر المسئولين عن الاختيار كلها من اهم الاسباب للظاهره دي
٦- سوق العمل المصري مليان كفاءات ضعيفه ومعدومه ودا طبعا بيظلم الكفاءات الحقيقيه
٧- التدقيق الشديد في الاختيار اعتقد هيكون احد الحلول كمان اختيار الشخص المناسب المؤهل انه يختار الناس لان الكارثه ان اللي بيختار اصلا مش فاهم بيختار علي اساس ايه
٨- مشكله كبيره ومتشعبه وواضح انها مش هتتحل في وقت قريب
٩- للامانه بعض الدول العربيه سبقتنا كتير اوي في المنطقه دي وبيعرفوا يختاروا افضل من المصريين بمراحل
١٠- الاختيار الانطباعي مشكله كبيره وانتشرت كمان نظريه اهل الثقه مشكله اكبر

ارتفاع معدل الدوران للموارد البشرية داخل المشروعات الصغيرة والمحال التجارية والصناع..خاصة فى الفئة العمرية الصغيرة..
كلما تقدم العمر كلما انخفض معدل دوران الموارد البشرية
احتياجات رجال الاعمال واصحاب المشروعات الى تخصصات تتعلق بالبيع والتسويق والدعم التكنولوجى والالكترونى وبرامج الكمبيوتر الحديثة ومدربة جيدا للتعامل مع مستجدات المنافسة الشرسة فى مجال الاعمال مما اوجد مجال للتسابق لجذب المواهب والمهارات لتحقيق المستهدفات