النتائج 1 إلى 1 من 1

الموضوع: الاجراءات الواجب معرفتها للمسافرين للعمل بالسعودية

  1. #1
    نبذه عن الكاتب
     
    البلد
    الصومال
    مجال العمل
    أعمال ادارية
    المشاركات
    4,342

    الاجراءات الواجب معرفتها للمسافرين للعمل بالسعودية

    1-بعد ما الكفيل يكلمك في التليفون انك اتقبلت ونجحت في المقابله يروح هو باعت جواب الوكاله علي مكتب السفريات الي بيتعامل معاه في مصر + العقد
    (القنصليه لا تتعامل مع افراد انما مع مكاتب التسفير المعتمده لديها فقط)
    2-تروح المكتب وتمضي العقد وتاخده معاك عشان تروح التامينات تغير البطاقه بالمهنه اللي في العقد عشان لازم المهنه تطابق مع الجواز
    3-تروح التامينات في شارع الالفي وتروح تامينات العاملين بالخارج وتدفع 80 دولار وتكون جايب معاك ورق بطاقه مستعجل من العباسيه ب75 جنيه (بتطلع بعد 3 ايام) عشان يتختم بس في مشكله هنا لو انت في شركه خاصه ومتأمن عليك لازم تطلع من التامينات بتاعتها ولو في الحكومه يبقي لازم اجازه.
    4-بعد كده تاخد ورق البطاقه المختوم وتروح العباسيه وبعد3 ايام تاخد البطاقه الجديده
    5-تروح للجوازات اللي انت تبعها وتاخد صورتين خلفيه بيضاء ولو معاك الباسبور القديم تاخده عشان يتلغي وتطلع البازابورت المميكن الجديد وتدفع 110 جنيه وتاخده بعد يومين
    6-في اليومين دول تروح الجامعه توثق الشهاده بتاعتك من امين عام الجامعه ولو انت طب او صيدله لازم الشهاده الكارتون غير كده ممكن المؤقته
    7-بعد الجامعه تروح اي مكتب تصديق للخارجيه وتدفع 11 جنيه وتاخد الشهاده
    8-غالبا هتلاقي المهنه لاتناسب المؤهل الدراسي بتاعك يبقي لازم شهاده خبره ودي تشوفلك اي حد معاه سجل تجاري وتاخده الشهر العقاري وتكون مظبط شهاده خبره بنفس المسمي الوظيفي ولازم يكون السجل متجدد وبعد كده تروح الخارجيه توثقها زي الشهاده. وفي خطوه كمان مكتب السفريات بيعملها في الحاله دي انه يجيب جواب من الكفيل انه عارف ان مؤهلك غير المهنه بس هو عايزك انت بالذات هما معاهم صيغه معروفه.
    9-بعض المهن تحتاج شهاده قياس مهاره ودي تروح مكتب العمل تعملها وغالبا المهن دي زي فني اي حاجه او عامل اي حاجه تحتاج مهاره زي ميكانيكي ومبيض..... الخ
    10-تروح الجوازات تاخد الباسبور وبعد كده تاخد الورق ده كله وتروح مكتب السفريات.
    11-مكتب السفريات هايعملك تسجيل علي النت بتاع شركه التاشيرات الالكترونيه الجديده ويديلك الرقم
    12-تاخد الرقم وتروح بيها معامل وزاره الصحه بشارع الشيخ ريحان (تنزل مخطه مترو السادات وتسأل هناك) عشان تحليل الفيروس وتدفع 120 جنيه وصورتين خلفيه بيضاء
    13-بعد مايخدوا العينه هايدولك كارت تستلم بيه بعد 3 ايام وطبعا من غير ما اقول لازم تكون هناك الساعه 8 او 8.30 عشان تكون علي الساعه 10 او 11 مخلص بعد كده تطلع تتمشي من الوزاره الي شركه جامكا GAMCA في 6 شارعه عاءشه التيموريه بجاردن سيتي امام قسم قصر النيل هاتديهم الباسبور علي الباب وتقعد 10 دقايق وبعدين هايدولك جواب تحويل لمستشفي من خمس مستشفيات تبعهم
    14-تاخد الجواب وتروح المستشفي اللي كاتبينها في الجواب وتروح المستشفي وتدفع 180 جنيه ويعملولك شويه تحاليل وكشف نظر وباطنه وتاني يوم تيجي تاخد النتيجه وممكن تخليها مع نتيجه الفيروس عشان يبقي مشوار واحد
    15-تروح بصورتين خلفيه بيضاء تعمل فيش وتكتب فيه الغرض السفر للسعوديه
    16-تطلع علي مكتب السفريات وتديله 3صور خلفيه بيضاء
    17-المكتب يقدم الورق للقنصليه يوم الاحد او التلات والتأشيره تاخدلها 10 ايام وبعد يومين من التقديم لو ما اترفضش الورق يبقي كده تمام.

    منقول من منتديات مكتوب
    التعديل الأخير تم بواسطة أبو عبد العزيز ; 21/7/2010 الساعة 12:23

موضوعات ذات علاقة
مطلوب محاسبي تكاليف للعمل بالسعودية
شركة سعودية عريقة تطلب : محاسبي تكاليف يشترط لشغل الوظيفة توفر المواصفات التالية : - حاصل على بكالوريوس تجارة قسم محاسبة من جامعة معروفة - خبرة... (مشاركات: 4)

مطلوب محاسب عام للعمل بالسعودية
شركة سعودية عريقة تطلب : محاسب عام العدد (5) يشترط لشغل الوظيفة توفر المواصفات التالية : - حاصل على بكالوريوس تجارة قسم محاسبة من جامعة معروفة -... (مشاركات: 3)

مطلوب مندوبي مبيعات للعمل بالسعودية
شركة سعودية عريقة تطلب للعمل لديها مندوبي مبيعات بالشروط والمواصفات التالية : - خبرة ثلاث سنوات كمندوب بمبيعات في تسويق الأدوات الصحية ومواد... (مشاركات: 1)

مطلوب أمين مستودعات للعمل بالسعودية
شركة سعودية عريقة تطلب : أمين مستودعات يشترط لشغل الوظيفة توفر المواصفات التالية : - العمر من 25 الى 40 سنة - اللغة العربية مع معرفة باللغة... (مشاركات: 0)

مطلوب مبرمج للعمل بالسعودية
مطلوب مبرمج للعمل في المملكة العربية السعودية ·إتقان لغات البرمجة على الويب مثل PHP و .net (مشاركات: 0)

أحدث المرفقات