الموضوع: استفسار مهم (ارجو المساعدة )

السلام عليكم ورحمة الله وبركاته
ممكن مساعدة صغير ؟
انا بشتغل ف شركة والمفروض ان مدة العقد سنة
بس انا لسة ف 3 الشهور الاولى
انا نفسيا مش مستريحة ف الشغل و الزمايل معاماتهم مش حلوة
والشغل مش بيقدملى حاجة جديدة خالص
مفيش حاجة ب استفيدها منه روتين هوة هوة مفيهوش جديد او حتى شغل بمعنى الكلمة
يعنى مثلا انا بقالى اسبوع بروح الشغل بفضل قاعدة ع المكتب مش بعمل اى حاجة

واتكلمت مع المدير انى عايزة اتنقفل مكان تانى غير الى انا فيه طبعا رفض وقالى كلام دايقنى
وراح نقل الكلام للمديرة بتاعتى
المشكلة دلوقتى انى عايزة اقدم استقالتى لو قدمتها المفروض انى اقعد 3 شهور بعد الاستقالة عشان اعرف اخد اوراقى كلها
وانا مش عارفة اعمل ايه
بصراحة مش هعرف اقعد ال3 شهور
مش هستحملهم
فسؤالى انا لو عايزة اقدم الاستقالة اكتب فيها ايه عشان اعرف امشى من غير مشاكل واخد اوراقى كلها
انا مش عايزة حقوق او اى حاجة انا بس عايزة اخد الاوراق لانه واخد اصول اوراقى؟؟؟؟؟؟؟؟؟؟؟

بسم الله الرحمن الرحيم

تفسيرا لكلامك انك بدأتيه ب " المفروض ان مدة العقد سنة " ثم لحقتيه ب " انا نفسيا مش مستريحة " و... و..... فواضح انك مسيطر على ذهنك فكرة التخلص من العمل لعدم اقتناعك به اصلا ولا اقصد من ما لاقيتيه بالعمل بل اقصد عدم رضاكى اصلا به من البداية ولعل السبب عندك انتى او عدم اندماجك مع الزملاء فى العمل واعتذر ان كان تفسيرى خاطئ
فاطلب منك ناصحا لا امرا ان تتمهلى اولا فى قرارك فبالتاكيد ستجدين به ما يسرك ولا تاخذى قرار وانت غاضبة ابدا
واسال الله ان يصلح بينك وبين زملائك بالعمل ورؤسائك

وان كان لابد اتكلمى مع رئيس القسم فى العمل وان لم يجد الامر ارفعى الامر للمدير ثم للاعلى مركزا حتى تصلى لحل يرضيكى

السلام عليكم ورحمت الله وبركاته
اختى الكريمه اولا انتى فى فتره الاختبار ومن الممكن ترك العمل فى اى وقت خلال ذلك المده سوى من طرفك او من طرف صاحب العمل ولا يوجد مشكله قانونيه فى ذلك وينص قانون العمل المصرى انه فى حاله الاستقاله يجب على صاحب العمل انهاء كافه الاجراءات فى مده اسبوع واذا رفض صاحب العمل ذلك يتم الجواء الى مكتب العمل بشكوى وذكر ذلك واذا كان مفيش تامين ايضاء ليكى اذكرى ذلك فى الشكوى وانه سبب ترك العمل ولا يوجد عقد عمل .